Eksodas 23:11 - Buka Blahi Ka Cheke Holo

¹¹ Nu ka fafitu finogha na, ghotilo thosei joꞌu gano. Unha teke kotu haghe jare na, tuare lisa lao ka naikno te kuma re mala atha ima ghedi, eghuteuna lisa lao ka buluka mala ghamu ghedi unha te salaꞌui re eghu. Jateula tuana eghu ngala ghotilo nagare waen nei oliv teure.

Eksodas 23:11 ပူးပေါင်းရင်းမြစ်များ

Levitikas 25:22

Gano gna fafamno finogha na, ghotilo ginauna tangomana te ghamu te ghilei gnafa ka fahana finogha na. Eghuteuna ka fahana finogha na ghotilo ginauna tangomana teke joꞌu gano majaghani. Eghuteuna ghotilo ginauna ghamu au ngala gano igre ghilei thokeni faheva finogha na teke hata gano ghotilo ka nomi nagare are.”

Levitikas 25:20

Nu glahu cheke eghu keha naikno, ‘Jame ka fafitu finogha na, theome snakre ghami te joꞌu gano nei bubukrei gano ka sugami re teuna, ghehati na ghamu unha ginauna?’

Eksodas 23:10

“Ghotilo joꞌu nei salo fodu gano eghu nabagna namno finogha.

Eksodas 23:12

“Ke lamnagna kaisei wik na ghotilo mala loku namno narane kolho, nu ka fafitu narane na ghotilo gnafa ka gloku na. Eghume nomi buluka, dongki, mae gloku, gaꞌase gloku nei naiknodi delei eghu te mei au balumi ghotilo are eghu mala jaola gnafa fakeli ka nodi gloku re.

Naba 16:14

Iagho theome atha tei ghami ghehati kolho ka vido te au famane glose nei au kmana gano teure! Iagho theome tufa keha vido glose ngala ka ghehati mala jo'u gano ghehati tagna! Ne dofu ghehati eghu sagho ia? Ghepa tiromi te age na!”

Nehemaea 10:31

“Jame te mei naiknodi delei te sabiri gano ba keha glepo ka ghehati kau narane Sabat, ba ka keha narane blahi igre na, ghehati ginauna theome foli ka mare. Eghuteuna ka fafitu finogha na ghehati ginauna na theome joꞌu gano ka nagare. Jaola ka finogha igne, ghehati ginauna fahuidi kaoni teke edi naikno gre ka ghehati ra.

Diutronomi 15:11

Naikno te kuma igre ginauna au fabrahu ke lamnadi nomi glose ghotilore. Naugna igne te chekeni iara ka ghotilo te mala glealeꞌa te mala thofno toghodi kherami maedi Israel te kmoꞌe ka glepo igre.”

Nehemaea 10:32

“Leuleghu finogha na ghehati te gnafa na ginauna tusu lao katha vido silva mala foli glepo mala ke eni fakeligna nogna Sugablahi God.