Eksodas 22:9 - Buka Blahi Ka Cheke Holo

⁹ Jame phei naikno fari pholai eigna kaisei buluka, ba kaisei dongki, ba kaisei vido pohe te kaisei nanaba ngala fifilodire, ne nogna thegna eghu keha naikno na nei jaola ngau keha naikno na teuna, mare ginau na athidi ka fate phei naikno igre. Eghuteuna ihei te cheke chaichaghi ka phei naikno igre na, naikno tuana ginau na phia fata foli fapulo ka mae khotogna na.

Eksodas 22:9 ပူးပေါင်းရင်းမြစ်များ

Diutronomi 25:1

Mae Moses neke cheke eghu, “Jame phia mae fari fapholai, phia mare tei ka fate mala fadoglini fapholai igne. Eghuteuna mae fate na ginauna cheke fajiflani ihei te doglo na, nei ihei te nabagna te au papara na.

Matiu 18:35

“Nu te chekeni iara ka ghotilo na, na jateula tuana eghu mae Kmagu iara te au kligna na ranghi ghami ghotilo te theome hata fadelei ghotilo ka nagnafamire nakhibodi kherami fofodu re.”

Ululahu Kings 8:31

“Jame kaisei mae eni kaisei najafra ranghini keha mae na, mare ginauna na hata mei mae igne ka nou olta iagho te au ka Sugablahi na igne. Glahu cheke heta mana ka tatathamu iagho na, eghuteuna mana na chekeni neke theome eni teuna.

Matiu 18:15

Mae Jisas ne cheke eghu, “Jame kaisei mae kheramu iagho ka khiloau eni fadiꞌa ranghi nigho kaisei glepo, iagho tei cheke ka mana eigna unha teke eni fadiꞌa mana ranghi nigho iagho na. Ghopa eni poru glepo igne farihoteimi themi. Te magnahaghei fanomho fakeli mana ka iagho na, iagho toghoni mana mala ke fofodu fapulo ghopa.

Fapea Kronikols 19:10

Eghuteuna kate mei kherada ka keha namono Juda igre mala fadoglidi ghotilo puhi biꞌo te au tadire teuna, ghotilo cheke ranghidi mala leghuni mare puhi te doglo na, mala theome eni mare kaisei nakhibo ranghini Lord. Neubane puhi biꞌo ka puhi te falehe naikno, ba fapholai ka thua nafnata vetula ba chekegna Lord, ghotilo mala cheke ranghidi. Jame te theome kulu cheke faheta ranghidi ghotilo na, Lord ginauna diꞌatagna ka ghotilo nei ka kherada tahati ra eghu. Nu jame te kulu cheke faheta ranghidi ghotilo na, ghotilo ginauna theo kaisei puhi biꞌo nate thoke ghami ghotilo na.

Eksodas 22:28

“Ghotilo thosei cheke fadiꞌa ghau iara Lord, ba cheke fadiꞌani kaisei mae funei te mala reireghidi naikno gre.

Eksodas 22:10

“Eghuteuna jame kaisei mae snakre lao kaisei dongki, ba kaisei buluka, ba kaisei sipu, ba kaisei nafnata glepo te tautagu ka mae kheragna na mala reireghi mana eghu, eghuteuna jame glepo igne jame fnera ghu lehe ghu, ba keha mae naoka mei atha blau tei ghu teu te theome filoni kaisei naikno na.

Jenesis 31:39

Ka narane te filoni iara te lehe kaisei sipu ba kaisei nanigot ka nou tothoghei iagho ra, iara neke theome hata neke mei fakakhana ka iagho. Theo. Nu iara thegu ngala teke tughudi re. Leuleghu fata na iagho neke cheke faheta ka iara mala ke foli tughuni iara kaisei nou sipu ba kaisei nou nanigot teke mei hata khuma ka narane ba ka bongiro.