Eksodas 22:25 - Buka Blahi Ka Cheke Holo

²⁵ “Jame kmoꞌe ka sileni nogu naikno iara igre na, mare na kaoni keha sileni ka ghotilo, eghuteuna kate tughu fapulo mare u kaoni igne na ghotilo thosei jateula te eni bisnis ra eghu me tore me salaꞌuni nihai teke atha mare na eghu ia.

Eksodas 22:25 ပူးပေါင်းရင်းမြစ်များ

Nodi Khoje Hatimare Mae Jiu 15:5

Mana mala toghoni ihei te theo nogna sileni na, nu mana theome mala ke tore fapuloni unha teke toghoni kheragna na. Eghuteuna mana theome tangomana te hata sileni ka ihei nga te mala cheke fadiꞌani ihei te doglo teu kolho na. Ihei te edi koba glepo igne na, mana ginau kegra heta fabrahu.

Profet Esikiel 18:8

Mana theome tangomana te snakreni te tufa sileni ka keha mae na te mala hata intres biꞌo mana tagna na. Leuleghu fata na mana theome magnahaghei te eni kaisei glepo te diꞌa na. Mana tangomana te fate ka puhi te doglo na.

Proveb 28:8

Keha naiknore dedei fara ka puhi te diꞌa kate foli mare intres biꞌo ka kaoni. Nu dedei igne ginauna tei ka khamegna mae ihei te keli ranghidi iheire te kuma.

Nehemaea 5:7

hironi kaisei nabrou te mala fadoglini puhi biꞌo igne, aonu iara ne cheke faheta eghu ka mae biꞌo nei mae mala baubatu teu igre, “Ghotilo paradi fara kherami themire ka puhi te hata ghotilo nodi nagare nei thudi teu are!” Aonu iara ne kilo meidi mae igre mala mei ka kaisei faidu biꞌo mala fadoglini puhi biꞌo igne.

Profet Esikiel 18:17

Mana theome tangomana te goigonidi iheire te kuma. Mana theome tusu lao sileni ka keha mae na mala hata sileni biꞌo. Mae igne leghudi nogu cheke iara re, eghuteuna mana tajidi koba nogu vetula iara re. “Mae igne ginauna theome lehe ka nakhibogna mae kmagna na, nu mana ginauna karha kolho.

Profet Esikiel 18:13

Mana tufa sileni koba ka keha mae na mala hata sileni biꞌo. Ba, mae igne ginauna au ka karha? Theo! Mana ginauna mala lehe! Mana edi koba glepo te diꞌa re, eghume mana ginauna mala lehe kolho. Nu najrafagna thegna igre kolho nate faleheni mana na.

Profet Jeremaea 15:10

Iara ne cheke eghu, “Ido! Iara thono diꞌa nagnafagu fara, eigna iagho neke fakarhi ghau iara! Leuleghu fata na iara fapholai nei cheke diꞌa fapulo eghu ka naiknogna kantri igne. Iara theome mae mala tufa sileni ka keha mae mala ke tughu fapulo mana ka iara, eghuteuna iara jaola theome kaoni sileni ka keha maere. Nu naikno te gnafa gre mare cheke fadiꞌa ghau iara.”

Fapea Kings 4:7

Aonu naikno biꞌo igne tei neke filoni mae profet Elisa. Eghuteuna mae Elisa ne cheke eghu ka naꞌa, “Iagho tei fofoli oel, mala tei foli falehe nogna kaoni khetomu na. Eghuteuna niha sileni te salaꞌu na, iagho tangomana te foli gano malami ghotilo tharakna na.”

Fapea Kings 4:1

Kaisei narane, khetogna kaisei mae ka tothoghei mae profet tifa igre mei ne tanhi eghu ka mae Elisa, “Khetogu iara na la lehehi. Iagho laseni, mana neke jateula kaisei nou mae gloku iagho neku, eghuteuna mana neke ghatho tahuni Lord. Tifa na mana neke kaoni ka kaisei mae, eghuteuna gognarona mae igne magnahaghei te mei hata phei thugu nalhaꞌu iara gre mala nogna sneka.”

Luku 19:23

Jame te tutuani unha te chekeni iagho na, naugna unha sagho te theome lilisei nogu sileni iara gre ka banki gnea? Aonu kate ke figri mei iara na, nogu sileni iara gre jame neke bruara.’

Matiu 25:27

Naugna unha neke theome lilisei nogu sileni iara gre ka banki sagho ia? Jame eghu iagho na, kate pulo mei na, iara jame hata fapulo keha sileni te kotu nei bruara teu ka duku sileni teke tusu ari iara ka iagho ia.’

Profet Esikiel 22:12

Ka namono igne, keha ka ghotilo hata sileni ka mae iheire te magnahaghei aknu falehe naikno. Eghuteuna ghotilo hata intres biꞌo ka kaoni teke tusu lao ghotilo ka kherami are, eghume ghotilo thofno dedei fara naugna ghotilo chaghidi kolho naiknore. Ghotilo la ghatho iho ghau iarahi. Igne nogu cheke iara Lord God.

Diutronomi 15:7

“Kate tei te au ghotilo ka glose teke tusu ari Lord nomi God ka ghotilo na, jame kaisei kherami ghotilo ka namonomi na kmoꞌe ka glepo, ghotilo thosei hongo ghami ka mana, eghuteuna thosei thodo te toghoni na.

Diutronomi 24:13

Leuleghu narane na, ghotilo hata fapulo pohe igne ka mana grafiro, mala totoku mana kate thuru na. Jame te eghu na, mana ginauna glealeꞌa ka iagho. Eghuteuna Lord ginauna filoni puhimi ghotilo te doglo fara na.

Profet Esikiel 18:7

Mana theome tangomana te parani ihei na. Mana theome tangomana teke loku faleghu kaisei glepo teke lilisei ihei balugna mana mala enighu kaisei nogna glepo teku mana na. Ka teke hata fapulo mae igne unha teke nogna mana re, mana ke tusu fapulo unha teke au balugna mana re. Mana theome tangomana te blau na. Mana tangomana tufa gano ka ihei te theo ghegna gano na, eghuteuna tangomana te tufa pohe ka ihei te theo nogna pohe na.

Profet Emos 2:8

Ka nodi narane biꞌo te khapru te mala tarai na, mare kifra thuru rhegna olta na ka pohe teke hata ka naikno te kumare. Eghuteuna ghotilo hata tathaji malami themi pohe teke kaoni ka naikno te kumare, mala thuru ka pohe tuana rhegna olta na. Eghuteuna ghotilo hata sileni teke faen naikno te kuma re igne mala foli waen mala koꞌu ghilei thaviru ka sugagna nomi god na.