Eksodas 22:24 - Buka Blahi Ka Cheke Holo

²⁴ Tutuani fara, iara ginau na thono diꞌatagu fara ka ghotilo eghuteuna iara na chekedi mae naokare mala mei falehe ghami ghotilo mala lehe kokodi ghotilo khetomi nei thumi teu are.

Eksodas 22:24 ပူးပေါင်းရင်းမြစ်များ

Nodi Khoje Hatimare Mae Jiu 109:9

Ghehati magnahagheni mana te lehe na mala theo kmadi thugna mana re, nei gaꞌase teke tolaghi mana tagna na ginau theo khetogna.

Profet Jeremaea 15:8

Kmana mae soldia ginauna lehe ka magra, eghuteuna khetodi mae soldia igre na fiti au kolho. Eghuteuna gaꞌase te lehe khetodire igre ginauna kmana fara salaꞌudi nusu ka glilihi na are. Fari hotei narane, iara ginauna kurudi mae naoka mala mei aknu falehe hui hatimare mae soldia ka kantri Juda, eghuteuna idodi mae igre ginauna diꞌanagnafa fara balu mhaghu.

Lamentations 5:3

Ghehati gognarona jateula sua te theo idodi nei kmadi teura eghu, eghuteuna idomi ghehati na jateula tela lehehi khetogna na ra eghu.

Nodi Khoje Hatimare Mae Jiu 69:24

Diꞌatamu sagho nei paradi eghu mare, uve, mala thokedi mare hoholo.

Hibru 10:31

Glepo mamhaghuana tulao jame kaisei mae te kegra ka fate ke ulugna God mae te karha na.

Luku 6:38

Tufa nodi keha naikno are, mala ke tufa nomi God ginauna eghu. Uve, God ginauna tufa glepo ka ghotilo, jateula kaisei mae te famane fafofodu kaisei khara'o ia eghu, kate fodu khara'o na mana na kaokagno nei huta fapari eghu mala fodu salaꞌui. Eghume nafnata puhi te tufa glepo ghotilo ka keha naiknore igne, God ginauna na jaola tufa fapulo glepo ka ghotilo.”

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.

Profet Jeremaea 18:21

Eghume gognarona iara magnahaghedi thudi mare igre te lehe ka grofo. Eghuteuna snakredi hatimare mae naoka mala mei aknu falehe keha ka mae igre. Eghuteuna kehare mala lehe ka fogra biꞌo. Eghuteuna hatimare mae majaghani mala lehe ka magra. Eghuteuna goro gaꞌase mala theo khetodi nei thudi.

Nodi Khoje Hatimare Mae Jiu 90:11

Theo kaisei naikno te filo glani u nolaghi te diꞌatamu iagho ka ghehati igne. Naugna nou nolaghi iagho na thono biꞌo fara. Uve, theo kaisei naikno te filo glani u namhagu nate thoke ghami ghehati kate diꞌatamu iagho ka ghehati ginauna.

Nodi Khoje Hatimare Mae Jiu 76:7

God, naikno te gnafare kafe mhaghu nigho iagho. Kate diꞌatamu iagho na, theo kaisei naikno te frane te ari kegra ke ulumu iagho na.

Thoutonu Eigna Mae Job 31:23

Iara theome magnahaghei te eni kaisei glepo te diꞌa ka naikno te kuma, naugna iara mhaghuni nogna nolaghi God na, eghuteuna iara nanga nogu glahu goigoni ghau mana.

Nodi Khoje Hatimare Mae Jiu 109:2

Naikno te diꞌa nei mae te chaichaghi teu igre mare cheke fapari ghau iara. Mare cheke chaichaghi koba eigna te mala goigoni ghau kolho iara na.

Levitikas 25:35

“Jame kaisei kheramu thono kuma fara eghuteuna mana thono theome au kaisei glepo te mala reireghini thegna na, te eghu na, ghotilo mala reireghini nei toghoni eghu mana jateula puhi te reireghidi nei toghodi teu ghotilo naikno phosa te au balumi ghotilo are eghu.

Levitikas 25:36

Eghuteuna ghotilo mala thosei chekeni mae te kuma igne mala foli intres ka kaisei kaoni teke tusu lao ghotilo ka mana. Ghotilo mala ghatho tahuni Lord, eghuteuna ghotilo mala keli ranghidi naikno te kuma te au balumi ghotilo are.

Diutronomi 23:20

Ghotilo tangomana te eni kaisei mae phosa te mala foli intres na. Nu ghotilo theome tangomana te eni mae kherami na te mala foli intres mana na. Ka puhi igne, Lord nomi God ghotilo na ginauna fablahi ghami ghotilo ka gobigna lepo te edi ghotilo ka glose nate hata ghotilo igne.

Diutronomi 23:21

“Kate nhaꞌa cheke ghotilo ka Lord nomi God na, ghotilo thosei paipalighi fara te mala eni unha teke nhaꞌa chekeni ghotilo na. Lord ginauna theome ghatho ihodi nomi nhaꞌa cheke ghotilo ra, eghuteuna jame te theome edi ghotilo re, ghotilo ginauna nabami te mala au papara ka nakhibo igne.

Nehemaea 5:7

hironi kaisei nabrou te mala fadoglini puhi biꞌo igne, aonu iara ne cheke faheta eghu ka mae biꞌo nei mae mala baubatu teu igre, “Ghotilo paradi fara kherami themire ka puhi te hata ghotilo nodi nagare nei thudi teu are!” Aonu iara ne kilo meidi mae igre mala mei ka kaisei faidu biꞌo mala fadoglini puhi biꞌo igne.

Nodi Khoje Hatimare Mae Jiu 15:5

Mana mala toghoni ihei te theo nogna sileni na, nu mana theome mala ke tore fapuloni unha teke toghoni kheragna na. Eghuteuna mana theome tangomana te hata sileni ka ihei nga te mala cheke fadiꞌani ihei te doglo teu kolho na. Ihei te edi koba glepo igne na, mana ginau kegra heta fabrahu.