Eksodas 22:22 - Buka Blahi Ka Cheke Holo

²² “Ghotilo thosei fakokhoanadi naikno biꞌo nei goro sua eghu te glehe kokoi are.

Eksodas 22:22 ပူးပေါင်းရင်းမြစ်များ

Profet Isaia 1:17

Ghotilo hironi kolho puhi te doglo na. Ghotilo tathaji puhi te mala eni glepo te doglo na, eghuteuna ghotilo koko puhi te diꞌa te goigonidi keha naiknore. Eghuteuna toghodi goro sua glehe kokoi ba goro naikno biꞌo te lehehi khetodi re are.”

Diutronomi 24:17

“Ghotilo leghuni puhi te doglo ka fate na ranghidi naikno phosa nei goro sua te glehe kokoi. Eghuteuna jame kaisei naikno biꞌo tela lehehi khetogna na kaoni ka ghotilo, ghotilo thosei hata nogna pohe na mala ke tughu fapulo nogna kaoni na.

Profet Isaia 1:23

Nomi mae mala baubatu ghotilo igre tirodi leghudi nogu cheke iara re, eghuteuna mare kheradi fofodu mae te blau. Leuleghu fata na mare magnahaghei sileni cheke famaemahe koba. Eghuteuna mare theome toghodi goro sua te glehe kokoi ba goro naikno biꞌo tela lehehi khetodi ra.

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Profet Sekaraea 7:10

Ghotilo thosei tapla faparidi naikno biꞌo, nei goro sua glehe kokoi, nei naikno phosa te mei au balumi ghotilo, nei iheire te kuma. Eghuteuna ghotilo thosei ghaoghatho mala goigonidi keha naiknore.’

Profet Esikiel 22:7

Theo kaisei naikno ka namono igne te ghatho tahudi idodi kmadire. Eghuteuna ghotilo chaghidi naiknodi delei te mei au balumi, goro sua glehe kokoi, nei goro naikno biꞌo te glehe kokoi.

Profet Isaia 10:2

Mare edi vetula majaghani igre ka naikno te kuma nei au kokhonidi teu igre mala theo kaisei nodi nolaghi mare ka unha glepo te khotodi mare re. Mare snakredi naiknore mala blau nodi glepo naikno biꞌo tela lehehi khetodi nei goro sua glehe kokoi teure.

Diutronomi 27:19

“ ‘Puhi biꞌo ginauna thokeni ihei te theome leghuni puhi te doglo kate fateni naikno phosa nei goro sua te glehe kokoi, nei goro naikno biꞌo tela lehehi khetodi re.’ Eghuteuna naiknore ginauna cheke eghu, ‘Amen!’

Diutronomi 10:18

Mana reireghi fakelidi naikno biꞌo te lehe khetodi re nei naikno glehe kokoi, mala theome chaghidi mare. Mana fakakhana nogna namha na ranghidi naikno phosa te au balumi ghotilo eghuteuna tufa ghedi gano nei nodi pohe.

Diutronomi 24:18

Leuleghu fata na ghotilo ke ghathoni teke sneka ghotilo Ijep ia, eghuteuna Lord nomi God neke hata fajifla ghami ka na au sosolo igne. Naugna igne iara tusu ari ka ghotilo nafnata vetula igre.

Thoutonu Eigna Mae Job 31:16

“Leuleghu fata na iara toghodi iheire te kuma, eghuteuna iara farerheta gaoghathodi naikno biꞌo teke lehehi khetodi re.

Proveb 23:10

Iagho thosei riu peg gna vido glose teke lilisei teke mei mae biꞌo tifa ra. Iagho thosei hata nodi vido glose iheire tela lehehi idodi kmadi ra.

Proveb 23:11

Iagho thosei eni igne, naugna Lord mae ihei te nheta fara na, ginauna toghodi mare ka fate na.

Profet Jeremaea 7:6

Ghotilo thosei faparini ihei te mei funugna ka kantri delei te mei au balumi ghotilo, baludi goro sua tela lehehi idodi ba kmadi, nei baludi goro naikno biꞌo tela lehehi khetodire. Ghotilo thosei faleheni ihei te theome eni kaisei najafra. Ghotilo thosei tarai ka mumuju god, naugna nafnata puhi igne ginauna goigoni ghami ghotilo.

Profet Jeremaea 7:7

Jame nomhidi ghotilo nogu cheke iara igre me tughu puhimi te diꞌare meuna, iara ginauna snakre ghami ghotilo mala au fabrahu ka namono teke tusu ari iara ka mae kuꞌemi ghotilo tifara.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Diutronomi 15:9

Ghotilo thosei au gaoghatho te diꞌa nei tiromi te tusu lao kaoni ka ihei nga eghu naugna fafitu finogha te mala ghiha koko kaoni na la namohi. Ghotilo thosei snakreni gaoghatho ghamu nhoto tuana mala tiromi toghoni kherami te au ka puhi biꞌo na. Naugna jame te theome toghoni ghotilo mana na, mana ginauna tanhi lao ka Lord, eghuteuna Lord ginauna ghathoni te ghotilo nabami te au papara eigna igne.

Thoutonu Eigna Mae Job 34:28

Leuleghu fata na mare neke goigonidi fara naikno te kuma re. Eghuteuna naikno te kuma igre tanhi ka God. God nomhidi iheire te au kokhonidi, ne toghodi.

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.

Nodi Khoje Hatimare Mae Jiu 34:7

Nogna engel Lord na, tangomana te reireghidi iheire te ghatho tahuni mana re, nei atha fadelei ranghidi u puhi te au tadire.

Proveb 22:23

Naugna Lord ginauna toghodi mare, eghuteuna ginauna goigonini ihei te goigonidi mare na.

Matiu 23:14

Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fakokhoanadi nei blaudi eghu koba nodi gobigna lepo goro naikno biꞌo te lehe khetodire. Eghuteuna ghotilo tarai brahu koba mala ne mae blahi eghu kolho. Tutuani, God ginauna para ghami fara ghotilo!