Eksodas 22:21 - Buka Blahi Ka Cheke Holo

²¹ “Ghotilo thosei fakokhoanadi nei paradi eghu naiknodi delei te mei au balumi are. Naugna tifa na ghotilo neke jateula tuana neku Ijep.

Eksodas 22:21 ပူးပေါင်းရင်းမြစ်များ

Diutronomi 10:19

Eghume ghotilo mala jaola mala namhadi naikno phosa igre, naugna tifa na, ghotilo neke jaola neke naikno phosa Ijep.

Eksodas 23:9

“Iagho thosei eni kaisei puhi te diꞌa ranghini naikno gna delei te mei au ka namonomu iagho na. Iagho laseni puhigna naikno te jifla kokoni namono gna na te tei au delei na, naugna ghotilo neke au Ijep tifa na.”

Levitikas 19:33

“Ghotilo thosei diꞌa ranghidi naiknodi delei te mei au balumi ka nomi glose ghotilo are.

Profet Sekaraea 7:10

Ghotilo thosei tapla faparidi naikno biꞌo, nei goro sua glehe kokoi, nei naikno phosa te mei au balumi ghotilo, nei iheire te kuma. Eghuteuna ghotilo thosei ghaoghatho mala goigonidi keha naiknore.’

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Jeremaea 7:6

Ghotilo thosei faparini ihei te mei funugna ka kantri delei te mei au balumi ghotilo, baludi goro sua tela lehehi idodi ba kmadi, nei baludi goro naikno biꞌo tela lehehi khetodire. Ghotilo thosei faleheni ihei te theome eni kaisei najafra. Ghotilo thosei tarai ka mumuju god, naugna nafnata puhi igne ginauna goigoni ghami ghotilo.

Diutronomi 23:7

“Nu ghotilo theome tiromini kaisei maegna Idom, naugna ghotilo kheragna mana. Eghuteuna ghotilo theome thofno tiromini maegna Ijep, naugna tifa na ghotilo neke au ka nodi kantri mare na jateula mae phosa neku.

Levitikas 25:35

“Jame kaisei kheramu thono kuma fara eghuteuna mana thono theome au kaisei glepo te mala reireghini thegna na, te eghu na, ghotilo mala reireghini nei toghoni eghu mana jateula puhi te reireghidi nei toghodi teu ghotilo naikno phosa te au balumi ghotilo are eghu.

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Profet Jeremaea 22:3

Lord ne cheke eghu: Ghotilo mala leghuni kolho puhi te keli nei doglo teuna. Ghotilo toghoni mae ihei te blau mare nogna glepore igne. Ghotilo thosei chaghidi ba falehedi naikno te mei funudi ka kantri delei, ba thau tela lehehi khetodi, ba goro sua tela lehehi idodi ba kmadi. Eghuteuna ghotilo thosei fiti falehedi naikno te au ka namono igne.

Diutronomi 15:15

Ghotilo ke ghathodi narane teke sneka ghotilo Ijep ra eghuteuna Lord nomi God neke hata fajifla ghami ka khamegna Fero, king gna Ijep. Naugna igne teke cheke faheta iara ka ghotilo gognarogne.

Levitikas 19:13

“Eghuteuna ghotilo thosei chaghi tafrini ba blauni kherami na. Eghuteuna kate hata ghotilo kaisei te mala edi nomi gloku re, ghotilo mala thosei toki au nogna taba mana na ghilei thokeni keha narane na. Ghotilo mala folini mana ka narane teke loku mana tuana la.

Levitikas 19:34

Ghotilo mala ghathodi narane teke au ghotilo Ijep jateula naikno phosa teku jare ra. Ghotilo namhadi naiknodi delei are jateula te namha ghami themi eghu, eghuteuna ghotilo mala reireghi fakelidi, jateula ghotilo te reireghi fakelidi tharaknami themi are eghu. Iara Lord, nomi God ghotilo.

Diutronomi 1:16

Eghuteuna ka narane tuana iara neke cheke faheta eghu ka mae mala fate igre, “Kate fate te mala fadoglidi faripholai te edi farihoteimi ghotilo re, ghotilo mala fate fadoglo neubane faripholai baludi kherami ba baludi naikno phosa te mei au balumi.

Diutronomi 23:16

Keliu mala au balumi ghotilo ka namono aheva te vahini mana na. Eghuteuna kate au mana balumi ghotilo na, ghotilo thosei cheke faparini.

Diutronomi 27:19

“ ‘Puhi biꞌo ginauna thokeni ihei te theome leghuni puhi te doglo kate fateni naikno phosa nei goro sua te glehe kokoi, nei goro naikno biꞌo tela lehehi khetodi re.’ Eghuteuna naiknore ginauna cheke eghu, ‘Amen!’

Nodi Khoje Hatimare Mae Jiu 146:9

Mana reireghi fakelidi iheire te posa mei ka namonodare, nei toghodi naikno biꞌo tela lehehi khetodire ba goro sua te glehe kokoi, nu mana fanogra nabroudi iheire te diꞌa puhidire mala theome eni mare unha te magnahagheni na.

Profet Esikiel 22:7

Theo kaisei naikno ka namono igne te ghatho tahudi idodi kmadire. Eghuteuna ghotilo chaghidi naiknodi delei te mei au balumi, goro sua glehe kokoi, nei goro naikno biꞌo te glehe kokoi.

Diutronomi 10:18

Mana reireghi fakelidi naikno biꞌo te lehe khetodi re nei naikno glehe kokoi, mala theome chaghidi mare. Mana fakakhana nogna namha na ranghidi naikno phosa te au balumi ghotilo eghuteuna tufa ghedi gano nei nodi pohe.

Diutronomi 24:17

“Ghotilo leghuni puhi te doglo ka fate na ranghidi naikno phosa nei goro sua te glehe kokoi. Eghuteuna jame kaisei naikno biꞌo tela lehehi khetogna na kaoni ka ghotilo, ghotilo thosei hata nogna pohe na mala ke tughu fapulo nogna kaoni na.

Thoutonu Eigna Mae Job 6:27

Ghotilo jateula te foli sua te theo kmagna na mala nomi naikno gloku teura eghu. Ba, ghotilo jateula te magnahaghei te sabiri kherami ra eghu.

Profet Isaia 1:17

Ghotilo hironi kolho puhi te doglo na. Ghotilo tathaji puhi te mala eni glepo te doglo na, eghuteuna ghotilo koko puhi te diꞌa te goigonidi keha naiknore. Eghuteuna toghodi goro sua glehe kokoi ba goro naikno biꞌo te lehehi khetodi re are.”