Eksodas 22:11 - Buka Blahi Ka Cheke Holo

¹¹ Uve, phei naikno igre mala tei ka vido te mala fate na mala nhaꞌa cheke eghu mae kheragna na ka nanghagna Lord, ‘Tutuani fara, iara neke theome falelehe ba atha blauni nou buluka iagho na,’ teu mana igne ngala thofno na. Eghuteuna mae khotogna na mala keliu ngala eghu ka cheke mana igne, eghuteuna mae kheragna na ginau na nake theome tughu glepo teke dofini igne eghu.

Eksodas 22:11 ပူးပေါင်းရင်းမြစ်များ

Hibru 6:16

Kate nhaꞌa cheke na, mare nhaꞌa cheke ka nanghagna mae ihei te fnakno ke uludi thedi. U nhaꞌa cheke igne falalaseni ka naiknore nodi nhaꞌa cheke na thofno tutuani fara te mala fanograni nafnata cheke te mala magra na.

Proveb 30:9

Glahu dedei fara iara ghatho ihoni Lord. Glahu kuma fara iara blau glepo, eghuteuna famamajani nanghagna nogu God iara na.

Levitikas 5:1

“Jame kaisei mae au ka fate mala cheke thakleni glepo teke filoni ba te lase fakelini, nu theome cheke thakleni teuna, mae igne ei nakhibo eghuteuna mana nabagna te papara na.

Eksodas 23:1

Mae Moses ne cheke soru ka naiknore chekegna Lord na, ne cheke eghu, “Kate tei ka fate na, ghotilo thosei toutonu chaghi ranghini ihei unha glepo te theome tutuani na, ba toghoni mae ihei te diꞌa puhigna na.

Eksodas 22:8

Nu jame teke theome filoni ghotilo mae ihei teke blau na, ghotilo atha mei mae ihei teke reireghi glepo igne ke uludi hatimare mae mala fate are, eghuteuna hatimare na filo fakeli ka puhi igne glahula neke blau kolho mana ghu theo ghu teuna.

Eksodas 22:10

“Eghuteuna jame kaisei mae snakre lao kaisei dongki, ba kaisei buluka, ba kaisei sipu, ba kaisei nafnata glepo te tautagu ka mae kheragna na mala reireghi mana eghu, eghuteuna jame glepo igne jame fnera ghu lehe ghu, ba keha mae naoka mei atha blau tei ghu teu te theome filoni kaisei naikno na.

Eksodas 22:12

Nu jame teke reireghi teku iagho buluka tuana eghuteuna mei kaisei mae me blau buluka igne ka iagho teuna, iagho ke tughu buluka tuana ka mae khotogna na.

Eklesiasti 8:2

Iagho mala leghuni chekegna king, naugna iagho neke nhaꞌa chekehi ka God te mala eni iagho igne.