Eksodas 22:1 - Buka Blahi Ka Cheke Holo

¹ Lord ne cheke eghu, “Jame kaisei mae blau kaisei buluka mala falelehe ghu mala foli ghu eghu, mae igne ke falao glima buluka ka mae khotogna na, ke tughugna buluka teke blau mana tuana. Jame kaisei mae blau kaisei sipu, mala falelehe ghu mala foli ghu eghu, mae igne ke falao fati sipu ka mae khotogna na, ke tughugna sipu tuana.

Eksodas 22:1 ပူးပေါင်းရင်းမြစ်များ

Luku 19:8

Nu mae Sakias ne cheke eghu ka mae Jisas, “Lord, funu gognarogne iara ginauna na tufa keha philegna nogu glepore ka naikno te kumare. Eghuteuna ihei teke chaghini iara na, iara nake tusu fapulo ka mana fati fata uluni unha teke hata iara ka mana na.”

Fapea Samuel 12:6

Glepo te eni mana igne thono diꞌa fara, naugna mana ne theome kokhoni ni mae te kuma igne. Mana ginauna tusu lao fati sipu ka mae te kuma igne ke tughugna nogna sipu teke hata mana tuana.”

Proveb 6:31

Nu jame te hata mare mae igne na, mana nake foli fapulo fitu fata, ba snakre lao nogna gobigna lepo fateote'o re, nabagna te mala fadoglini glepo te diꞌa igne.

Naba 5:7

Eghuteuna ne au nakhibo nga mana nu, mana ke cheke fajifla nakhibognare nei ke poloru eghu: Nu jame blau kaisei gobi glepo ka kaisei mae, mana ke foli fapulo kaisei gobi, eghuteuna ke leghugna igne mana ke nhaꞌa lao varadaki glepo ka kaisei gobi teke blau mana re.

Proveb 14:4

Mae te theo nogna buluka na, mana na theo gano. Nu mae te au nogna buluka na, ginauna au nogna famane nagare.

Eksodas 21:36

Nu jame te filoni naiknore buluka te lase magra fara igne, eghuteuna theome bara fakeli mae khotogna na teuna, te keli na mana ke falao buluka te karha teu igne ka keha mae na mala ke tughu gna teke lehe ia, nu mana tangomana te atha buluka tela lehehi igne.”

Profet Esikiel 33:15

Uve, jame teke tusu fapulo mana glepo teke hata teke kaoni nogna kaisei mae te kuma na, eghuteuna ke tusu fapulo glepo teke blaure, eghuteuna leghudi vetula te tusu ranghini u nakarha na, eghuteuna theome ke tapla jafra ka nakhibo teuna, mana ginauna hatini u karha na. Mana na theome lehe.

Profet Jeremaea 2:34

Ghotilo chaghidi naikno te kuma te theome eni kaisei najafra na. Eghuteuna mae te kuma igne ne theome ruma ne blau ka nomi sugare. Neuba, puhi te eni ghotilo igne jateula puhigna mae ihei te faleheni mae kheragna fofodu na ia eghu. Puhi te eni ghotilo ka naikno te kumare igne goigoni ghami fara ghotilo, jateula vido dadara te goigoni nomi pohe ghotilo ra eghu.