Eksodas 21:6 - Buka Blahi Ka Cheke Holo

⁶ jame te eghu mana na, nogna mae funei na ginauna athani mana tei ka mae mala fate. Mana ginauna fakegrani mana ka grengatha na ba ka khegragna grengathagna vido igne, aonu mana atha nila, eghuteuna mana ei khora ka khuligna na. Aonu mae igne ginauna mala nogna mae gloku mae funei igne fabrahu ka nakarhagna na.

Eksodas 21:6 ပူးပေါင်းရင်းမြစ်များ

Diutronomi 15:17

Jame te eghuna, iagho hatani tei ka grengathagna suga na, eghuteuna iagho hata nila, aonu iagho huta nila igne churu ka khuligna tei posa ka grengatha na. Ka puhi igne mana ginauna nou naikno gloku iagho fabrahu ka nakarhagna na. Eghuteuna iagho jaola eni igne ka nou gaꞌase gloku na.

Levitikas 25:40

Ghotilo filo laoni mana jateula nomi mae gloku eghu ghotilo ba jateula kaisei naikno phosa eghu. Mana mala loku balumi ghotilo tei thokeni Falimafulu Finogha igne.

Ululahu Samuel 28:2

Mae Devet ne cheke eghu, “Keliu ngala, iagho na filoni unha nate eni iara nou mae gloku gne.” Aonu mae Akis ne cheke eghu, “Thofno keli fara, iagho ginauna mala au fabrahu ka gloku igne mala reireghi fakeli ghau iara.”

Profet Sefanaea 3:3

Hatimare mae lida ka namono biꞌo Jerusalem, mare jateula lion te rofo te ku'e tafri ra eghu. Eghuteuna mae biꞌo ka namono igre, mare jateula khuma te rofo te ghamu fateo ghegna gano ra eghu. Eghuteuna theome lisei faleghu kaisei nhubra malagna keha narane na.

Ululahu Kings 12:7

Mare ne cheke eghu ka mana, “Jame te jateula kaisei mae gloku kolho teu iagho te eni unha te toreni mare na, mare ginauna na loku ranghi nigho iagho eghuteuna mare na kelitadi te leghu nigho fabrahu na.”

Ululahu Samuel 27:12

Aonu mae Akis ne fatutuani ni mae Devet ne cheke eghu, “Mae Devet gne maegna Israel, nu nogna naikno manare jame tirodini mana gognarona. Eghume, mana ginauna mala loku ranghi ghau iara fabrahu.”

Ululahu Samuel 1:22

Nu Hana ne theome tei baludi ne cheke eghu ka khetogna na, “Kate biꞌo sua na iara ginauna hata tei mala au fabrahu mana ka Suga gna Lord na.”

Diutronomi 16:18

Aonu mae Moses ne cheke eghu, “Ghotilo ginauna vavahi keha mae mala fate, eghuteuna keha mae mala mae biꞌo ka namono te gnafa aheva nate tusu ari Lord ka ghotilo na. Mae igre mala fatedi gobigna lepo ka puhi te doglo ka fate na.

Diutronomi 1:16

Eghuteuna ka narane tuana iara neke cheke faheta eghu ka mae mala fate igre, “Kate fate te mala fadoglidi faripholai te edi farihoteimi ghotilo re, ghotilo mala fate fadoglo neubane faripholai baludi kherami ba baludi naikno phosa te mei au balumi.

Levitikas 25:23

“Jame kaisei ka ghotilo magnahaghei sabiri nogna glose na ka keha mae, mana ginauna thosei sabiri fahui, naugna glose igne theome nogna mana, nu nogu iara Lord. Iara neke tusu ari ka ghotilo mala loku ghotilo, nu ghotilo jateula naikno phosa te au katha vido kolho ka glose igne eghu.

Eksodas 22:28

“Ghotilo thosei cheke fadiꞌa ghau iara Lord, ba cheke fadiꞌani kaisei mae funei te mala reireghidi naikno gre.

Eksodas 21:22

“Jame phei mae magra, eghuteuna tutini gaꞌase te bukla igne ne khoko sua na. Aonu gaꞌase igne jame theome fnera ka thinigna na, mae ihei teke purini thau igne ginauna poloru ka mae khetogna gaꞌase igne. Khetogna gaꞌase igne ginauna lilisei praes ka poloru igne, eghuteuna jame te kaisei gaoghatho mae lida igre ka praes igne na, mae igne mala foli unha te magnahagheni mana igne.

Eksodas 12:12

“Ka bongi igne iara ginau na tei ka vido te gnafa Ijep igre mala falelehe goro mae sua nalhaꞌu teke kulu karha ka mae Ijep gre, nei nodi sua dongki, hose, kamel, buluka, sipu nei nanigot teu mare teke kulu karha are eghu. Iara ngala Lord na, iara ginau na paradi fara nodi mumuju god te pogho sorudi maedi Ijep are.

Profet Isaia 1:26

Eghuteuna iara ginauna na vavahi mae mala baubatu majaghani nei mae funei majaghani eghu jateula teke eghu ghotilo tifa ra eghu. Ka narane tuana, naiknore ginauna lase ghami ghotilo naiknomi Jerusalem ra te edi ghotilo glepo te thofno doglo re. Mare na jaola lase ghami ghotilo te ghatho tahuni fabrahu Lord.”

Eksodas 21:5

“Nu jame mae sneka igne chekeni te mana namhani fara nogna mae funei na nei khetogna nei thugna re, eghuteuna mana theome magnahaghei te jifla te tei na,

Eksodas 21:7

“Jame kaisei mae sabiri thugna gaꞌase na te mala naikno sneka, gaꞌase igne ginauna theome tangomana te snagla te jifla te tei ka fafitu finogha na.

Diutronomi 15:16

“Nu jame kaisei nomi naikno sneka ghotilo cheke eghu, ‘Iara tirogu tei koko nigho iagho naugna iara namha nigho iagho baludi tharaknamu iagho gne, eghume te keli na iara na au balumi ghotilo.’

Nodi Khoje Hatimare Mae Jiu 82:1

God na eni kaisei faidu biꞌo kligna, eghuteuna mana na fatedi hatimare mae engel te jateula god teu te khapru faligohoni teu mana jare na.