Eksodas 21:26 - Buka Blahi Ka Cheke Holo

²⁶ “Jame kaisei mae tutini nogna mae sneka na, ba nogna gaꞌase sneka igne, ne goigoni kaisei tathagna, mae igne ginauna snakreni sneka igne mala jifla tei nogna, jateula te folini eghu tathagna tela goigonihi igne.

Eksodas 21:26 ပူးပေါင်းရင်းမြစ်များ

Kolose 4:1

Ghotilo mae funeira, reireghi fakelidi nomi mae glokure ka puhi te doglo. Naugna ghotilo laseni te au kaisei nomi mae funei biꞌo kligna, mae ihei te filo ghami nei taba ghami ba para ghami leghuni unha te eni ghotilo na.

Efesus 6:9

Ghotilo mae funeira, jaola keli ranghidi nomi mae snekare. Eghuteuna koko nafnata puhi te famamhaghudi nomi mae sneka are. Naugna ghotilo laseni nomi funei ghotilo nei nodi funei mare teuna au kligna, eghuteuna naikno te gnafa na kaisei nanaba ngala ka mana.

Nodi Khoje Hatimare Mae Jiu 10:18

Iagho ginauna na nomhidi nodi natanhi goro sua te glehe kokoi nei iheire te au kokhonidi. Iagho ginauna toghodi nei tapla sorudi naikno te diꞌa igre. Te eghu na naikno nogna nauthoglu igne ginauna nake theome eni kaisei puhi te diꞌa ka mare.

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.

Nodi Khoje Hatimare Mae Jiu 9:12

God na kokhonidi iheire te au papara. Mana theome ghatho ihodi nodi tharaire. Eghuteuna ke tughu fapulo naꞌau papara na ka iheire teke paradi naikno te au diꞌanagnafa re.

Nehemaea 5:5

Neuba tahati mae Jiu gre ne kaisei vike kolho, eghuteuna thuda tahati gre kaisei nanaba ngala ka thudi keha kherada mae Jiu igre neu, nu ghehati na sabiri thumi gre ka mare mala nodi naikno sneka mare mala hata naba sileni mala foli ghemi gano. Keha thumi gaꞌase re, ghehati la sabirihi mala naikno sneka kolho. Eigna ghehati theome tangomana te eni kaisei glepo na, naugna glose nei nomi nagare grep teure, kherami ghehati igre la hatahi ka ghehati.”

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Eksodas 21:20

“Jame kaisei mae purini nogna mae sneka na ba nogna gaꞌase sneka na ka gaju, eghuteuna lehe ka narane tuanala, ghotilo parani mae tuana.

Eksodas 21:25

Jame gnubra mana gaꞌase igne ka khaꞌaghi, mae igne mala jaola gnubra ka khaꞌaghi. Jame te vahe mana gaꞌase igne, mana mala jaola mala ghoreho. Eghuteuna jame te fnera gaꞌase igne, nu theome jifla mei dadara teuna, mae igne mala jaola fnera.

Eksodas 21:27

Eghuteuna jame kaisei mae tutini nogna mae sneka na ba nogna gaꞌase sneka igne ne klopa kaisei kheꞌigna, mae igne ginauna snakreni naikno sneka igne mala jifla tei nogna, jateula foligna teu kheꞌigna na.”

Eksodas 21:24

Jame te koko mana kaisei tathagna gaꞌase na, mae igne mala jaola koko kaisei tathagna. Jame mana koko kaisei kheꞌigna gaꞌase na, mae igne mala jaola koko kaisei kheꞌigna. Jame mana koko kaisei khamegna gaꞌase na, mae igne mala jaola koko kaisei khamegna. Jame mana koko kaisei ghahegna gaꞌase na, mae igne mala jaola koko kaisei ghahegna.