Eksodas 21:25 - Buka Blahi Ka Cheke Holo

²⁵ Jame gnubra mana gaꞌase igne ka khaꞌaghi, mae igne mala jaola gnubra ka khaꞌaghi. Jame te vahe mana gaꞌase igne, mana mala jaola mala ghoreho. Eghuteuna jame te fnera gaꞌase igne, nu theome jifla mei dadara teuna, mae igne mala jaola fnera.

Eksodas 21:25 ပူးပေါင်းရင်းမြစ်များ

Eksodas 21:24

Jame te koko mana kaisei tathagna gaꞌase na, mae igne mala jaola koko kaisei tathagna. Jame mana koko kaisei kheꞌigna gaꞌase na, mae igne mala jaola koko kaisei kheꞌigna. Jame mana koko kaisei khamegna gaꞌase na, mae igne mala jaola koko kaisei khamegna. Jame mana koko kaisei ghahegna gaꞌase na, mae igne mala jaola koko kaisei ghahegna.

Eksodas 21:26

“Jame kaisei mae tutini nogna mae sneka na, ba nogna gaꞌase sneka igne, ne goigoni kaisei tathagna, mae igne ginauna snakreni sneka igne mala jifla tei nogna, jateula te folini eghu tathagna tela goigonihi igne.

Levitikas 24:19

Jame kaisei mae fafnerani keha mae na, ghotilo mala tei mala jaola fafnerani mana.

Diutronomi 19:21

Ghotilo thosei kokhonini ihei te chaghi ka fate te mala goigonini keha mae na. Nafnata papara te magnahaghei eni mana ka keha mae na igne, ghotilo mala parani mana ka nafnata puhi teke enila mana na. Eghume, ghotilo mala hata tathagna, kheꞌigna, khamegna, gahegna, nei nakarhagna eghu naikno tuana nabagna unha teke eni mana na.”