Eksodas 21:1 - Buka Blahi Ka Cheke Holo

¹ Lord ne cheke eghu ka mae Moses: “Igre vetula te mala tusu lao iagho ka naiknodi Israel.

Eksodas 21:1 ပူးပေါင်းရင်းမြစ်များ

Diutronomi 4:14

Eghuteuna ka narane tuana, mana neke cheke faheta ka iara mala farirhiu ghami iara cheke nei vetula eghu te mala leghudi ghotilo kate tei kasa ka khoꞌu te mala tei au ka glose aheva nate au tagna ghotilo na.”

Diutronomi 6:20

“Nathuꞌu nauriha na thumi ghotilore ginauna ghusna eghu ka ghotilo, ‘Naugna unha si Lord, noda God tahati gne te cheke ranghi ghita tahati te mala leghudi farirhiu nei cheke nei vetula teu igrea?’

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Malakai 4:4

“Ghotilo mala ghatho tahudi nogna farirhiu mae nogu gloku iara mae Moses, nei vetula teke tusu lao iara ka mae Moses ka Thogele Sanai ra eghu malami ghotilo te gnafa Israel.

Profet Esikiel 20:25

Eghume iara na snakre di kolho mare te mala leghudi ka keha vetula nu cheke teu te diꞌa re, nu na theome tangomana mare te toghodi thedi mala au ka nakarha te keli.

Profet Esikiel 20:11

Iara neke cheke faheta ka mare eghuteuna farirhiudi mare nogu vetula re. Jame ihei te faꞌuvedi nei leghudi teu nogu cheke iara igre na, mana tangomana nate au fakeli na.

Nodi Khoje Hatimare Mae Jiu 147:19

Lord na tusu mei nogna cheke nei vetula teure mala farirhiu ghita tahati naiknoda Israel.

Fapea Kronikols 19:10

Eghuteuna kate mei kherada ka keha namono Juda igre mala fadoglidi ghotilo puhi biꞌo te au tadire teuna, ghotilo cheke ranghidi mala leghuni mare puhi te doglo na, mala theome eni mare kaisei nakhibo ranghini Lord. Neubane puhi biꞌo ka puhi te falehe naikno, ba fapholai ka thua nafnata vetula ba chekegna Lord, ghotilo mala cheke ranghidi. Jame te theome kulu cheke faheta ranghidi ghotilo na, Lord ginauna diꞌatagna ka ghotilo nei ka kherada tahati ra eghu. Nu jame te kulu cheke faheta ranghidi ghotilo na, ghotilo ginauna theo kaisei puhi biꞌo nate thoke ghami ghotilo na.

Ululahu Kings 6:12

“Iara magnahaghei te cheke ka iagho eigna Sugablahi te loku iagho igne. Jame te leghudi iagho nogu cheke nei vetula teu iara igre na, iara ginauna edi ranghi nigho unha teke nhaꞌa chekedi iara ka mae kmamu iagho King Devet.

Diutronomi 6:1

Aonu mae Moses ne cheke eghu, “Igre nogna cheke nei vetula eghu Lord nomi God ghotilo teke cheke ranghi ghau iara te mala farirhiu ghami ghotilo. Te mala leghudi ghotilo ka glose nate tei ghotilo te hata ginauna.

Diutronomi 5:31

Iagho kolho nate au teu agne balugu iara na. Eghuteuna iara ginauna tusu ari ka iagho nogu cheke te gnafa nei vetula, nei cheke faheta te gnafa teu igre. Eghuteuna ke leghu na, iagho mala farirhiu glepo igre ka naiknore, mala leghudi mare ka glose teke tusu lao iara ka mare mala khotodi.’ ”

Diutronomi 5:1

Aonu mae Moses ne kafe kilo fodu meidi naiknodi Israel ne cheke eghu: “Fanomho fakeli ka cheke nei vetula eghu nate chekedi iara ka ghotilo gognaro igre. Ghotilo mala ghathodi nei leghudi eghu fabrahu!

Diutronomi 4:8

Eghuteuna keha kantri igre, neuba mare ne au nolaghi jateula unha neu, nu mare theome au kaisei vetula te thofno famane doglo jateula vetula te farirhiu ghami iara gognaro gre.

Diutronomi 4:5

“Iara la farirhiu ghamihi ghotilo cheke nei vetula teu igre leghuni unha teke cheke ranghi ghau noda Lord God. Iara eni igne mala leghudi ghotilo vetula igre kate au teu ghotilo ka glose te hata ghotilo re.

Naba 36:13

Eghume igre ngala u vetula teke tusu lao Lord ka mae Moses mala cheke ka naiknodi Israel, kani au nga teku mare ka vido sare biꞌo Moab, ka gerigna khoꞌu Jordan, ka keha philegna khoꞌu te funu Jeriko na.

Levitikas 20:22

“Iara ginauna atha ghami ghotilo tei ka glose te mala au ghotilo tagna na. Ghotilo mala faꞌuvedi nogu vetula iara re, eghuteuna ghotilo mala leghudi nogu cheke te gnafa iara re. Jame te eghu na, iara ginauna theome ki fajifla ghami ka glose teke tusu ari iara ka ghotilo igne.

Levitikas 19:37

“Ghotilo mala faꞌuvedi nei leghudi eghu nogu vetula te gnafa nei cheke te gnafa teu iara igre, naugna iara Lord.”

Levitikas 18:26

Glepo te edi naiknodi Kenan igre thono diꞌa fara, eghume iara haimini te rogu luꞌa na, eghuteuna eni glose igne mala theome klino ka tathagu iara na. Nu ghotilo mala thosei edi glepo igre. Neuba ghotilo ne tharakna gna Israel, ba naikno phosa, nu ghotilo te gnafa na mala leghudi nogu vetula iara igre, nei leghudi gaoghathogu iara re.

Eksodas 19:7

Aonu, mae Moses neke soru mei funugna ka thogele ro ne kilodi hatimare mae lida mala kafe mei, aonu mana ne cheke ka mare eidi gobigna lepo teke chekedi Lord ka mana re.

Diutronomi 15:12

Aonu mae Moses tudu ne cheke eghu, “Jame kaisei ka ghotilo Hibru, nalhaꞌu ba gaꞌase sabirini thegna ka ghotilo mala nomi sneka ghotilo. Kate salaꞌu namno finogha teke loku ranghi ghami ghotilo na, ghotilo ginauna theome tangomana teke loku fapuloni na. Ka fafitu finogha na, ghotilo snakreni naikno gloku igne mala snagla ke tei nogna.