Eksodas 20:7 - Buka Blahi Ka Cheke Holo

⁷ “Thosei cheke faparini nanghagu iara na. Iara nomi Lord nei God eghu ghotilo. Tutuani, iara ginau na paradi naikno te cheke faparini nanghagu iara na.

Eksodas 20:7 ပူးပေါင်းရင်းမြစ်များ

Diutronomi 5:11

Ghotilo thosei lausasaba nanghagu iara na, naugna iara Lord, nomi God ghotilo, eghuteuna iara ginauna parani ihei te lausasaba nanghagu iara na.

Levitikas 19:12

“Eghuteuna ghotilo thosei nhaꞌa cheke chaichaghi ka nanghagu iara, naugna goigoni ni nanghagu iara na. Iara Lord.

Jemes 5:12

Kheraguro, kaisei glepo biꞌo te mala laseni ghotilo na igne. Ne nhaꞌa cheke nganu, ghotilo thosei baubahu lao ka kaisei glepo kligna ba pari ba unha langau. Chekeni ngala, “Uve, tutuani fara” ba chekeni ngala, “Theo, theome tutuani.” Te theome eni ghotilo igne na, God ginauna na fate ghami ghotilo.

Profet Jeremaea 4:2

Jame te magnahaghei nhaꞌa cheke ghotilo ka nanghagu iara na, ghotilo cheke eghu, ‘Iara thofno nhaꞌa cheke ka nanghagna Lord mae ihei te karha te tifa.’ Jame te eni tutuani ghotilo igne na, iara ginauna fablahi ghami ghotilo naikno te gnafa ka nauthoglu igne.”

Josua 9:20

Tahati lisa laodi mala karhau mare, naugna tahati neke enihi nhaꞌa cheke tuana ka mare. Eghuteuna God ginauna para ghita tahati jame te falehedi mare tahati na.

Josua 2:17

Tifeiro na, phia mare neke cheke eghu ka naꞌa, “Ghepa ginauna tajini nhaꞌa cheke teke edi ghepa ka iagho ra.

Josua 2:12

“Gognarona iara magnahaghei ghami ghopa te eni kaisei nhaꞌa cheke ka nanghagna nomi God na mala theome eni kaisei glepo te diꞌa ka iara baludi tharaknagu iara igre, jateula te eni iara ka ghopa gognarogne eghu. Ghopa na eni kaisei fagaglana ranghi ghau iara mala tutuani nomi nhaꞌa cheke na.

Proveb 30:9

Glahu dedei fara iara ghatho ihoni Lord. Glahu kuma fara iara blau glepo, eghuteuna famamajani nanghagna nogu God iara na.

Diutronomi 10:20

Ghotilo mala ghatho tahuni Lord nomi God, nei leghudi unha te chekedi mana re. Ghotilo ghatho tahuni kolho mana. Eghuteuna nomi nhaꞌa cheke re, ghotilo edi ka nanghagna mana kolho.

Fapea Korin 1:23

God laseni unha te chekeni iara ka ghotilo igne thofno tutuani fara, naugna mana thofno laseni nagnafagu iara na. Tutuani, iara theome ariu ka ghotilo Korin, naugna iara theome magnahaghei te para ghami ghotilo na.

Ululahu Kings 2:9

Nu gognarona iagho parani mana. Naugna iagho kaisei mae glalase fara. Eghume iagho laseni ka unha puhi nate leghuni iagho te mala faleheni mana na.”

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Fapea Kings 5:20

mae Gehasi, nogna mae gloku mae Elisa igne ne ghaoghatho eghu ka nagnafagna thegna na, “Nogu mae funei iara gne snakreni mae Naman maegna Siria igne neke tei kolho. Mala unha si mana te theome hata glepo teke magnahaghei tufa mae Naman ka mana ra? Ka nanghagna Lord te karha te tifa, iara cheke tutuani fara, iara na ngolho tei ke leghugna mae Naman, eghuteuna iara ginauna hata keha glepo ka mana.”

Nodi Khoje Hatimare Mae Jiu 139:20

Iheire te cheke fadiꞌa nigho, nei iheire te cheke faparini eghu nanghamu iagho na.

Profet Jeremaea 34:16

Nu gognarona, ghotilo ke tughu nagnafami. Eghuteuna ghotilo fakakhana te theome ghatho tahu ghau iara na ka puhi te huhughuni ghotilo nhaꞌa cheke igne. Ulu lahu na ghotilo neke snakredi naikno te sneka igre mala snagla jifla tei, mala tangomana mare te tei ka namono aheva te magnahagheni mare na. Nu gognarona, ghotilo ke atha fafigridi mala nomi naikno sneka ghotilo.

Profet Esikiel 39:7

“Eghume, nogu naikno iara Israel igre ginauna laseni nanghagu iara te blahi na, eghuteuna iara ginauna theome snakredi mare teke lausasabani nanghagu iara na. Eghuteuna naikno ka kantri na igre ginauna lase ghau iara Lord, nodi God te blahi mae Israel.

Jenesis 27:20

Nu mae Isak ne ghusna eghu ka mae thugna na, “Thuguo, faꞌunha ne ghosei ne tei filo deni ne hata sagho gnea?” Mae Jekop ne cheke eghu, “Naugna nou Lord God iagho, mae ihei iagho te loku ranghini na neke togho ghau iara neke ghosei neke filo deni iara.”

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”