Eksodas 20:5 - Buka Blahi Ka Cheke Holo

⁵ Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Eksodas 20:5 ပူးပေါင်းရင်းမြစ်များ

Naba 14:18

Tifa na, iagho neke nhaꞌa cheke eghu, ‘Iara ngala Lord na, eghuteuna iara theome tangomana te ghosei diꞌatagu na. Leuleghu fata na iara ghatho tahudi koba nogu naiknore. Iara ginauna atha fadelei nakhibodi nei puhi te diꞌa teu ka nogu naiknore. Nu iheire naikno te edi glepo te diꞌare, iara ginauna paradi mare baludi thudi, gradi, fapea gradi, nei fatilo gradi teu te ginau karha mei ke leghudi mare re.’

Diutronomi 5:9

Ghotilo thosei pogho soru ka kaisei mumuju ba tarai tagna, naugna iara Lord, nomi God ghotilo, iara theome magnahaghei ghami ghotilo te ghatho tahuni kaisei god delei. Puhigu iara na jateula: iheire te tirodi ghau iara, nei tei koko ghau iara teu igre, iara ginauna paradi mare baludi thudi, nei gradi teure ghilei thokedi fapea gradi mare ginaure.

Diutronomi 4:24

Blahi naugna Lord, nomi God ghotilo na tangomana te diꞌatagna fara ka ghotilo na. Diꞌatagna mana igne jateula kaisei khaꞌaghi eghu, eghuteuna mana theome magnahaghei ghami ghotilo te tarai ka kaisei god ngau.”

Eksodas 34:14

Ghotilo thosei pogho soru tarai ka keha god delei, naugna iara Lord theome magnahaghei ghami ghotilo te ghatho tahuni kaisei god delei.

Josua 24:19

Josua neke cheke faheta eghu ka vikegna Israel, “Jame te leghudi ghotilo keha god are na ghotilo ginauna theome nabami te mala leghuni Lord, naugna mana thono blahi fara, eghuteuna mana theome magnahaghei ghami ghotilo te tarai ka keha god delei. Eghume jame te leghudi ghotilo keha god delei are na mana ginauna na theome tangomana te hata fadelei nakhibomi ghotilo re.

Nodi Khoje Hatimare Mae Jiu 109:14

Ghehati magnahagheni Lord te ghathodi puhi te diꞌa teke edi kuꞌegna mana tifa ra! Nei thosei atha fadeleidi nakhibogna idogna mana na!

Josua 23:7

Ghotilo thosei fofodu baludi naikno bongihehe te au teu balumi ghotilo are. Eghuteuna ghotilo thosei tarai ka nanghadi nodi god mare tuare. Eghuteuna ghotilo thosei baubahu tadi ba loku ranghidi ba pogho soru ranghidi.

Diutronomi 6:15

naugna Lord nomi God, mae ihei te au balumi ghotilo igne ginauna diꞌatagna fara ka ghotilo. Diꞌatagna mana igne ginauna jateula kaisei khaꞌaghi biꞌo eghu goigoni ghami ghotilo hui mala theo kaisei ka ghotilo te karha au teu ka nauthoglu igne.

Profet Nahum 1:2

Lord ngala God na, theo ihei nga, eghuteuna mana theome magnahagheni ihei ka nogna naiknore te tufru soru ka mumuju god. Mana diꞌatagna fara ka iheire te theome leghudi nogna cheke mana re. Naugna igne, mana ginauna paradi nafnata naikno igre.

Profet Jeremaea 32:18

Leuleghu fata na, iagho namhadi nei kokhonidi eghu kmana thogha naikno. Nu jame te tapla jafra kaisei phagusu ka nakhibo na, iagho ginauna paradi naikno te leghudi puhi te diꞌa tuare baludi goro thudi nate karha mei ke leghudi re. God, iagho thofno keli fara, nei nolaghi fara eghu, eghuteuna nanghamu iagho na Lord, mae ihei te au nolaghi fateote'o.

Naba 14:33

Eghuteuna thumi ghotilo re ginauna nolo tafri ka namono nagou igne nabagna phiatutu finogha. Naugna ghotilo ne theome ghatho tahu ghau iara, eghume thumi ghotilo re ginauna au papara naugna puhi te diꞌa te edi ghotilo. Mare ginauna au papara ghilei thoke kate thuru lehe teu ghotilo ka namono nagou gne.

Nodi Khoje Hatimare Mae Jiu 79:8

God, thosei para ghami ghehati eidi nakhibo teke edi ghehati tifara. Faghosei kokhoni ghami ghehati sagho, naugna gaoghathomire ghehati la thofno glaꞌe soru fara.

Eksodas 23:24

Ghotilo thosei pogho soru ba tarai ka nodi mumuju god naikno te au ka namono tuare. Ghotilo thosei atha nafnata tharai te edi naikno tuare. Ghotilo roꞌe fahui mumuju god te pogho mare tadi are, nei jaola kuri leuleghu thina blahi te kegra teu ka vido te mala tarai mare na are.

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Letas Teke Riso Tei Mae Pol Ka Khiloau Rom 8:7

Naugna mae te ghathoni fara puhi te diꞌa na, mana nogna naoka God. Mana theome leghuni nogna vetula God na, eigna mana theome tangomana te eni igne na.

Letas Teke Riso Tei Mae Pol Ka Khiloau Rom 1:30

Mare tirodini God, nei cheke fadiꞌadi nanghadi keha naiknore, fahaehaghe nei fakliaklignadi thedi eghu kolho. Mare jaola ghathodi kmana nafnata puhi te mala eni unha puhi te diꞌa, nei theome ghatho tahudi idodi kmadire.

Profet Jeremaea 2:9

Lord ne cheke eghu, “Naugna te eni ghotilo nafnata puhi igne, iara ginauna nake fate ghami ngala ghotilo. Eghuteuna iara ginauna na jaola fatedi thumi nei vikemi teu ghotilo nate karha mei ka ghotilo ginaure.

Profet Isaia 44:19

Ihei te sari mumuju god igne, theome au kaisei gaoghatho te keli te mala cheke eghu na, “Tore, keha vidogna gaju igne iara neke gahu ka khaꞌaghi. Iara jaola gahu nafnahi nei keha ghegu nafnata gano eghu ka khaꞌaghi igne. Keha vido te salaꞌui ka gaju igne, iara neke sari kaisei mumuju te diꞌa kolho. Iara tarai ka phugra gaju te theo nafugna igne kolho!”

Profet Isaia 44:15

Mae igne hata vidogna gaju igne mala gahu gano, ba mala peha. Eghuteuna keha vido na mala sari mumuju god mala tarai nei pogho soru eghu tagna.

Nodi Khoje Hatimare Mae Jiu 81:15

Uve, jame fanomho koba nogu naikno re ka iara meuna, iara ginauna na famamhagudi naikno te tirodi ghau iara gre. Eghuteuna iara ginauna paradi fabrahu naikno te diꞌa tuare.

Thoutonu Eigna Mae Job 5:4

Thugna mana re theome au fakeli. Eghuteuna theo kaisei naikno te toghodi ka fate na.

Fapea Kings 23:26

Neubane eghu ngau, Lord diꞌatagna fabrahu ka glepo te diꞌa teke edi King Manase ka naiknodi Juda tifa ra.

Fapea Kings 17:35

Lord neke eni kaisei nhaꞌa cheke baludi naiknodi Israel gre neke cheke eghu ka mare, “Thosei tarai ka keha god delei: thosei pogho soru tadi ba loku ranghidi ba fafara tadi.

Ululahu Kings 21:29

“Ba, iagho filoni King Ehab tela nhaꞌa faparini thegna gognarogne? Naugna tela nhaꞌa faparini thegna mana ke ulugu iara igne, iara ginauna theome eni kaisei puhi biꞌo mala thokeni mana kate karha teu mana na. Nu puhi biꞌo igne ginauna thokedi vikegna manare ka narane te king thugna mana na.”

Fapea Samuel 21:6

Eghume, ghehati magnahaghei nigho iagho te hata mei fitu mae ka vikegna king Sol. Ghehati ginauna aknu falehe mae igre, eghuteuna fagefe haghe thinidire ke ulugna nogna vido blahi Lord na Gibea. Naugna igne nogna namono mae Sol aheva Lord teke vahini mana te mala king.” Aonu king ne cheke eghu, “Iara ginauna hata mei mae igre ka ghotilo.”

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Diutronomi 32:21

Iara goghotu ka ghotilo, naugna ghotilo ne pogho soru ka god te theo nafudi kolho are. Iara diꞌatagu fara ka ghotilo, naugna ghotilo ne magnahagheidi mumuju blahi te theo nafudi are. Eghume iara ginauna chekedi naikno te theo nafudi kolho are mala famamaja ghami ghotilo. Eghuteuna iara ginauna eni igne mala diꞌatami ghotilo ka iheire te theo tadi kaisei gaoghatho te keli.

Diutronomi 7:10

Nu ka iheire te tirodini mana re, mana ginauna ghosei paradi nei goigonidi naikno igre.

Levitikas 26:29

Ghotilo ginauna thono rofo fara salaꞌudi tifa ra, ghilei ghamu ghotilo thumi themi are.

Levitikas 26:1

Lord ne cheke eghu, “Ghotilo thosei horo mumuju blahi, ba kaisei nafnata glepo mala tarai ghotilo tagna. Eghuteuna ghotilo mala thosei fakegra haghe thina mumuju brahu mala pogho soru ghotilo tadi, naugna iara Lord, nomi God ghotilo.

Levitikas 20:5

iara thegu nate figri tagruni mana nei tharaknagna mana na, nei keha naikno iheire te loku fodu balugna mana te mala leghuni god Molek igne, eghuteuna iara ginauna hata fadeleidi mare ka naiknodi Israel.

Ululahu Korin 10:22

Ba, tahati magnahagheni Lord te diꞌatagna? Ba, tahati nheta fara uluni mana? Theo fara!

Jone 15:18

“Te theome magnahaghei ghami ghotilo naikno te leghuni puhigna u nauthoglu igne na, ghotilo lasedihi mare neke kulu theome magnahaghei ghaula iara.

Jone 7:7

Naiknogna nauthoglu igne mare na theome diꞌa tadi ka ghotilo. Nu ka iara na mare diꞌa tadi fara, naugna iara ne cheke thakledi u puhidi mare te diꞌare.

Matiu 4:9

Eghuteuna Satan ne cheke eghu, “Gobigna lepo igre iara na snakre ari ka iagho, eghu jame te tuturupuku te pogho soru iagho ranghi ghau iara na.”

Profet Daniel 1:2

God neke snakreni king Nebukadnesa neke uluni King Jehoakim. Aonu King Nebukadnesa ne hata famane glepo teke mala loku mare ka sugagna God na. Mana hata glepo ka sugagna God na igre ne tei nhaꞌa fodu baludi nogna gobigna lepo te keli thegnare ka sugagna nogna god thegna na.

Profet Esikiel 8:3

Mae igne jateula mae te ngafa mei khamegna na eghu filogna na, eghuteuna mana ne loku ka khakla ka phaꞌugu iara na. Aonu nogna nolaghi God na ne pala haghe ghau iara kligna farihoteidi maloa ghe nauthoglu, eghuteuna mana hata ghau iara ne tei Jerusalem. Mana hata ghau iara ne tei ruma ka grengathagna bara te au ke rarugna Sugablahi igne, mala tei ruma ka vido glalaba ikoi rhegna Sugablahi na. Ka glalaba ikoi igne, jare au kaisei mumuju god, tuana te thono diꞌatagna fara God na, naugna naiknore tarai ka mumuju igne.

Proveb 8:36

Nu mae ihei te theome dei ghau iara na, mana goigoni ni kolho thegna, eghuteuna ihei te tirogna ghau iara na, mana magnahaghei fara te lehe na. Eghume igne ngala gaoghatho te keli nei doglo teuna.”

Nodi Khoje Hatimare Mae Jiu 78:58

Mare fa eꞌei mala diꞌatagna fara God eghu, ka puhi te tarai mare ka keha god delei ka thogele na. Ka puhi te fakegra haghe mare mumuju na igne ngala te thofno diꞌatagna fara God na.

Thoutonu Eigna Mae Job 21:19

Keha naiknore te chekeni na God paradi goro sua re eidi nakhibodi kmadi re. Nu te ghathoni iara na puhi igne theome keli. Te keli na God parani mana eidi nakhibogna mana thegna re.

Fapea Kronikols 25:14

Kate mei King Amasaea te aknu falehe kmana soldia di Idom ka magra igne, mana hata ne mei nodi god mare re balugna. Aonu mana ne fakegra haghe nodi mumuju blahi mae bongihehe igre mala tarai, nei gahu insens eghu tadi.

Fapea Kings 17:41

Eghume naikno igre tarai ka Lord, nu mare jaola tarai ka mumuju eghu fabrahu ghilei mei posa ka narane gognarogne, eghuteuna iheire te karha mei ke leghudi mare re, mare theome gnafa te edi glepo igre.

Jajis 2:19

Nu kate lehe mae lida na, mare te gnafa na ke puloi ngala ke leghudi puhi te diꞌare. Eghuteuna mare edi fabrahu glepo te thono diꞌa fara salaꞌudi puhidi kmadi tifa ra. Mare leghudi nei tarai eghu ka keha god delei. Eghuteuna leghu fata kolho, mare patugama fabrahu nei theome tangomana te lisa kokodi puhi te diꞌa re.

Josua 23:16

Lord na noda God tahati. Jame te huhughuni ghotilo nogna nhaꞌa cheke mana teke eni baluda tahati ia, eghuteuna jame te tei ghotilo te pogho soru ka keha god delei na, mana ginauna diꞌatagna fara ka ghotilo eghuteuna ginauna thofno para ghami ghotilo. Eghuteuna jame te eghu ghotilo na, theo kaisei ka ghotilo nate au ka famane glose teke tusu ari mana ka ghotilo ana.”

Diutronomi 32:41

iara ginauna hata nogu naflahi mala magra te siasigla fara na. Iara ginauna jaha ghilei fnonu fara. Aonu iara ginauna tughu fapulo ka nogu naokare, eghuteuna iara ginauna paradi iheire te tirodi ghau iara re.

Jone 9:2

Nogna mae fanomho mana re ne ghusna eghu ka mana, “Mae velepuhi, nakhibogna mae ihei si te fadofuni mae ignea? Nakhibogna thegna ba idogna kmagnare?”

Diutronomi 5:10

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Ululahu Kings 19:10

Eghuteuna mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho ne loku ranghi nigho. Nu naiknodi Israel igre, tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Profet Esikiel 18:19

“Nu ghotilo mala ghusna eghu koba, ‘Naugna unha si thugna mae igne te theome papara eidi nakhibogna mae kmagna grea?’ Naugna mae thugna mana igne edi koba unha glepo te doglo nei keli teure, eghuteuna mana leghudi fabrahu vetula re, mana ginauna theome lehe.

Profet Esikiel 20:7

Iara neke cheke eghu ka mare, “Ghotilo te gnafa na mala thosei fathona ghami themi ka tathagu iara na ka mumuju te diꞌa di Ijep. Koko mumuju te tarai ghotilo are. Iara nomi Lord God ghotilo.”

Profet Esikiel 39:25

“Naugna igne iara Lord, iara cheke eghu: Gognarona, iara ginauna kokhoni nogudi nogu naikno teke karha mei ke leghu ka Jekop, eghuteuna iara ginauna toghodi mala ke au fakeli jateula teke tifa ra eghu. Eghuteuna iara ginauna theome snakredi mare mala cheke lausasabani nanghagu iara te blahi na.

Naba 25:11

“Mae pris Finehas, thugna mae pris Eleasa mae thugna Eron igne, ne fagnafani teke diꞌatagu iara ka ghotilo naiknomi Israel. Mana eni tuana, naugna mana ne ghatho tahu ghau iara nei mana jaola diꞌatagna fara ka nafnata puhi te fadiꞌani mare nanghagu iara na. Tuana site theome goigoni ghami ghotilo iara gnea.

Fapea Kings 5:18

Nu toreni Lord mala hata fadelei nakhibogu iara. Kate tei tarai nogu king iara gne ka nogna Sugablahi god Rimon igne, iara ginauna toghoni king mala nolo balugna mana. Eghuteuna jame te pogho soru iara balugna king ke lamnagna nogna Sugablahi Rimon igne na, snakreni Lord mala hata fadelei nakhibogu iara gre.”

Fapea Kings 5:27

Naugna te eni iagho igne, iagho nei vikemu iagho teu igre ginauna au papara fabrahu ka khabru leprosi teke au ka thinigna mae Naman na igne.” Kate jifla mae Gehasi ka mae profet Elisa na, khabru te diꞌa igne ne kasa ka mae Gehasi, eghuteuna thinigna mana na ne thofno vegha fara.

Fapea Kronikols 7:19

“Nu jame te figri tagru ghau iara ghotilo maemi Israel gre te theome faꞌuvedi nogu vetula nei nogu cheke teu teke edi iara ka ghotilo ra, ba pogho soru ka keha god delei.

Profet Esikiel 18:2

“Ghotilo naiknomi Israel gre magnahagheni fara te chekeni koba cheke naba igne: “ ‘Kuꞌedara neke ghamu fuꞌa gaju grep te theome muita re, nu raha kolho ka foflodi gradire.’

Profet Daniel 3:18

Nu jame neuba God ne theome mei fakarhi ghami ghetilo, ghetilo ginauna theome tangomana te pogho soru ka mumuju gol te pogho soruni naiknodi Babilonia te fakegra haghe iagho igne.”