Eksodas 20:3 - Buka Blahi Ka Cheke Holo

³ “Thosei ghatho tahuni kaisei god delei, kaisei Iara ngala te mala ghatho tahu ghau ghotilo na.

Eksodas 20:3 ပူးပေါင်းရင်းမြစ်များ

Diutronomi 5:7

Thosei ghatho tahuni kaisei god delei, kaisei Iara ngala te mala ghatho tahu ghau ghotilo na.

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Nodi Khoje Hatimare Mae Jiu 81:9

Ghotilo thosei atha mei kaisei god aheva nga, nei thosei pogho soru ka keha god delei.

Profet Isaia 46:9

Ghotilo ghathodi glepo teke edi tifa ra. Eghuteuna te mala laseni ghotilo na, kaisei iara ngala God na, theo kaisei god ahevanga te jateula iara teuna.

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Profet Jeremaea 25:6

Ghotilo thosei leghudi nei pogho soru ranghidi eghu keha mumuju god teke sari themi are. Jame te edi ghotilo tuare na, iara ginauna diꞌatagu fara ka ghotilo. Nu jame te leghuni ghotilo unha te cheke iara igne na, iara ginauna na theome para ghami ghotilo.

Diutronomi 6:14

Ghotilo thosei pogho soru ka nodi god keha naiknoi te au faligoho ghami ghotilo are,

Profet Jeremaea 35:15

Kmana fata iara kuru mei nogu mae gloku, hatimare mae profet. Mare mei toutonu koba ka ghotilo nogu cheke iara na. Mare cheke eghu koba ka ghotilo, “Ghotilo te gnafa na mala koko puhimi te diꞌare mala leghuni puhi te doglo na. Ghotilo thosei leghudi nei tarai eghu ka keha god are. Jame te eghu ghotilo na, ghotilo ginauna na au fakeli ka glose teke tusu lao iara ka mae kuꞌemi ghotilo tifa ra.” Nu leuleghu fata na ghotilo tiromi fanomho ka nogu cheke iara igre, nei tiromi leghu ghau iara.

Ululahu Korin 8:6

te fatutuani ni tahati na jare na kaisei God tutuani ngala te au na. Mana Kmada tahati naikno khiloau, eghuteuna mana neke vuavuhadi gobigna lepore, nakarhada tahati na nogna mana. Kaisei Lord ngala nanghagna na Jisas Kraes. God neke vuavuha gobigna lepore ka mana, nei tahati jaola karha kolho ka mana.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Kolose 2:18

Keha mae te fahaehaghedi fara nodi mifire, eghuteuna farirhiudi naiknore mala au faleghu ka puhi te theo nafugna, eghuteuna mala tufru soru ranghidi hatimare mae engel. Thosei snakreni kaisei mae ka mae igre mala batu fadelei ghami te mala theome fatutuani ni mae Kraes. Mare fiti fahaehaghe kolho, eigna gaoghathogna naikno ka nauthoglu na theome tutuani,

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Efesus 5:5

Ghotilo themi la lasenihi igne, nafnata naikno te gnognoro nei edi nafnata glepo te diꞌa igre teuna, mare theo sapedi ka nauthoglu majaghani Kraes ghe God te funei frunini na. Eghuteuna jaola iheire te mamagnadi nodi glepo keha naiknore, mare theo sapedi jare naugna naikno igre jateu te tufru soruni mumuju eghu kolho.

Profet Isaia 26:4

Tahati mala rouronu ka Lord fabrahu, naugna Lord na jateula noda Thina rheta mala poru eghu tahati, eghuteuna mana ginauna au fabrahu tifa tifa.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Eksodas 20:23

Fanomho fakeli ghotilo ia. Thosei hohoro mumuju ka gol ba ka silva mala jateula iara eghu mala pogho soru ranghini glepo tuana. Theo, ghotilo mala pogho soru ranghi ghau iara kolho.

Profet Isaia 44:8

Ghotilo nogu naikno iara ra, ghotilo thosei mhaghu nei nanga nomi eghu! Iara neke toutonuhi ka ghotilo gobigna lepo nate thakle mei ginau re. Ghotilo mala toutonudi glepo te chekedi iara igre. Ba? Kaisei god au aheva nga te jateula iara teuna? Iara theome laseni. Kaisei iara ngala te jateula nomi thina rheta mala poru teu ghotilo na.”

Profet Isaia 43:10

Igne chekegna Lord. Mana neke cheke eghu, “Ghotilo maemi Israel ra mala toutonu eigu iara! Iara neke vahi ghami ghotilo mala nogu naikno gloku iara, eghuteuna ghotilo ginauna mala lase ghau nei fatutuani ghau eghu iara. Eghuteuna ghotilo ginauna thofno laseni te iara ngala God na. Theo kaisei god aheva nga teke kulu au teke karha nga iara na. Eghuteuna ke leghu na ginauna na jaola theo kaisei god na teke hata sapegu iara na.

Nodi Khoje Hatimare Mae Jiu 73:25

God iagho te au teu kligna, kaisei iagho ngala te rouronu nigho iara na. Eigna iagho ngala nogu God iara na, iara theome magnahagheni kaisei glepo ka nauthoglu igne.

Nodi Khoje Hatimare Mae Jiu 29:2

Cheke fakelini nanghagna Lord te nolaghi fara. Ghotilo tufru soru nei pogho soru eghu kate thakle mei mana na. Eigna mana na thono blahi fara.

Thakle 22:9

Nu mana ne cheke eghu ka iara, “Ghema, theo, thosei pogho soru ka iara! Pogho soruni God kolho! Naugna iara kaisei mae gloku jateula iagho eghu kolho, nei mae thabusimu hatimare mae profet ra. Iara kaisei mae gloku jateula iheire te gnafa te leghudi u cheke te au ke lamnagna buka igne.”

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Eksodas 32:8

Mare ghosei la kokohi puhi teke chekedi iara mala leghudi mare tekura. Mare la horohi kaisei mumuju buluka nalhaꞌugna teke horo ka gol, mare la pogho soru nei fafara lau tagna. Eghuteuna mare la cheke eghu, ‘Ghotilo naiknomi Israel! Igne noda god tahati na, mae ihei teke atha fajifla ghita Ijep!’ ”

Eksodas 34:14

Ghotilo thosei pogho soru tarai ka keha god delei, naugna iara Lord theome magnahaghei ghami ghotilo te ghatho tahuni kaisei god delei.

Profet Isaia 42:8

“Iara Lord, tuana Nanghagu iara na! Eghuteuna iara na theome snakreni kaisei god mala fnakno nanghagna na jateula iara eghu. Uve, iara ginauna na theome snakredi naiknore mala kilo fnaknoni kaisei god te chaichaghi teke horo kolho naikno.

Profet Jeremaea 7:9

“ ‘Leuleghu fata na ghotilo blau, falehe naikno, theome leghuni puhigna tholaghi na, nei theome eni unha teke nhaꞌa chekeni ghotilo na. Eghuteuna ghotilo gahu insens ka god Baal, eghuteuna ghotilo tarai ka god teke theome lasedi ghotilo tifa.

Profet Hosia 13:4

Lord ne cheke eghu, “Iara Lord nomi God ghotilo, iara neke hata fajifla kuꞌemi ghotilo ra Ijep. Eghuteuna iara ngala nomi God ghotilo na, theo kaisei god aheva nga te mala fakarhi ghami ghotilo na.

Eksodas 22:19

“Ghotilo falelehe mae nalhaꞌu ba gaꞌase te eni puhi te diꞌa ka khuma ba ka bosu ba ka buluka teu are.

Eksodas 23:24

Ghotilo thosei pogho soru ba tarai ka nodi mumuju god naikno te au ka namono tuare. Ghotilo thosei atha nafnata tharai te edi naikno tuare. Ghotilo roꞌe fahui mumuju god te pogho mare tadi are, nei jaola kuri leuleghu thina blahi te kegra teu ka vido te mala tarai mare na are.

Jajis 6:10

Ka narane tura iara neke cheke eghu ka ghotilo, ‘Iara Lord, nomi God ghotilo, eghume ghotilo thosei ghatho tahudi nodi god chaichaghi naiknodi Amoa, neuba ghotilo ne au ka nodi glose mare igne.’ Nu ghotilo theome fanomho kolho ka nogu cheke iara na.”

Ululahu Kings 11:4

Kate kueku'e mana na, khetogna mana igre batuni gaoghathogna mana na mala tarai ka mumuju god. Gaoghathogna mana na theome ghatho tahuni Lord, nogna God na. Mana ne theome jateula King Devet, mae kmagna teke ghatho tahuni Lord.

Nodi Khoje Hatimare Mae Jiu 81:10

Iara ngala nomi Lord God ghotilo na, nei iara ngala teke atha fajifla ghau ghotilo Ijep na. Jame te rouronu ghau iara ghotilo na, iara ginauna tusu ari glepo te keli ka ghotilo.

Profet Daniel 3:18

Nu jame neuba God ne theome mei fakarhi ghami ghetilo, ghetilo ginauna theome tangomana te pogho soru ka mumuju gol te pogho soruni naiknodi Babilonia te fakegra haghe iagho igne.”