Eksodas 20:24 - Buka Blahi Ka Cheke Holo

²⁴ “Ghotilo atha keha glose mala hohoro nogu olta iara. Eghuteuna ka olta igne ghotilo mala fafara sipu, nanigot nei buluka eghu ka vido aheva teke vahini iara ranghi ghami ghotilo te mala pogho soru ranghi ghau na. Jame te eni ghotilo igne ka vido aheva teke vahini iara te mala pogho soru ranghi ghau na, iara ginau na soru mei mala fablahi ghami ghotilo.

Eksodas 20:24 ပူးပေါင်းရင်းမြစ်များ

Diutronomi 12:5

Nu ghotilo mala filoni kaisei vido blahi kolho aheva Lord nomi God nate vahini te mala au fabrahu nanghagna mana na jare eghuteuna ghotilo mala ghatho tahuni nanghagna mana na. Ka vido blahi tuana kolho

Fapea Kronikols 6:6

Nu iara vahini Jerusalem namono aheva te mala tufru soru ghau iara, eghuteuna iara neke vahini Devet mala king frunidi nogu naikno iara Israel.’ ”

Ululahu Kings 9:3

Lord ne cheke eghu ka mae Solomon, “Iara nomhini nou tharai iagho ia nei unha teke toreni iagho ia. Eghuteuna iara gognarona fablahi Sugablahi teke horo iagho igne. Eghuteuna naiknore ginauna pogho soruni fabrahu nanghagu iara na ka vido igne. Iara ginauna na reireghini nei ghathoni eghu fabrahu Sugablahi igne.

Fapea Kronikols 7:16

Iara ngala neke vahini nei fablahini neku Sugablahi teke horo iagho igne. Nanghagu iara na ginauna au fabrahu ka vido igne. Iara ginauna reireghini, eghuteuna iara ginauna ghatho branani fabrahu.

Diutronomi 12:11

Aonu ghotilo mala tei hata mei gobigna lepo teke chekedi re ka kaisei vido blahi kolho aheva Lord nomi God teke vahini te mala au nanghagna na jare. Ka vido blahi tuana kolho, te tangomana ghotilo hata te mei glepo teke chekedi iara ka ghotilo ra. Igne fafara te thofno krono na, nei keha nafnata fafara langau eghu, nei kaisei ka fabothodi nomi glepo re, nei kaisei nomi glepo te keli teke nhaꞌa cheke ghotilo te mala tusu lao ka Lord.

Diutronomi 16:11

Ghotilo balu thumi, nomi mae gloku nei gaꞌase gloku, nei mae Livaet ka namonomi ghotilo ra, maedi delei te au balumi ghotilo ra, goro sua glehe kokoi ra, goro naikno biꞌo ra, ghotilo te gnafa na kafe tei mala glealeꞌa ka vido blahi aheva Lord teke vahini te mala au nanghagna na.

Fapea Kronikols 12:13

Rehoboam thugna King Solomon, mana kaisei mae king gna Juda te kegra heta kate phiatutu kaisei finogha. Eghuteuna mana king nabotho fitu finogha Jerusalem, namono biꞌo teke vahi fadelei Lord ka namono te gnafa Israel mala tarai nei tufru soruni eghu Lord jare. Idogna king na Nama vikegna Amon.

Diutronomi 26:2

ghotilo mala hata gano saro ulu ka nagare ghotilo are. Ghotilo mala lilisei gano igre ka kaisei kharaꞌo. Aonu ghotilo mala hata tei ka vido blahi teke vahini Lord aheva te mala au nanghagna mana na.

Esra 6:12

God neke vahini Jerusalem mala jateula namono aheva te mala tarai nei tufru soruni nei kilo fnaknoni eghu nanghagna mana na. Eghuteuna mana thegna ngala nate koko soruni kaisei king ba kaisei kantri te fariuriu tuthughu nogu cheke iara na, ba fariuriu goigoni nogna Sugablahi God igne Jerusalem! “Iara King Darius te faꞌari cheke igne. Eghume ghotilo loku heta mala faꞌuveni cheke igne.”

Ululahu Kings 8:29

Iara magnahaghei nigho iagho te doadofrani fabrahu Sugablahi igne bongi narane. Igne vido teke cheke eghu iagho ia, ‘Naiknore ginauna mei namo ka iara mala pogho soru ghau iara jare.’ Jame te eghu na, iara laseni iagho ginauna fanomho kate mei tarai iara na iagho filo mei ka iara.

Matiu 18:20

Igne tutuani fara, naugna jame phei ba thiloi naikno te salo fodu mei naugna mare te nogu mae gloku iara na, iara na au jare baludi mare.”

Ululahu Kings 8:43

Neuba iagho ne au neu kligna, fanomho mei sagho ka unha te toreni mare na. Aonu naikno te au heva heva ka vido te gnafa igre ginauna lase nigho, nei ghatho tahu nigho jateula te edi nou naikno iagho Israel igre eghu. Eghuteuna naikno te gnafa igre ginauna laseni Sugablahi te horo iara igne kaisei vido mala pogho soru nigho iagho.

Diutronomi 14:23

Hata fabothodi gano, nei waen, nei oel, nei sua teke kulu karha ka nomi buluka ghotilo re. Hata tei glepo igre ka vido blahi aheva Lord teke vahini. Jare te mala ghamu ghotilo glepo igre ke ulugna Lord, nomi God. Ka puhi igne ghotilo ginauna laseni unha te magnahagheini mana na.

Nodi Khoje Hatimare Mae Jiu 74:7

Mare paꞌe soru nou Sugablahi iagho gne ne nako ka khaꞌaghi. Mare goigoni fara vido te mala tufru soru nigho iagho ia mala theome blahi naꞌa.

Nehemaea 1:9

Nu jame teke figri mei ghotilo ka iara na, eghuteuna leghudi ghotilo nogu cheke iara gre teuna, iara ginauna nake hata fapulo ghami ghotilo. Neuba ghotilo ne tei au tafri delei fara ka nauthoglu igne, iara ginauna hata fajifla ghami ghotilo ka vido igne mala hata ghami ghotilo mala ke pulo mei ka vido aheva teke kulu vahini iara te mala tarai ghotilo ka iara na.’

Fapea Samuel 6:12

Aonu mae Devet nomhini Lord te thofno fablahini tharaknagna mae Obed-Idom, nei nodi gobigna lepo fateote'o, naugna Bokis Blahi igne ne au ka suga gna mana. Aonu mae Devet tei ka suga gna mae Obed-Idom igne ne hata Bokis Blahi na ne tei Jerusalem. Eghuteuna mana baludi naiknore ne kafe gleale'a fara.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Nodi Khoje Hatimare Mae Jiu 78:68

Nu mana neke vahini vikegna mae Juda, nei Thogele Saion te thono magnahagheni fara mana na.

Diutronomi 12:21

Jame vido blahi teke vahini Lord nomi God te mala lilisei nanghagna mana igne na au delei fara ka ghotilo, ghotilo tangomana te au teu ka nomi namonore kate aknu falehe ghotilo buluka nei sipu eghu teke tusu ari Lord ka ghotilo ra. Eghuteuna ghotilo tangomana te ghamu nafnahi igne ka nomi namonore, jateula teke chekenihi iara ka ghotilo ia eghu.

Ululahu Timoti 2:8

Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Nodi Khoje Hatimare Mae Jiu 76:2

Namonogna God na Jerusalem. Uve, mana au ka Thogele Saion.

Nodi Khoje Hatimare Mae Jiu 134:3

God mae ihei teke vuavuhadi maloa ghe nauthoglu gre, mana au Saion. Iara ginauna toreni mana mala fablahi ghami ghotilo.

Nodi Khoje Hatimare Mae Jiu 128:5

Thofno keli fara Lord te au teu Saion na, te mala fablahi ghami ghotilo na. Uve, thofno keli fara jame te filodi ghotilo glepo te keli fara te au teu Jerusalem leuleghu rane ka nakarhamire.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Diutronomi 7:13

Eghuteuna kate leghudi ghotilo vetula igre, mana ginauna namha ghami nei fablahi ghami eghu mala vuragha au kmana thumi ghotilo, eghuteuna ghemi nagare ghotilo re ginauna au kmana gano, eghuteuna ghotilo ginauna au ghemi kmana waen, nei kmana oel mala kuki. Eghuteuna mana ginauna fablahidi nomi buluka nei sipu teu ghotilo re mala karha kmana thudi. Ka puhi jateula igre eghu mana ginauna tangomana te fablahi ghami ghotilo kate au ghotilo ka glose teke nhaꞌa chekehi mana ka kuꞌemi ghotilo ra.

Eksodas 10:25

Mae Moses ne cheke eghu ka mana, “Theo. Iagho snakre ghami ghehati mala atha nomi buluka, sipu nei nanigot teu gre balumi mala tei fafara ka nomi Lord God.

Eksodas 18:12

Aonu mae Jetro ne fafara ka God glepo tautagu te thofno krono fara. Mana ne jaola ne eni keha fafara na ka God. Eghuteuna mae Eron nei hatimare mae biꞌodi Israel gre ne mei ima balugna mae Jetro ke ulugna God.

Eksodas 20:25

Jame te babana ghotilo ka thina nogu olta iara na, ghotilo thosei atha thina teke kusu mare re. Naugna jame te kusu thina ghotilo ka vido aean na, thina igne theome doglo ka tathagu iara te mala eni ka nogu gloku blahi iara na.

Eksodas 24:5

Gnafa teuna mae Moses ne kurudi keha mae majaghani mala tei fafara ka Lord. Mare jaola ne fafara keha buluka mala au ka pharikeli balugna God.

Eksodas 27:1

Lord ne cheke eghu ka mae Moses, “Iagho ginauna eni kaisei olta ka thaba gaju akesia. Olta igne kaisei nanaba kolho, brahu gna nei krepa gna teuna thokeni phei gobi varadaki glima sentemita, eghuteuna haghe gna na thokeni kaisei gobi tolufulu glima sentemita.

Levitikas 17:9

nu theome hata mei ka grengatha gna Suga Tapuale te Blahi na te theome fafara mei ka iara Lord na, ghotilo lisei fakosini ka naiknodi Israel.

Fapea Kings 5:17

Aonu mae Naman ne cheke eghu, “Jame te eghu na, iagho snakre ghau iara mala fafodu keha glose ka baeg biꞌo ka vido igne nabadi phei dongki igre teke pala teke pulo ka namono na mala horo olta ke klignadi. Eghuteuna funu gognarogne, iara ginauna na theome tangomana te fafara ka keha god delei na, nu iara ginauna na fafara ka Lord kolho.

Profet Isaia 64:5

Leuleghu fata na, iagho tarabanau kolho mala toghodi iheire te keli tadi fara te mala eni unha te doglo na, nei iheire te leghuni puhimu iagho te doglo na. Nu ghehati tapla jafra fabrahu ka nakhibo, eghume iagho diꞌatamu fara ka ghehati. Nu jame te leghu nigho ghehati na iagho ginauna fakarhi ghami ghehati.

Eksodas 24:4

Mae Moses ne rioriso soru ka kaisei buka nogna vetula Lord igre. Hamerane boibongi ka keha narane na, mae Moses neke soru ka naikno te au teu ka pesigna thogele na ne babana kaisei olta mala fafara. Mana ne fakegra haghe nabotho phei thina rhegna olta na ranghidi nabotho phei vikegna Israel.

Nodi Khoje Hatimare Mae Jiu 101:2

Iara magnahaghe nigho fara te mei ka iara te mala leghuni iara puhimu iagho te doglo na. Gobigna lepo te edire, iara ginauna leghudi puhi te doglo ka tathamu iagho na.