Eksodas 20:2 - Buka Blahi Ka Cheke Holo

² “Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Eksodas 20:2 ပူးပေါင်းရင်းမြစ်များ

Diutronomi 5:6

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Profet Hosia 13:4

Lord ne cheke eghu, “Iara Lord nomi God ghotilo, iara neke hata fajifla kuꞌemi ghotilo ra Ijep. Eghuteuna iara ngala nomi God ghotilo na, theo kaisei god aheva nga te mala fakarhi ghami ghotilo na.

Levitikas 26:13

Ulu lahu na ghotilo neke loku jateula naikno sneka neku Ijep, nu iara nomi Lord God ghotilo neke hata fajifla ghami ka vido tuana. Eghuteuna iara kukusu chen teke edi mare teke hata ghami ghotilo mala thofno snagla ghotilo.”

Nodi Khoje Hatimare Mae Jiu 81:10

Iara ngala nomi Lord God ghotilo na, nei iara ngala teke atha fajifla ghau ghotilo Ijep na. Jame te rouronu ghau iara ghotilo na, iara ginauna tusu ari glepo te keli ka ghotilo.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Levitikas 19:36

Kate skel ghotilo tahugna kaisei glepo, ba ghotilo fananaba niha lita glepo tuana, ghotilo eni ka puhi te doglo fara, naugna iara Lord, nomi God ghotilo, ihei teke hata fajifla ghami Ijep.

Diutronomi 7:8

Nu naugna mana namha ghami ghotilo, eghuteuna mana leghuni nhaꞌa cheke teke eni mana baludi kuꞌemi ghotilo tifa ra, mana neke fakarhi ghami ghotilo ka nogna nolaghi biꞌo na kani teke hata fajifla ghami ka khamegna king gna Ijep mala theome sneka ghotilo.

Diutronomi 5:15

Ghotilo ke ghatho fapulodi narane teke sneka ghotilo Ijep tifa ra, nu iara Lord, nomi God ghotilo, iara neke hata fajifla ghami ghotilo jare ka khame nhetagu iara. Naugna igne iara Lord nomi God ghotilo te cheke faheta ka ghotilo mala gnafa ka narane Sabat.

Levitikas 23:43

Ka puhi igne, iheire nate karha mei ke leghumi ghotilo igre laseni teke hata fajifla ghami iara Ijep. Eghuteuna ka narane tuana, iara neke cheke ka ghotilo mala au kolho ka grorofe ikodi. Iara Lord, nomi God.”

Diutronomi 15:15

Ghotilo ke ghathodi narane teke sneka ghotilo Ijep ra eghuteuna Lord nomi God neke hata fajifla ghami ka khamegna Fero, king gna Ijep. Naugna igne teke cheke faheta iara ka ghotilo gognarogne.

Diutronomi 13:10

Iagho fadi faleheni mana ka thina, naugna mana ne fariuriu batu fadelei nigho iagho ka Lord nomi God ghotilo na, mae ihei teke fakarhi ghami ghotilo Ijep ka namono teke sneka ghotilo tagna ia.

Levitikas 26:1

Lord ne cheke eghu, “Ghotilo thosei horo mumuju blahi, ba kaisei nafnata glepo mala tarai ghotilo tagna. Eghuteuna ghotilo mala thosei fakegra haghe thina mumuju brahu mala pogho soru ghotilo tadi, naugna iara Lord, nomi God ghotilo.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Nodi Khoje Hatimare Mae Jiu 50:7

Aonu God ne cheke eghu, “Ghotilo nogu naikno iara Israel ra. Ghotilo fanomho ka iara, iara magnahaghei te facheke ka ghotilo. Iara ginauna fate ghami ghotilo. Eigna iara nomi God ghotilo.

Letas Teke Riso Tei Mae Pol Ka Khiloau Rom 10:12

Naugna mae Jiu gre mare theome nhogri ka mae te theome Jiu gre. Tahati te gnafa na kaisei noda Lord ngala, mana tangomana te tusu lao glepo te keli ka iheire fateo te tore ka mana te mala toghodi na.

Letas Teke Riso Tei Mae Pol Ka Khiloau Rom 3:29

Ba, God na nodi God mae Jiu kolho? Theo! Mana jaola nodi God iheire te theome Jiu,

Profet Jeremaea 31:1

Lord ne cheke eghu, “Ka narane nate mei ginau igne, iara ginauna nodi God vike te gnafa Israel, eghuteuna mare nogu naikno iara.”

Fapea Kronikols 28:5

King Ehas edi kmana puhi te diꞌa, eghuteuna naiknodi Juda igre jaola figri tagruni Lord nodi God kuꞌedi tifa ra. Aonu God ne kuruni king gna Siria balugna nogna armi na mei magra ne uluni King Ehas balu nogna soldia. Eghuteuna mare hata kmana naiknodi Juda ne tei sosolo Damaskas. Eghuteuna ke leghu, Lord ne kuruni Peka king gna Israel thugna Remalaea. Nogna armi King Peka igne ne aknu falehe kaisei gobi varadaki thogha famane soldia di Juda ka kaisei narane kolho.

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Eksodas 15:13

Iagho neke foli fapulo ghami ka nou namha na neke atha ghami ghehati neke tei. Kate tei ghehati na iagho ginau na baubatu ghami ghehati tei ka vido te blahi fara teke kulu vavahi iagho mala au ghehati teku iagho na.

Eksodas 15:16

Lord, kate filoni naiknore nou nolaghi biꞌo iagho na, naiknore ginau na mhaghu nodi fara na theome eni kaisei unha nga. Mare ginau na kegrau jare jateula kaisei gaju eghu mala ghilei tei salaꞌui ghehati naikno teke atha fajifla ghami iagho ka sosolo ia.

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Eksodas 20:1

God ne cheke eghu ka naiknodi Israel re:

Eksodas 29:46

Mare ginauna laseni, iara Lord nodi God mare, mae ihei teke atha fajifladi Ijep, mala tangomana iara te au baludi fabrahu. Iara Lord, nodi God mare.”

Levitikas 11:45

Naugna iara, Lord, iara neke atha fajifla ghami ghotilo Ijep, mala tangomana iara te nomi God ghotilo na. Eghume, ghotilo mala au blahi naugna iara blahi.

Jajis 2:1

Nogna engel Lord na ne jifla funugna namono Gilgal ne tei namono Bokim. Mana ne cheke eghu ka naiknodi Israel, “Tifa na, iara neke hata fajifla ghami ghotilo kantri Ijep, eghuteuna iara neke hata mei ghami ghotilo ka vido glose teke nhaꞌa chekeni iara ka kuꞌemi ghotilo tifa ra. Eghuteuna iara neke cheke eghu ka kuꞌemi ghotilo ra, ‘Iara ginauna theome huhughuni nhaꞌa cheke teke eni iara balumi ghotilo ia.

Profet Isaia 43:3

Tutuani, iara Lord nomi God te Blahi ghotilo mae Israel, iara nate fakarhi ghami ghotilo na. Iara ginauna snakre lao kantri Ijep, Kus nei Seba teu igre ka khamedi nomi naoka ghotilore mala jateula teke foli fajifla ghami eghu ghotilo, mala tangomana ghotilo te snagla te jifla ka khamedi mare na.

Profet Jeremaea 2:6

Mare ghatho ihoni teke atha fajifladi iara ka kantri Ijep tifa ra. Eghuteuna iara neke batudi neke tei ke lamna namono nagou. Namono te theo kaisei khoꞌu nei theo kaisei naikno tagna. Neuba iara ne fakarhidi, mare theome ghatho ghau nei hiro ghau eghu iara.

Profet Jeremaea 16:14

Lord ne cheke eghu, “Nu iara ginauna cheke kate tutuani ka ghotilo, narane na ginauna mei, eghuteuna theo kaisei naikno nate cheke eghu na, ‘Iara neke eni nhaꞌa cheke igne ka nanghagna Lord te karha, mae ihei teke atha fajifladi maedi Israel ka kantri Ijep.’

Profet Jeremaea 34:13

Eghuteuna profet ne cheke eghu, “Ghotilo vikegna Israel. Igne unha te chekeni Lord nodi God maedi Israel: Tifa na iara neke atha kuꞌemi ghotilo ra neke jifla Ijep. Mare neke loku jateula naikno sneka neku jare, nu iara neke snakredi mare mala snagla jifla tei. Ka narane tuana, iara neke eni kaisei nhaꞌa cheke baludi neke cheke eghu,

Profet Esikiel 20:7

Iara neke cheke eghu ka mare, “Ghotilo te gnafa na mala thosei fathona ghami themi ka tathagu iara na ka mumuju te diꞌa di Ijep. Koko mumuju te tarai ghotilo are. Iara nomi Lord God ghotilo.”

Profet Esikiel 20:19

Iara nomi Lord God ghotilo, eghuteuna ghotilo mala leghudi nei ghatho tahudi eghu nogu vetula nei cheke teu iara igre.

Profet Emos 2:10

Iara neke hata fajifla ghami ghotilo Ijep. Eghuteuna batu ghami ke lamna namono nagou nabagna phiatutu finogha. Eghuteuna tufa ka ghotilo nodi vido glose vikegna mae Amo.”

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Levitikas 25:38

Ghotilo mala edi glepo igre naugna iara Lord, nomi God ghotilo. Iara neke hata fajifla ghami ghotilo Ijep, mala tusu mei kantri Kenan igne ka ghotilo, eghuteuna mala nomi God ghotilo.”

Levitikas 25:42

Ghotilo naiknomi Israel, iara neke hata fajifla ghami Ijep aheva ghotilo teke sneka tagna. Tutuani, ghotilo nogu naikno gloku iara Lord. Naugna igne blahi kaisei ka ghotilo te mala sneka ka keha mae na.

Levitikas 25:55

Ghotilo naiknomi Israel ra nogu iara. Iara neke hata fajifla ghami ghotilo Ijep, uve, ghotilo nogu naikno gloku iara Lord nomi God ghotilo.”

Diutronomi 20:1

Mae Moses ne cheke eghu, “Kate tei ghotilo te magra ka nomi naokare, ghotilo jame filodi kmana hose nei kmana chariot mala magra, nei kmana soldia salaꞌu ghami ghotilo. Nu ghotilo thosei mhaghudi mare, naugna Lord nomi God, mae ihei teke hata fajifla ghami ghotilo Ijep ia ginauna au balumi ghotilo.

Jajis 6:10

Ka narane tura iara neke cheke eghu ka ghotilo, ‘Iara Lord, nomi God ghotilo, eghume ghotilo thosei ghatho tahudi nodi god chaichaghi naiknodi Amoa, neuba ghotilo ne au ka nodi glose mare igne.’ Nu ghotilo theome fanomho kolho ka nogu cheke iara na.”

Ululahu Kings 18:39

Kate filoni igne, naiknore ne khoko soru pari ka glose na ne eha eghu, “Lord ngala God te tutuani na! Lord ngala God te tutuani na!”

Fapea Kings 17:7

Namono biꞌo Samaria igne ne snagu ka armi gna Asiria, naugna naikno di Israel igre ne theome doglo ka tathagna Lord nodi God, mae ihei teke fakarhidi ka nogna nolaghi king gna Ijep. Naiknodi Israel igre mare tarai ka keha god delei,

Fapea Kings 17:12

Eghuteuna mare neke huhughuni chekegna Lord mala thosei pogho soru ka mumuju teku na.

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Nodi Khoje Hatimare Mae Jiu 81:11

“Naiknodi Israel gre nogu iara, nu mare theome fanomho ka iara nei theome leghu ghau iara eghu.

Profet Esikiel 20:5

Iagho cheke ka mare: ‘Tifa na, iara Lord God neke vahini Israel mala nogu thegu neku, eigna iara neke kulu eni kaisei nhaꞌa cheke te rheta ka kuꞌemi ghotilo ra, mae iheire teke karha mei ke leghugna kuꞌemi ghotilo Jekop tifa ia. Kani teke au mare Ijep ia, iara neke fakakhana nogu nolaghi na ka mare, eghuteuna iara neke cheke eghu ka mare, “Iara nomi Lord God ghotilo.”

Profet Hosia 12:10

Tifa na iara neke cheke ka hatimare mae profet, mala fakakhana ka mare kau mifi.”