Eksodas 20:18 - Buka Blahi Ka Cheke Holo

¹⁸ Kate nomhini naiknore te poha fila nei taitanhi khufli nei filoni nakafli nei gagahu te haghe ka thogele na teuna, naiknore ne thono mhaghu nodi fara. Aonu naiknore ne theome lao namo ka thogele na ne khegra neu delei,

Eksodas 20:18 ပူးပေါင်းရင်းမြစ်များ

Profet Jeremaea 23:23

Iara Lord magnahaghei te ghusna ka ghotilo, “Ba, iara God na mala loku kolho ka vido igne? Theo. Iara au ka vido te gnafa heva heva.

Jenesis 3:10

Mae Adam ne cheke eghu, “Iara ne nomhini nigho iagho te nonolo ka nagare igne ne mhaghu nogu nigho fara ne poru, naugna iara gne ne soesole.”

Diutronomi 4:36

Ka maloa na mana snakre ghami ghotilo mala nomhini naoglagna mana na, mala tangomana mana te fadogli ghami ghotilo na. Eghuteuna ka glose na mana snakre ghami ghotilo mala filoni nogna khaꞌaghi biꞌo na, mala tangomana ghotilo te nomhini chekegna mana te jifla mei ka khaꞌaghi igne.

Diutronomi 5:5

Ka narane tuana iara neke kegra fari hoteimi ghotilo nei Lord, eghuteuna iara neke cheke ka ghotilo cheke teke chekedi Lord re, naugna ghotilo neke mhaghu fara ka khaꞌaghi igne neke theome tangomana tei kegra ka thogele na. “Eghuteuna Lord neke cheke eghu,

Diutronomi 5:25

Nu, gognarona ghehati theome magnahaghei te lehe ka khaꞌaghi biꞌo igne! Jame te nomhini ghehati naoglagna Lord, nomi God igne keha fata re ghehati ginauna na thofno lehe.

Diutronomi 18:16

Tifa, ka narane teke au ghotilo ka Thogele Sanai ia, ghotilo neke theome magnahaghei te nomhini naoglagna Lord nomi God ba filoni khaꞌaghi biꞌo na, naugna ghotilo neke mhaghu nomi fara na eghunu lehe nomi neku gaoghathomi na.

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Jenesis 15:17

Kate pluluhi naprai na tela romnohi na, phei glepo ne thakle mei, kaisei sospen te fodu ka khaꞌaghi te gagahu nei kaisei juta te deudeplu fara eghu ne tei salaꞌu fari hotedi phei thura nafnahi re.

Diutronomi 5:23

Mae Moses tudu ne cheke eghu, “Kate gnhubra khaꞌaghi biꞌo na ka thogele ia, ghotilo neke nomhini cheke na neke mei funugna ka gromno na. Aonu nomi mae mala baubatu nei mae biꞌodi vike ra eghu neke mei filo ghau iara.

Diutronomi 5:27

Tei sagho themu mala fanomho fakeli ka unha te chekeni Lord na. Aonu, iagho ginauna tangomana te mei toutonu ka ghehati gobigna lepo teke chekedi Lord, noda God. Eghuteuna ghehati ginauna tangomana te nomhidi nei leghudi.’