Eksodas 20:17 - Buka Blahi Ka Cheke Holo

¹⁷ “Thosei mamagnani nogna glepo ihei. Thosei mamagnadi nogna suga, khetogna, nogna naikno gloku, nogna buluka, nogna dongki ba keha glepo la ngau eghu teke nogna mana re.”

Eksodas 20:17 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 13:9

Vetula na cheke eghu, “Thosei tolaghi pedo, thosei falehe naikno, thosei blau, thosei mamagnani nogna glepo ihei na.” Vetula te gnafa baludi keha vetula langau teu igre thofno kaisei vetula ngala, te chekeni na, “Namhani kheramu fofodu na jateula iagho te namha nigho themu eghu.”

Luku 12:15

Mae Jisas tudu ne cheke eghu, “Fiofilo fakeli ghami ka kmana nafnata khiri te magnahaghedi ghotilo igre. Naugna thofno nakarhagna naikno na theome leghudi kolho glepo kmana te khotodi mana re.”

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Kolose 3:5

Eghume, kafe nhaꞌa fadelei ka nagnafamire puhigna nauthoglu te diꞌa igre, tulao: puhi gnognoro, puhi diꞌa te gnafa, puhi te sneka ka gaoghatho te diꞌa, nei puhi magnahaghei glepo te diꞌa. Eghuteuna ghotilo jaola nhaꞌa fadelei ka nagnafamire puhi te mamagnadi nodi glepo keha naikno gre, naugna puhi igne jateula te tufru soruni eghu mumuju.

Efesus 5:5

Ghotilo themi la lasenihi igne, nafnata naikno te gnognoro nei edi nafnata glepo te diꞌa igre teuna, mare theo sapedi ka nauthoglu majaghani Kraes ghe God te funei frunini na. Eghuteuna jaola iheire te mamagnadi nodi glepo keha naiknore, mare theo sapedi jare naugna naikno igre jateu te tufru soruni mumuju eghu kolho.

Letas Teke Riso Tei Mae Pol Ka Khiloau Rom 7:7

Ba, faꞌunha eghu tahati cheke eigna nogna vetula mae Moses gne? Tahati na chekeni, nogna vetula mae Moses gne mala batudi naiknore ka nakhibo signea eghu? Theo fara! Naugna nogna vetula mae Moses na mala falalase ghau iara te leghuni puhi te diꞌa na. Uve, kaisei cheke ka vetula na cheke eghu, “Thosei mamagnadi nodi keha naiknore.” Nu jame te theome laseni iara eigna cheke te risoni mare igne na, iara ginauna theome laseni puhi te diꞌa na.

Efesus 5:3

Nu te gnognoro ba eni te kaisei nafnata glepo te diꞌa ba mamagna teu igre, thofno theome naba ghotilo naikno blahi nogna God ra te edire.

Matiu 5:28

Nu te chekeni iara ka ghotilo na, mae ihei te filo lao ka gaꞌase na eghuteuna magnahagheni naꞌa kau gaoghathogna na teuna, mana la enihi puhi te diꞌa na ka naꞌa.

Profet Habaku 2:9

“Kokhoni ghami fara ghotilo iheire te hata nodi glepo keha naiknore te mala dedei nodi khetomi, thumi nei kherami teu themi are. Eghuteuna gognarona ghotilo babana nomi famane suga maku mala theome tangomana ihei te mei roꞌeni, jateula gnoku gaghata te au kligna ka phaꞌu gajura eghu.

Profet Maeka 2:2

Kate magnahagheni nogna glose keha mae na, ghotilo tei atha kolho. Eghuteuna kate magnahagheni nogna suga keha mae na, ghotilo jaola tei atha. Ka puhi igne, ghotilo blaudi kolho nodi glepo naiknore, eghuteuna keha fatare ghotilo jaola blaudi tharaknadi mare re.

Profet Jeremaea 5:8

Ghotilo jateula hose nalhaꞌugna te magnahaghei apla ka hose gaꞌasegna na ia neu ne magnahagheni khetogna mae kherami fofodu na.

Thoutonu Eigna Mae Job 31:9

“Jame khaeni iara khetogna keha mae na, eghuteuna agra tei ka naꞌa,

Mae Khuru 20:33

Tutuani, kate au balumi ghotilo na, iara neke theome mamagnani nogna sileni ba nogna pohe ihei na.

Mae Khuru 5:4

Tutuani, ame fofoli nga iagho teku na, u vido glose igne neke kulu nou ngala iagho. Eghuteuna neubane fofoli fahuihi iagho vido glose tuana, sileni tuare nou iagho kolho. Naugna unha site ghathoni iagho nafnata puhi te diꞌa ignea, ghema? Iagho theome chaghini naikno na kolho, nu iagho chaghini God!”

Luku 16:14

Mae Farasi nomhini igne ne maꞌeni mae Jisas, naugna mare magnahaghe sileni fara.

Matiu 20:15

Iara tangomana te eni unha iara te magnahaghei ka nogu sileni thegu re. Ba iagho goghotu naugna te keli iara ranghidi naikno tuare sia?’ ”

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Profet Jeremaea 22:17

Nu iagho King Jehoiakim, fariu riu mala atha glepo ka puhi te theome doglo. Leuleghu fata na, iagho falehedi iheire te theome eni kaisei glepo te diꞌa, iagho fakabru naikno, nei chaghi tafridi iheire te diꞌa.”

Profet Isaia 57:17

Tifa na iara neke diꞌatagu ka ghotilo, naugna ghotilo neke tapla jafra ka nakhibo nei ghamu nhoto fara neku. Naugna igne te para ghami nei tei koko ghami teu iara na. Nu neuba, phaꞌumi ghotilore maku fara jateula thina eghu maku fara, eghuteuna ghotilo leghudi kolho puhimi themi te diꞌare.

Profet Isaia 33:15

Ihei te eni puhi te doglo na, eghuteuna chekeni koba unha te tutuani na, nei ihei te tirogna huhurudi naiknore mala hata seleni tadi ka puhi te theome keli, ba theome snakredi keha naiknore mala cheke famaemahe mala hata seleni, nei tirogna gnokro baludi naikno te rogheni puhi te mala falehe poruni naikno na teuna. Mae igne ngala te theome ghathoni te mala edi nafnata puhi te diꞌa re.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Nodi Khoje Hatimare Mae Jiu 119:36

Togho ghau iara sagho mala sasaꞌa iara te leghudi nou farirhiu iagho re, ke kelignai te magnahaghei glepo kmana iara na.

Nodi Khoje Hatimare Mae Jiu 10:3

God, mae te diꞌa igne, mana cheke fahaehaghedi fara glepo te diꞌa te magnahaghedi thegna re. Mae igne magnahaghedi kmana glepo fara, ne figri tagru nigho, ne cheke fadiꞌa nigho.

Thoutonu Eigna Mae Job 31:1

Job ne cheke eghu: “Iara la enihi kaisei nhaꞌa cheke, mala theome filo tutu ka gaꞌase, eghuteuna thosei ghaoghatho mala eni puhi te diꞌa na ka naꞌa.

Ululahu Samuel 15:19

Nu iagho neke theome leghudi nogna cheke mana ra! Ba, mala unha site chari te tei hata iagho glepo te keli area? Tuare glepo te thono diꞌa fara te edi iagho ka Lord re!”

Josua 7:21

Ka teke magra tahati teke hata glepodi Jeriko ra, iara neke filoni kaisei famane pohe gna Babilonia, nei kaisei vido silva eghu, tahugna na jame phei kilo gram, nei kaisei vido gol, tahugna na jame kaisei vido kilo gram. Iara thono magnahaghedi fara glepo igre neke hata malagu thegu. Iara hata glepo igre neke titifuni lamna glose ka nogu suga tapuale na, baludi silva re pari lahu.”

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Jenesis 34:23

Jame te eni tahati igne na, nodi sipu nei nodi buluka nei nodi keha glepo langau teu mare are ginauna na jaola noda tahati. Eghume tahati na eni ngala unha te chekeni mare igne mala au mare baluda.”

Diutronomi 5:21

Thosei mamagnadi nogna glepo kherami fofodu na mala hata mala nomi themi. Thosei mamagnani khetogna mana na, ba nogna suga na, ba nogna nagare na, ba nogna naikno gloku na, ba nogna buluka na, ba nogna dongki na, ba unha nogna glepo mae kheramu fofodu na.”

Diutronomi 7:25

Ghotilo gnubra nodi mumuju re ka khaꞌaghi. Eghuteuna ghotilo thosei mamagnadi silva nei gol eghu te au ka mumuju igre ba hata malami themi, nu ghotilo mala gnubra fahui. Glepo igre diꞌa fara ka Lord nomi God. Ghotilo thosei tathaji naugna jateula kaisei phighoro eghu ka ghotilo.

Ululahu Samuel 12:3

Iara kegra haghe balumi ghotilo gognarona, eghume jame teke eni iara kaisei glepo te theome doglo ka gaoghathomi ghotilo na, ghotilo cheke mei ka iara ke ulugna Lord, nei ke ulugna king mae ihei teke vahini mana. Jame teke blau iara kaisei nogna buluka ihei na, ba kaisei nogna dongki ihei na, ba chaghini ihei mala blau keha nogna glepo mana re teku na, ba goigonini ihei, ba hata seleni ka ihei mala poruni nogna najafra mana re teku na, te keli na ghotilo cheke fajifladi mala fadoglidi iara. Jame teke eni iara kaisei glepo jateula igre teku na, iara ginauna nake tusu fapulo glepo teke hata iara re.”

Proveb 6:29

Filo sagho, mae te thuru balugna khetogna keha mae na, papara biꞌo ginauna thokeni mana.