Eksodas 20:12 - Buka Blahi Ka Cheke Holo

¹² “Ghatho tahudi idomi kmami are, nei leghudi nodi cheke re eghu. Jame te eghu ghotilo na, ghotilo ginau na theome ghosei lehe, thono theo fara. Ghotilo ginau na karha fabrahu tifa tifa ka glose teke tusu ari iara Lord nomi God ghotilo igne.

Eksodas 20:12 ပူးပေါင်းရင်းမြစ်များ

Kolose 3:20

Ghotilo goro suara, leghudi idomi kmami are, naugna noda Lord na keli tagna fara ka igne.

Diutronomi 5:16

Ghatho tahudi idomi kmami re, jateula teke chekeni iara Lord nomi God ia eghu. Eghume ghotilo ginauna au raugha ka nakarha te keli ka glose nate tusu ari iara Lord, nomi God.

Nonomho Te Keli Teke Risoi Mae Mak 7:10

Mae Moses neke cheke eghu, ‘Ghatho tahudi idomu kmamure,’ nei ‘Ihei te cheke fadiꞌani idogna ba kmagna na, naikno tuana nabagna na mala falelehe.’ ”

Proveb 30:17

“Jame te tirou fanomho iagho ka idomu kmamure, eghuteuna cheke fadiꞌadi repa teuna, gaghata biꞌo ginauna mei biko fajifla phei tathamu iagho re, eghuteuna saroko ginauna ghamu thinimu iagho na.

Levitikas 19:3

“Ghotilo te gnafa na mala ghathodi idomi kmami are, eghuteuna ghotilo mala tajini narane Sabat, naugna iara Lord, nomi God ghotilo.

Luku 18:20

Uve, iagho la lasedihi vetulara, ‘Thosei tolaghi pedo. Thosei falehe naikno. Thosei blau. Thosei chaghi eigna kaisei mae kau fate. Ghatho tahudi idomu kmamure.’ ”

Matiu 19:19

Ghatho tahudi idomu kmamure. Namhani kheramu fofodu na jateula iagho te namha nigho themu eghu.”

Proveb 20:20

Ihei te cheke fadiꞌadi idogna kmagna re, mana ginauna lehe, jateula juta te lehe ka vido te thono romno ra eghu.

Eksodas 21:17

“Ihei te thofno cheke fadiꞌani idogna ba kmagna na, ghotilo aknu falehe.

Nonomho Te Keli Teke Risoi Mae Mak 10:19

Uve, iagho la lasedihi vetulara, ‘Thosei tolaghi pedo. Thosei falehe naikno. Thosei blau. Thosei chaghi eigna kaisei mae kau fate. Thosei chaghi mala blau. Ghatho tahudi idomu kmamure.’ ”

Eksodas 21:15

“Ihei te tuti fadiꞌani kmagna ba idogna na, ghotilo aknu falelehe mae tuana.

Diutronomi 32:47

Ghotilo laseni! Farirhiu igre theome cheke theo nafudi kolho. Nakarhami ghotilo na au ka farirhiu igre! Ghotilo mala leghudi farirhiu igre mala tangomana ghotilo te au raugha ka glose nate au ghotilo kate tei kasa ghotilo ka Khoꞌu biꞌo Jordan.”

Proveb 3:16

Gaoghatho te keli na ginauna tusu ranghi nigho dedei nei togho nigho mala au raugha ka nauthoglu igne. Eghuteuna naiknore ginauna ghatho tahu nigho iagho.

Fapea Kings 2:12

Mae Elisa ne filoni mae Elija te tei na ne eha eghu, “Mama! Mama! Iara filodi chariot nei maedi Israel te saghe ka hose!” Kate haghehi mae Elija kligna na, mae Elisa ne diꞌanagnafagna fara ne rerheku nogna pohe na.

Diutronomi 4:40

Ghotilo mala leghudi nogna cheke nei vetula teu mana te chekedi iara ka ghotilo gognaro igne. Eghuteuna jame te eghu ghotilo na, ghotilo ginauna au ka nakarha te keli, eghuteuna thumi ghotilo baludi goro sua nate karha mei ke leghumi ghotilo re, ginauna jaola au ka nakarha te keli. Eghuteuna ghotilo ginauna au raugha ka glose teke tusu ari Lord na mala khotogna fabrahu ghotilo.”

Diutronomi 25:15

“Kate skel ghotilo tahudi glepo, ba ghotilo skel niha lita glepo igre, ghotilo mala famane edi fadoglo fara. Jame te eni ghotilo igne na, ghotilo ginauna tangomana te au raugha ka glose teke tusu ari Lord ka ghotilo igne.

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Proveb 30:11

“Keha maere cheke fadiꞌadi idodi kmadi re.

Proveb 28:24

Ihei te blau nodi glepo idogna kmagna re, eghuteuna cheke eghu teuna, “Iara theome eni kaisei puhi te diꞌa.” Mae igne jateula naikno aknu poru eghu.

Proveb 15:5

Sua te fameomekro na theome fanomho ka kmagna na. Nu sua te lalase na fanomho ka kmagna na.

Ululahu Kings 2:19

Aonu Batseba tei ne filoni King Solomon eigna igne. Kate ruma Batseba ka suga na, king kegra haghe ne pogho soru ka naꞌa. Aonu King Solomon gnokro soru ka nogna sape nafnakno na, eghuteuna mare hata kaisei sape nafnakno ka kuin, idogna na, ne gnokro rhegna mana.

Levitikas 19:32

“Eghuteuna ghotilo kegra haghe ke uludi goro mae biꞌo, mala filoni naiknore te ghatho tahudi ghotilo mae khuekuꞌe re. Eghuteuna ghotilo mala ghatho tahu ghau iara nomi God ghotilo. Iara Lord.

Efesus 5:21

Lisa lao ghami fari themi naugna nomi ghatho tahu eigna Kraes.

Diutronomi 4:26

Iara kilodi maloa ghe nauthoglu mala fiofilo fakeli ka nogu cheke iara igre gognarona. Jame te horo thua nafnata mumuju ghotilo na, ghotilo na theome raugha dofi ghami ka glose te khotogna ghotilo tuana, naugna Lord ginauna falelehe kmana naikno ka ghotilo.

Diutronomi 5:33

Ghotilo mala leghudi mare gnafa. Eghuteuna jame te eni ghotilo igne na, nakarhami ghotilo re ginauna keli fara, eghuteuna ghotilo ginauna tangomana te au raugha ka glose nate au ghotilo tagna na.”

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Diutronomi 11:8

Mae Moses ne cheke eghu, “Ghotilo mala leghudi vetula te tusu ari iara ka ghotilo gognaro gre, ka puhi igne ghotilo ginauna au nomi nolaghi te mala hata glose kate kasa ghotilo ka Khoꞌu biꞌo Jordan.

Diutronomi 11:9

Eghuteuna ghotilo ginauna tangomana te au raugha ka thofno glose te keli teke nhaꞌa cheke Lord ka kuꞌemi ghotilo ra nei ka ghotilo vikedi mare ra.

Diutronomi 21:18

Mae Moses ne cheke eghu, “Jame kaisei mae au kaisei thugna mae ihei te theome leghudi idogna kmagna re, neuba repa ne purini ngau mana.

Diutronomi 27:16

“ ‘Puhi biꞌo ginauna thokeni ihei te theome ghatho tahudi idogna kmagna re, Lord ginauna parani mana.’ Eghuteuna naiknore ginauna cheke eghu, ‘Amen!’

Proveb 17:6

Kuꞌedi kavedire fahaehaghedi fara gradire, eghuteuna goro suare jaola kelitadi fara ka kmadi idodi.

Profet Jeremaea 35:7

Eghuteuna ghotilo thosei bana suga, ba tobi, ba joꞌu grep. Blahi te edi ghotilo nafnata gloku igre, nu ghotilo mala au fabrahu kolho ka suga tapuale. Jame te eni fabrahu ghotilo igne na, ghotilo ginauna au fakeli fabrahu ka glose igne.’

Profet Jeremaea 35:18

Aonu mae Jeremaea ne cheke eghu ka vikegna mae Rekab, “Lord mae ihei te au nolaghi fateote'o, nodi God maedi Israel igne ne cheke eghu ka ghotilo: ‘Ghotilo leghudi nogna cheke kuꞌemi mae Jonadab tifa ra, eghuteuna ghotilo leghudi gobigna lepo te chekedi mana ka ghotilore.

Profet Esikiel 22:7

Theo kaisei naikno ka namono igne te ghatho tahudi idodi kmadire. Eghuteuna ghotilo chaghidi naiknodi delei te mei au balumi, goro sua glehe kokoi, nei goro naikno biꞌo te glehe kokoi.

Jenesis 48:12

Eghuteuna mae Josep ne hata fadelei phei mae thugna re ka ghahegna mae kmagna na ne pogho soru pari.

Jenesis 50:12

Aonu thugna mae Jekop igre ne leghuni unha teke chekeni mana ka mare na.

Thoutonu Eigna Rut 3:6

Aonu Rut kegra haghe ne tei ka vido aheva te mala fifliti khunedi balire ne leghudi nogna cheke Naomi re.

Ululahu Samuel 22:3

Aonu mana atha balugna mae igre ne jifla ka vido igne, ne tei Moab ka namono Mispa. Aonu mana ne ghusna eghu ka king gna kantri igne, “Iagho tangomana te snakredi idogu kmagu teu iara gre te mala au ka iagho agne te ghilei laseni iara unha nate eni God ka iara na?”