Eksodas 2:25 - Buka Blahi Ka Cheke Holo

²⁵ Aonu God ne filo ka naiknodi Israel te jateula naikno sneka teu te loku heta fara igre ne kokhoni nognadi fara.

Eksodas 2:25 ပူးပေါင်းရင်းမြစ်များ

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Nodi Khoje Hatimare Mae Jiu 55:22

Puhi biꞌo te tahu ghami ghotilo are lisei lao ka khamegna Lord. Eghuteuna mana ginauna na bara fothi ghami nei fakarhi ghami eghu ghotilo. Eghuteuna mana ginauna na theome snakreni kaisei glepo mala goigonini ihei te doglo na.

Nodi Khoje Hatimare Mae Jiu 1:6

Naikno te leghuni nabrou te diꞌa na mala lehe kolho. Eghuteuna naikno te leghuni nabrou te keli na mala karha fabrahu tifa tifa.

Luku 1:25

Nu naꞌa ne cheke eghu, “Leghu lahu na Lord la ghilei togho ghau iara ka puhi igne la hata fadeleidi mamajagu iara teke theo thugu na.”

Matiu 7:23

Eghuteuna, iara ginauna na cheke fadoglo eghu ka mare, ‘Tei nomi, iara thono theome lase ghami ghotilo. Ghotilo theome nogu naikno iara, naugna puhimi ghotilo re thono diꞌa fara!’ ”

Fapea Samuel 16:12

Jau Lord na lasedihi puhi te diꞌa te au ka iara igre, eghuteuna mana ginauna edi glepo te keli ka iara mala ke tughu fapulo puhi te cheke fadiꞌa ghau iara mana igre.”

Thoutonu Eigna Mae Job 33:27

Ke leghu na mae igne ginauna koje eghu ka naiknore, ‘Iara tapla jafra ka nakhibo, eghuteuna iara theome edi glepo te doglo re, nu God theome para ghau iara eidi nakhibo igre.

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Eksodas 1:8

Aonu kmana finogha ke leghudi igre, kaisei king majaghani ne kegra funei Ijep, mae igne theome laseni unha teke eni mae Josep Ijep tifa na.

Mae Khuru 7:34

Fanomho ka iara. Iara la filodihi nogu naikno te au papara ka namono Ijep ia. Iara nomhidihi nodi natanhire. Iara na soru mala fakarhidi. Eghume gognaro na, ghema Moses, iara nake kuru fapulo nigho Ijep.’

Eksodas 3:9

Uve, nodi natanhi nogu naikno iara re la mei posahi ka iara. Eghuteuna iara la filonihi puhi te diꞌa te eni naiknodi Ijep ka mare na.

Eksodas 18:8

Mae Moses ne toutonu ka mae Jetro gobigna lepo te edi Lord ranghini king, nei naiknodi Ijep. Eigna Lord neke fakarhadi naiknodi Israel. Mana neke jaola neke toutonu ka mae Jetro eigna Lord te toghodi mare ka thua hoholo fateote'o te mei thafodi mare ka nabrou na.

Diutronomi 26:7

Nu ghehati tanhi ka Lord nodi God kuꞌemi ghehati ra. Lord nomhidi nomi natanhi ghehati re, eghuteuna mana filo ghami te papara fara, nei diꞌanagnafa nei au ka narane te ninhigrana.

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.

Nodi Khoje Hatimare Mae Jiu 31:8

Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.