Eksodas 2:21 - Buka Blahi Ka Cheke Holo

²¹ Aonu mae Moses mei ne au baludi mare. Ke leghu, Jetro ne snakre lao thugna gaꞌase Sipora igne ka mana mala khetogna mana.

Eksodas 2:21 ပူးပေါင်းရင်းမြစ်များ

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Jemes 1:10

Nu mae ihei te dedei fara ka nauthoglu igne, mana na gleale'a langau, naugna God ginauna na nhaꞌa faparini mana. Eigna mae ihei te dedei na theome au raugha, nu ginauna na jateula chechenge gaju te au katha vido kmoꞌei kolho nu khoko me lehe teura eghu kolho.

Hibru 11:25

Nu mana magnahaghei te au papara baludi nogna naikno God nei theome gleꞌani katha vido kmoꞌei puhi te diꞌa na.

Ululahu Timoti 6:6

Tutuani, mae ihei te fatutuani ni God na mana dedei fara ka nakarhagna na, jame teuna mana gleꞌani fara unha te auhi tagna na.

Eksodas 2:10

Ke leghu kate biꞌo haghe te rheta mae sitei na, idogna na neke atha fapulo ka thugna king, ihei te tajini jateula te thofno thugna thegna neu. Eghuteuna naꞌa ne cheke eghu, “Naugna iara neke atha hagheni mana ka khoꞌu na, iara ginauna kiloni mana Moses.” Gaoghathogna Moses teu igne, “hata haghe ka khoꞌu” eghu.

Naba 12:1

Kate au teu mare ka vido Haserot na, mae Eron ghe Miriam gre ne cheke faparini mae Moses, mae thabusidi na, naugna mana ne tolaghi ka gaꞌase gna kantri Etiopia.

Mae Khuru 7:29

Kate nomhini mae Moses igne, mana ne rikha Ijep ne tei ne au ka namono Midian. Aonu, mana ne tolaghi jare ne au phei thugna nalhaꞌu.

Eksodas 2:20

Kmadi na ne ghusna eghu, “Ahevau mana na? Naugna unha ne theome kilo meini si ghotilo ia mala ima baluda tahati? Cheke meini!”

Eksodas 4:18

Kate au teu Moses ka nohi Midian igne, Lord ne cheke eghu ka mana, “Iagho ke figri Ijep. Naugna mae te magnahaghei falehe nigho iagho ra la kafe lehehi.” Aonu Moses neke figri ka nanghogna Jetro ne cheke eghu ka mana, “Iagho snakre ghau iara mala ke tei filodi vikegu Ijep ra. Iara magnahaghei te tei filodi te karha teu ba tela lehehi teure.” Jetro ne cheke eghu ka mana, “Keliu kolho, iagho tangomana te tei na.”

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Naba 10:29

Kaisei narane mae Moses ne cheke ka mae Hobab thugna mae Ruel. Mae Ruel gne mae gna Midian, eghuteuna mae Ruel gne nanghogna mae Moses. Moses ne cheke eghu ka mae Hobab, “Ghehati ginauna tei ka vido te keli teke nhaꞌa chekeni Lord mala tufa ka ghehati teku gne. Eghume keli fara jame te mei iagho balumi ghehati na. Jame te mei iagho na, ghehati ginauna reireghi nigho iagho.”