Eksodas 2:11 - Buka Blahi Ka Cheke Holo

¹¹ Kaisei narane, kate rheta tela biꞌohi na, Moses tei ne sighodi kheragna mae Hibru gre, eghuteuna mana filodi maedi Ijep gre huhurudi mare mala loku heta fara. Ka narane tuana, mana ne filoni kaisei maegna Ijep ne puri fadiꞌani kaisei maegna Hibru.

Eksodas 2:11 ပူးပေါင်းရင်းမြစ်များ

Eksodas 1:11

Aonu mae Ijep igre ne lilisei keha mae mala reireghidi nei huhurudi eghu maedi Israel mala loku jateula naikno sneka eghu. Mare eni igne mala thofno paradi mare. Ka puhi igne mare huhurudi mare mala loku ka phei namono biꞌo Pitom ghe Ramese, aheva king te lilisei gano nei keha glepo eghu tagna.

Luku 4:18

“Tharunga gna God na au balugu iara. Naugna mana neke vahi ghau iara mala toutonuni Nonomho te Keli gne ka naikno te kumare. God neke kuru ghau iara mala toutonu ka naikno te au sosolo ka nakhibodire mala snagla mare, nei naikno teke dofure mala ke fifilo fapulo. Eghuteuna iheire te au papara ke paridi nodi nolaghi keha mae re ginauna mala ke au ka pharikeli.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Profet Isaia 58:6

“Iara theome magnahagheni nafnata puhi igne. Iara magnahaghei ghami ghotilo te thosei edi nafnata puhi te diꞌa nei goigonidi keha naiknore teu igre. Ghotilo thosei lisa lao gloku biꞌo mala paradi mare, nu ghotilo snakredi mare mala snagla.

Eksodas 3:7

Lord ne cheke eghu ka mana, “Iara la filo tathaguhi naiknodi Ijep te paradi fara nogu naikno iara igre. Iara jaola nomhidihi nodi natanhi re mala fakarhidi iara ka khamedi mae iheire te paradi ka gloku biꞌo jateula naikno sneka teu igre. Uve, iara filoni nodi na au papara re ne thono kokhoni nogudi fara.

Eksodas 5:14

Mae funei igre ne puri fadiꞌadi mae te reireghidi mae gloku re. Eghuteuna mae funei igre ne cheke eghu ka mare, “Naugna unha site theome eꞌei naba brik ghotilo gnorai ba gognarognea, jateula te sughu edi ghotilo tifa ra teuna?”

Eksodas 5:9

Ghotilo huhurudi mae igre mala loku heta fara. Jame te eghu na, mare ginauna loku mala theome fanomho ka nogna chaichaghi mae Moses are.”

Eksodas 5:4

Nu king ne cheke eghu, “Moses ghe mae Eron! Naugna unha si ghopa te magnahaghei atha fajifladi naiknore ka nodi gloku grea? Ghopa jaola ke pulo loku!

Eksodas 5:5

Filo si ghopa, nogu mae gloku iara igre kmana fara gognarona. Nu ghopa lhotidi mare te loku na! Theo!”

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.