Eksodas 19:9 - Buka Blahi Ka Cheke Holo

⁹ Lord ne cheke eghu ka mae Moses, “Fanomho sagho, iara ginauna mei ka iagho ka kaisei khoveo biꞌo, mala tangomana naiknore te nomhi ghau iara te cheke balumu iagho na. Aonu naiknore ginauna fatutuani nigho iagho fabrahu.” Mae Moses ne cheke lao ka Lord nodi cheke naiknore.

Eksodas 19:9 ပူးပေါင်းရင်းမြစ်များ

Diutronomi 4:36

Ka maloa na mana snakre ghami ghotilo mala nomhini naoglagna mana na, mala tangomana mana te fadogli ghami ghotilo na. Eghuteuna ka glose na mana snakre ghami ghotilo mala filoni nogna khaꞌaghi biꞌo na, mala tangomana ghotilo te nomhini chekegna mana te jifla mei ka khaꞌaghi igne.

Eksodas 19:16

Hamerane ka fatilo narane na, mare ne filoni te phae nakafli biꞌo na, eghuteuna fila na ne poha, eghuteuna khoveo biꞌo ne toku tafru thogele igne. Eghuteuna naiknore jaola ne nomhini naoglagna khufli na mala laseni God te mei sighodi nogna naiknore. Eghuteuna iheire te gnafa teke au ka vido igne ne thofno mhaghu nodi fara ne fififri fara.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Nodi Khoje Hatimare Mae Jiu 97:2

Khoveo nei gromno teura au faligohoni mana. Mana funei frunidi nei fatedi eghu naiknore ka puhi te thofno doglo fara.

Eksodas 20:21

Nu kate tei mae Moses rhegna grokho te au teu God igne na, naiknore ne kegra neu delei.

Eksodas 14:31

Kate filoni hatimare mae Israel gre nogna nolaghi biꞌo Lord te tapla faparidi mae Ijep gre, mae Israel gre ne pogho soru ka mana, nei ghatho tahuni Lord nei nogna mae gloku Moses.

Thakle 1:7

Filo si ghotilo, mae Jisas na ginauna nake pulo mei balu grokho ka maloa na. Naikno te gnafare ginauna filoni mana, eghuteuna naikno teke jaꞌini mana tifa ra ginauna jaola filoni mana. Naikno ka namono te gnafa ka nauthoglu igne ginauna diꞌanagnafa balu tanhi fabiꞌo kate filoni mana na naugna mana au nolaghi biꞌo fara. Uve, ginauna jateula tuana eghu. Amen.

Luku 10:16

“Mae ihei te nomhidi nomi cheke ghotilo re, mana ginauna na nomhidi la nogu cheke iara re. Eghuteuna mae ihei te tirogna ghami ghotilo na, mana tirogna ghau la iara. Eghuteuna mae ihei te tirogna ghau iara na, mana ginauna na tirogna nila mae ihei teke kuru mei ghau iara na.”

Nonomho Te Keli Teke Risoi Mae Mak 9:7

Ka vido tuana kaisei gromno ne mei toku tafrudi mare. Eghuteuna thilomare ne nomhini God te cheke eghu mei funugna kau gromno na, “Igne thofno mae Thugu iara na. Iara namhani fara mana. Ghotilo fanomho fakeli ka unha te chekedi mana re!”

Profet Isaia 19:1

Lord ne fakakhana ka iara eigna Ijep: Mana ginauna tei Ijep ke kligna gna kaisei grokho te umhu fara. Kate tei te thoke mana Ijep na, nodi mumuju god mae Ijep igre mhaghu ne fififri fara. Eghuteuna naiknodi Ijep re jaola ne mhaghu nodi fara.

Fapea Kronikols 20:20

Hamerane boibongi ka keha narane na, hatimare mae soldia ne tarabana mala tei ka namono nagou rhegna namono Tekoa. Eghuteuna kate tei mare na, King Jehosafat ne cheke eghu ka mare, “Ghotilo maemi Juda nei Jerusalem, fanomho fakeli ghotilo ia! Fatutuani ka Lord, noda God, eghuteuna mana ginauna farheta ghami ghotilo. Ghotilo fatutuanidi nodi cheke nogna mae profet manara, eghuteuna ghotilo ginauna tangomana te uludi mae naoka re.”

Fapea Kronikols 6:1

Aonu mae Solomon ne tarai, “Lord, iagho neke chekeni nate au iagho ke lamnagna khoveo te romno na.

Ululahu Kings 8:12

Aonu mae Solomon tarai ne cheke eghu, “Lord, teke chekeni iagho na, iagho ginauna au ke lamnagna kaisei khoveo te romno.

Eksodas 4:5

Lord ne cheke eghu ka Moses, “Jame te eni iagho glepo igne ka tathadi naiknore, mare ginauna fatutuani te mei iara ka iagho na. Eghuteuna mare mala lase ghau iara nodi God kuꞌemi ghotilo ra, iara nogna God Ebraham, Isak nei Jekop.”

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Eksodas 34:5

Aonu Lord ne soru mei ke lamnagna kaisei khoveo biꞌo, ne kegra jare balugna Moses. Eghuteuna Lord ne kiloni nanghagna thegna na, Lord.

Naba 12:5

Lord ne soru mei ka kaisei gromno, ne au neu ka grengathagna suga thapuale na. Aonu Lord ne kilodi Eron ghe Miriam mala mei kegra ke ulugna thegna.

Nodi Khoje Hatimare Mae Jiu 99:7

Mana neke cheke mei ka mare ka kaisei khoveo biꞌo te kegra fadoglo haghe ka maloa na. Eghume mare neke leghuni nogna farirhiu teke tusu ranghidi na neke leghuni nogna vetula mana na.

Diutronomi 4:10

Thosei ghatho ihoni narane teke mei kegra kuꞌemi ghotilo ka Thogele Sanai teke kegra ke ulugna Lord nomi God. Ka narane tuana, mana neke cheke eghu ka iara, ‘Chekedi naikno ra mala kafe mei rhegu iara agne. Iara magnahaghedi mare te mala nomhidi gobigna lepo nate chekedi iara ka mare. Ka puhi igne, mare tangomana te ghatho tahu ghau iara fabrahu ka nakarhadi re, eghuteuna mare tangomana nate farirhiudi thudi re mala ghatho tahu ghaula iara.’