Eksodas 19:6 - Buka Blahi Ka Cheke Holo

⁶ iara ginauna fablahi ghami ghotilo mala nogu naikno gloku iara mala loku jateula nogu mae pris eghu iara.’ Igre nogu cheke iara te mala toutonudi iagho ka naiknodi Israel.”

Eksodas 19:6 ပူးပေါင်းရင်းမြစ်များ

Thakle 5:10

Iagho eꞌeidi mare mala mae pris te mala toghodi nogna naiknore nei mala pogho soruni God Kmagna noda King. Mare ginauna funei frunidi naiknogna nauthoglu igne.”

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Thakle 1:6

Mana eꞌei ghita mala pris te mala toghodi nogna naiknore nei mala pogho soruni God Kmagna noda King. Tahati ginauna pala hagheni nanghagna na kligna, eghuteuna kilo fnaknoni fabrahu nogna nolaghi biꞌo na tifa tifa. Amen.

Diutronomi 7:6

Ghotilo mala edi glepo igre, naugna ghotilo nogna naikno blahi Lord, nomi God. Mana neke vahi fadelei ghami ka keha naikno te gnafa ka nauthoglu igne mala nogna naikno thegna.

Diutronomi 28:9

“Jame te leghudi ghotilo nogna vetula mana re, eghuteuna leghudi puhigna mana re teuna, mana ginauna fablahi ghami ghotilo, eghuteuna ghotilo ginauna nogna naikno blahi mana, jateula teke nhaꞌa cheke hi mana ia eghu.

Profet Isaia 62:12

Ka narane igne, naiknore ginauna kilo ghami ghotilo, “Nogna naikno blahi God” nei “Naikno teke atha fapulo Lord ka namono igne.” Eghuteuna mare ginauna kiloni Jerusalem, “Namono te magnahagheni fara Lord,” nei “Namono aheva na teke pulo mei te au Lord tagna.”

Diutronomi 26:19

Eghuteuna te chekeni mana na, mana ginauna fablahi ghami ghotilo mala au nangha biꞌo ghotilo salaꞌudi keha naikno ka nauthoglu igne, eghuteuna mare ginauna thofno ghatho tahu ghami ghotilo. Eghuteuna ghotilo ginauna nogna naikno blahi Lord nomi God, thofno jateula teke nhaꞌa chekenihi mana ia eghu.”

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Thakle 20:6

Naikno teke kulu fakarha fapulodi God kau glehe igre mare keli tadi fara, naugna mare ginauna na theome papara kate kafe papara naikno te diꞌare kau khaꞌaghi te theo ka gnafagna. Mare nogna naikno blahi God. Mare ginauna jaola mala nogna mae pris God nei nogna Kraes, eghuteuna mare ginauna funei fruni balugna Kraes kaisei thogha finogha.

Ululahu Korin 3:17

Eghuteuna jame ihei te roꞌeni sugagna God na, God ginauna jaola roꞌeni mana. Naugna sugagna God na blahi fara, eghuteuna ghotilo jateula sugagna mana na eghu mala blahi fara.

Profet Isaia 61:6

Naikno te gnafa igre ginauna lase ghami ghotilo te nogna pris Lord, eghuteuna ghotilo nogna mae gloku mana. Ghotilo ginauna atha nodi glepo te keli keha kantri are, eghuteuna ghotilo ginauna gleale'a, naugna ghotilo ne khotodi nodi dedei mare re.

Levitikas 20:26

Ghotilo mala au blahi naugna iara Lord, iara blahi, eghuteuna iara neke atha fajifla ghami ghotilo ka keha naiknore, mala nogu naikno iara.

Diutronomi 14:21

“Ghotilo thosei ghamu buluka ba unha te filoni ghotilo tela lehehi thegna na. Ghotilo tangomana te tusu lao glepo igne ka maedi delei te mei au balumi ghotilo are mala ghamu mare, ba ghotilo tangomana te sabiri ka naiknodi keha kantri are. Ghotilo eni igne naugna ghotilo nogna naikno blahi Lord, nomi God. “Eghuteuna kate kuki ghotilo kaisei nanigot ikoi na, ghotilo thosei kuki ka milk gna idogna na.”

Levitikas 21:23

Nu mana thosei mei namo ka pohe te bobotho gna Chogho te Thono Blahi Fara, eghuteuna mana mala thosei mei namo ka nogu olta iara na, glahu edi phei vido blahi igre theome klino ka tathagu iara na. Iara Lord, iara mae ihei teke fablahidi re.”

Levitikas 20:24

Nu iara neke nhaꞌa chekehi ka ghotilo te mala atha ghotilo nodi glose mare na. Uve, iara ginauna tusu ari ka ghotilo mala khotogna namono aheva glosegna na thofno keli fara, eghuteuna leuleghu fata na au kmana gano.” Iara Lord, nomi God ghotilo. Iara neke vahi ghami ghotilo neke hata fajifla ghami ka keha naikno re, mala nogu naikno iara.

Ululahu Tesalonika 5:27

Iara cheke ka ghotilo, ka nogna nolaghi Lord, mala iu'iju letas igne ranghidi kherada te gnafa jare Tesalonika.

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Eksodas 22:31

“Eghume ghotilo nogu naikno iara ra, ghotilo thosei ima nafnahi buluka ba sipu teke falelehe mata. Ghotilo atha mala faghamu khuma kolho.”

Ululahu Kings 3:8

Iara au farihoteidi naikno teke vahidi iagho mala nou naikno teku iagho gre, eghuteuna mare thono kmana fara, eghuteuna theome tangomana kaisei naikno te kahadi igre.

Ululahu Kings 8:53

Iagho neke vahi fadelei ghami ka naikno te gnafa ka nauthoglu igne, mala nou naikno themu. Lord, iagho neke chekeni glepo igne ka nou mae gloku Moses, mala cheke mana ka kuꞌemi ghehati ra ka narane teke hata fajifladi iagho Ijep ra.”

Ululahu Kronikols 17:22

Iagho neke vahidi naiknodi Israel igre mala nou naikno iagho fabrahu, eghuteuna iagho Lord nodi God mare.

Profet Isaia 43:4

Uve, ghotilo thofno naikno ulu fara ka tathagu iara na ke tulaodi naikno te gnafa ka nauthoglu igne. Iara Lord neke vahi ghami ghotilo tughudi naiknodi keha kantri are, mala tangomana ghotilo teke au ka nakarha te keli. Naugna iara ghatho tahu ghami fara ghotilo, nei namha ghami eghu ghotilo. Eghuteuna iara magnahagheni fara te mala pala haghedi nanghami ghotilore.

Profet Isaia 66:21

Eghuteuna iara ginauna vavahi keha ka mare mala pris nei keha mala Livaet.

Profet Jeremaea 2:3

Ka narane tura ghotilo naiknomi Israel gre neke nogu naikno blahi iara. Ghotilo neke jateula gano majaghani ka nagare ra neku neke fafara mei ka iara nakarhami na. Kate mei fariuriu goigoni ghami naiknore, iara neke kegra tughu ghami ghotilo neke goigonidi mare.” Igne nogu cheke iara Lord.

Profet Jeremaea 7:23

Nu iara neke cheke faheta eghu ka mare, ‘Jame fanomho fakeli ghotilo ka iara, nei leghu fakelidi ghotilo gobigna lepo te chekedi iara igre meuna, iara ginauna nomi God ghotilo eghuteuna ghotilo nogu naikno iara. Eghuteuna iara ginauna tusu ari nakarha te keli ka ghotilo.

Profet Jeremaea 13:11

Ulu lahu na iara neke magnahaghedi fara naiknodi Israel ghe Juda igre te mala loku famaku ka iara jateula pohe te maku ka thinigna naikno na igne neku. Iara neke magnahaghedi mare te mala thofno nogu naikno iara te mala tangomana naiknogna nauthoglu igne te mala cheke fakeli ghau, ghatho tahu ghau nei fafnaknoni teu nanghagu iara na. Nu mare tirodi te leghu ghau iara na.” Igne chekegna Lord.

Profet Emos 3:2

Lord ne cheke eghu, “Kmana vike fara ka nauthoglu igne, nu iara neke vahi ghami ghotilo kolho mala nogu naikno iara. Eghuteuna iara tangomana te reireghi fakeli ghami ghotilo na. Nu kate filoni iara te theome keli ghotilo ranghi ghau iara na, iara ginauna para ghami ghotilo eidi nakhibo te edi ghotilo ra.”

Eksodas 28:36

Mare na atha kaisei vido famane gol ikoi ne eni kaisei medol tagna. Mare na famane tuge fatataba, eghuteuna ghagra cheke igre ka thagrugna: “Blahi ka Lord.”

Naba 16:3

Mare mei ka mae Moses ghe mae pris Eron ne cheke eghu, “Tore! Ghotilo raꞌe la salaꞌui fara! Unha site nhaꞌa fahaghe ghami themi ghopa ke klignami ghehati gnafa gnea? Naikno te gnafa igre naikno blahi, eghuteuna Lord na au balumi ghehati la!”

Profet Hagae 2:5

Ka narane teke jifla kokoni mae kuꞌemi ghotilo re namono Ijep tifa ia, iara neke eni kaisei nhaꞌa cheke mala au fabrahu balumi ghotilo ghilei thoke gognaro gne. Tharungagu iara na au balumi ghotilo. Tuana me thosei mhaghu ghotilo eghu.”