Eksodas 19:5 - Buka Blahi Ka Cheke Holo

⁵ Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Eksodas 19:5 ပူးပေါင်းရင်းမြစ်များ

Diutronomi 14:2

Ghotilo thosei diꞌanagnafa, jateula keha naikno te leghudi keha nafnata god delei ra eghu. Naugna ghotilo nogna naikno blahi Lord nomi God. Eghuteuna Mana neke vahi fadelei ghami ka keha naikno te gnafa ka nauthoglu igne mala nogna naikno mana kolho.”

Diutronomi 7:6

Ghotilo mala edi glepo igre, naugna ghotilo nogna naikno blahi Lord, nomi God. Mana neke vahi fadelei ghami ka keha naikno te gnafa ka nauthoglu igne mala nogna naikno thegna.

Diutronomi 26:18

Lord chekeni te gognarogne ghotilo nogna naikno mana, ghotilo thofno nogna naikno thegna mana, jateula teke nhaꞌa chekeni hi mana ia eghu. Eghuteuna mana chekehi ka ghotilo mala leghudi nogna vetula mana re.

Profet Malakai 3:17

“Aonu Lord mae ihei te au nolaghi fateoteꞌo igne ne cheke eghu, ‘Naikno igre mala nogu iara. Eghuteuna iara ginauna kokhonidi naikno igre jateula mae kmami ghotilo te kokhonidi thudi ra eghu.

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Nodi Khoje Hatimare Mae Jiu 135:4

Lord neke vahini vikegna mae Jekop mala nogna naikno mana. Uve, mana la vahidihi naiknodi Israel mala thofno nogna naikno mana.

Diutronomi 4:20

Nu Lord neke fakarhi ghami ghotilo ka puhi biꞌo Ijep te jateula kaisei khaꞌaghi biꞌo te brana fara ra neku, naugna mana magnahaghei ghami ghotilo te mala nogna naikno thegna, eghuteuna tahati au eghu au gognaro gne.

Eksodas 23:22

Nu jame te thofno leghudi ghotilo unha te chekedi mana re nei edi ghotilo glepo teke chekedi iara ra teuna, iara ginau na kegra tughu ghami ghotilo mala magridi nomi mae naoka ghotilo are.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Diutronomi 10:14

“Kligna nei nauthoglu nei gobigna lepo fateote'o te au ke lamnadi teu igre nogna Lord nomi God ghotilo khotodi re.

Eksodas 9:29

Aonu mae Moses ne cheke eghu ka mana, “Uve, kate jifla ari iara kosi ka namono biꞌo igne na, iara ginau na ngafa haghe khame ghu gre mala tarai ka Lord. Eghuteuna fila igne ginau na gnafa, eghuteuna nakhete thina aes igne ginau na hui eghu ngala signea. Eghume iagho ginau na laseni, u glose igne nogna Lord kolho.

Nodi Khoje Hatimare Mae Jiu 24:1

Nauthoglu nei thua nafnotu fateo te au ke lamnagna igre nogna Lord, eghuteuna naikno te au tagna re jaola nogna mana.

Ululahu Korin 10:26

Ghotilo tangomana te ima na, naugna grioriso te blahi na cheke eghu, “Nauthoglu nei gobigna lepo ke lamnagna teu igre nogna Lord.”

Thoutonu Eigna Mae Job 41:11

Ihei te tangomana te fapholai ka iara te mala fadoglini iara glepo tuana? Thono theo fara, naugna iara ngala te batudi gobigna lepo fateote'o ka nauthoglu igne.

Diutronomi 5:2

Lord, noda God neke eni kaisei nhaꞌa cheke baluda tahati ka Thogele Sanai.

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Profet Isaia 43:1

Nu Lord mae ihei teke vahi ghami ghotilo naiknomi Israel, mana neke cheke eghu, “Ghotilo thosei mhaghu, naugna iara la hata fapulo ghamihi ghotilo. Eghuteuna iara kilo ghami ghotilo nogu naikno iara.

Profet Isaia 41:8

“Nu ghotilo naiknomi Israel, teke karha mei ka vikegna mae kheragu iara mae Ebraham. Iara neke vahi ghami ghotilo mala thofno nogu naikno gloku iara.

Nodi Khoje Hatimare Mae Jiu 25:10

God na tutuani ranghidi nei namhadi eghu koba naikno te leghudi nogna nhaꞌa cheke nei nogna vetula teure.

Ululahu Samuel 15:22

Nu Profet Samuel ne cheke eghu, “Unha te magnahagheni Lord na? Ba, mana magnahaghei nigho iagho te faꞌuveni nogna cheke na, ba, mala eni iagho fafara te thofno krono na? Te faꞌuveni iagho mana na tuana keli fara salaꞌuni fafara na. Te fanomho iagho ka mana na tuana keli fara salaꞌuni garofa gna sipu te fafara na.

Josua 24:24

Naiknore ne cheke eghu ka mana, “Lord na noda God tahati. Ghehati ginauna leghuni fabrahu mana, nei leghudi fabrahu nogna cheke mana re.”

Profet Isaia 1:19

Jame te leghu ghau iara ghotilo na, iara ginauna togho ghami ghotilo te mala au fakeli ghotilo na, eghuteuna ghotilo ginauna au ghemi gano te keli ka nomi nagare are.

Ululahu Kings 8:53

Iagho neke vahi fadelei ghami ka naikno te gnafa ka nauthoglu igne, mala nou naikno themu. Lord, iagho neke chekeni glepo igne ka nou mae gloku Moses, mala cheke mana ka kuꞌemi ghehati ra ka narane teke hata fajifladi iagho Ijep ra.”

Diutronomi 28:1

Aonu mae Moses neke cheke eghu, “Jame te thofno leghuni ghotilo Lord, nomi God na, eghuteuna leghudi ghotilo famane cheke te tusu ari iara ka ghotilo gognaro gre teuna, mana ginauna fablahi ghami ghotilo mala hata nangha biꞌo salaꞌudi keha naikno ka nauthoglu igne.

Profet Isaia 56:4

Aonu Lord ne cheke eghu, “Keha ka iheire te theo thudi igre mare tajini fabrahu narane Sabat igne mala ghatho tahu ghau iara, nei eni unha te gleꞌani iara na, nei tajini fabrahu nogu nhaꞌa cheke iara na.

Eksodas 24:7

Gnafa teuna, mana atha Buka Nhaꞌa cheke te au chekegna Lord igre ne iu'iju ka naiknore. Kate nomhidi chekegna Lord igre, naiknore ne kafe cheke eghu, “Ghehati ginauna thofno leghudi chekegna Lord igre.”

Profet Jeremaea 7:23

Nu iara neke cheke faheta eghu ka mare, ‘Jame fanomho fakeli ghotilo ka iara, nei leghu fakelidi ghotilo gobigna lepo te chekedi iara igre meuna, iara ginauna nomi God ghotilo eghuteuna ghotilo nogu naikno iara. Eghuteuna iara ginauna tusu ari nakarha te keli ka ghotilo.

Diutronomi 11:27

Jame te leghudi ghotilo nogna cheke Lord nomi God te tusu ari iara ka ghotilo gognarogne, mana ginauna fablahi ghami ghotilo.

Ululahu Korin 10:28

Nu jame kaisei mae cheke eghu ka ghotilo, “Gano igre neke fafara ka mumuju,” ghotilo ghathoni cheke mana igne mala thosei ima gano tuana.

Diutronomi 14:21

“Ghotilo thosei ghamu buluka ba unha te filoni ghotilo tela lehehi thegna na. Ghotilo tangomana te tusu lao glepo igne ka maedi delei te mei au balumi ghotilo are mala ghamu mare, ba ghotilo tangomana te sabiri ka naiknodi keha kantri are. Ghotilo eni igne naugna ghotilo nogna naikno blahi Lord, nomi God. “Eghuteuna kate kuki ghotilo kaisei nanigot ikoi na, ghotilo thosei kuki ka milk gna idogna na.”

Profet Jeremaea 10:16

Nu nogna God mae Jekop igne theome jateula keha nafnata god are eghu. Mana ngala mae ihei teke vuavuhadi gobigna lepo ka nauthoglu igne. Eghuteuna vahi fadelei ghita tahati naiknoda Israel mala nogna naikno thegna. Nanghagna na Lord mae ihei te au nolaghi fateote'o.

Famane Khoje 8:12

Solomon, iara kelitagu mala tathaji iagho kaisei thogha silva mala nou iagho, eghuteuna iara jaola kelitagu ka mae igre mala tathaji mare phei gobi silva mala nodi mare. Naugna iara au kaisei nogu nagare mala nogu iara thegu!

Hibru 8:9

Nhaꞌa cheke igne theome jateula teke eni iara tifa ka mae ku'edi mare kau narane teke atha fajifladi iara ka namono Ijep ia eghu. Hatimare neke theome leghuni u nhaꞌa cheke teke eni iara tifa ka mare na. Naugna igne iara neke figri tagrudi.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Jenesis 17:9

God neke cheke eghu ka mae Ebraham, “Iara la cheke arihi ka iagho unha nate eni iara na. Iagho themu ngala nei thumu iagho nate karha mei ka finogha ke leghumu iagho re eghu mala tathaji fakelini u nogu nhaꞌa cheke iara teke eni iara balumu iagho ia.

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Eksodas 8:22

“ ‘Nu kate mei khare igre na, Lord ginau na reireghi fakelini vido Gosen, ba nohi aheva te au nogna naikno manare. Khare igre ginau na theome filodi ka vido aheva te au nogna naikno mana re. Iagho ginau na filo glanini nei laseni eghu te kaisei mana ngala Lord te edi gobigna lepo te ninhigrana ka nou kantri iagho na igre.

Diutronomi 28:9

“Jame te leghudi ghotilo nogna vetula mana re, eghuteuna leghudi puhigna mana re teuna, mana ginauna fablahi ghami ghotilo, eghuteuna ghotilo ginauna nogna naikno blahi mana, jateula teke nhaꞌa cheke hi mana ia eghu.

Ululahu Kronikols 17:22

Iagho neke vahidi naiknodi Israel igre mala nou naikno iagho fabrahu, eghuteuna iagho Lord nodi God mare.

Profet Esikiel 16:8

Aonu iara neke tei salaꞌu keha fata na, kate filo nigho na, iagho biꞌo fara naba tolaghihi. Aonu, iara toku tafru thinimu iagho te soesole na ka nogu pohe brahu na, eghuteuna iara ne eni kaisei nhaꞌa cheke te rheta mala namha nigho iagho. Nogu nhaꞌa cheke te mala tolaghi nigho iagho na, iagho mala khetogu iara. Igne nogna cheke Lord.

Profet Emos 3:2

Lord ne cheke eghu, “Kmana vike fara ka nauthoglu igne, nu iara neke vahi ghami ghotilo kolho mala nogu naikno iara. Eghuteuna iara tangomana te reireghi fakeli ghami ghotilo na. Nu kate filoni iara te theome keli ghotilo ranghi ghau iara na, iara ginauna para ghami ghotilo eidi nakhibo te edi ghotilo ra.”

Profet Emos 6:1

Kokhoni ghami fara ghotilo naikno te au fakeli ka Thogele blahi Saion, nei naikno te au ka namono biꞌo Samaria. Te ghathoni ghotilo na, theo kaisei glepo nate goigoni ghami na eghu. Kokhoni ghami fara ghotilo mae funei te fnakno te au ka kantri Israel, eghuteuna naiknore mei hiro nodi thotogho ka ghotilo.

Eksodas 34:9

Eghuteuna mana ne cheke eghu ka Lord, “Lord, jame te thofno keli tamu fara iagho ka iara na, iagho mei balumi ghehati. Tutuani fara, naikno gre patu gama fara, nu iara tore nigho iagho mala atha koko gnafa puhimi te diꞌa nei nakhibomi teu ghehati gre, eghuteuna ke atha fapulo ghami jateula nou naikno themu eghu.”

Levitikas 20:24

Nu iara neke nhaꞌa chekehi ka ghotilo te mala atha ghotilo nodi glose mare na. Uve, iara ginauna tusu ari ka ghotilo mala khotogna namono aheva glosegna na thofno keli fara, eghuteuna leuleghu fata na au kmana gano.” Iara Lord, nomi God ghotilo. Iara neke vahi ghami ghotilo neke hata fajifla ghami ka keha naikno re, mala nogu naikno iara.

Diutronomi 9:29

Nu iagho lasedi, naikno igre nou iagho, iagho neke hata fajifladi Ijep ka nou nolaghi te biꞌo nei ka khamemu te rheta tulao.’ ”

Diutronomi 26:19

Eghuteuna te chekeni mana na, mana ginauna fablahi ghami ghotilo mala au nangha biꞌo ghotilo salaꞌudi keha naikno ka nauthoglu igne, eghuteuna mare ginauna thofno ghatho tahu ghami ghotilo. Eghuteuna ghotilo ginauna nogna naikno blahi Lord nomi God, thofno jateula teke nhaꞌa chekenihi mana ia eghu.”

Thoutonu Eigna Mae Job 41:3

Jame tangomana te lolhoku iagho na, ba, iagho gaoghathomu na naꞌa ginauna tore nigho iagho mala snakre tei ni? Ba, iagho gaoghathomu na naꞌa ginauna tanhi ka iagho mala kokhoni ni iagho?

Profet Jeremaea 13:11

Ulu lahu na iara neke magnahaghedi fara naiknodi Israel ghe Juda igre te mala loku famaku ka iara jateula pohe te maku ka thinigna naikno na igne neku. Iara neke magnahaghedi mare te mala thofno nogu naikno iara te mala tangomana naiknogna nauthoglu igne te mala cheke fakeli ghau, ghatho tahu ghau nei fafnaknoni teu nanghagu iara na. Nu mare tirodi te leghu ghau iara na.” Igne chekegna Lord.