Eksodas 19:22 - Buka Blahi Ka Cheke Holo

²² Neubane mae pris, mae iheire te tangomana te mei rhegu iara te mala mei fafara igre, mare jaola mala kulu fablahidi thedi. Jame te theo mare na, iara ginauna paradi mare.”

Eksodas 19:22 ပူးပေါင်းရင်းမြစ်များ

Eksodas 24:5

Gnafa teuna mae Moses ne kurudi keha mae majaghani mala tei fafara ka Lord. Mare jaola ne fafara keha buluka mala au ka pharikeli balugna God.

Mae Khuru 5:10

Safira jaola ghosei ne khoko soru ke ulugna mae Pita ne lehe. Aonu mae majaghanire ruma mei ne filoni naꞌa tela lehehi na. Mare pala ne jifla kosi ne tei giugilui rhegna khetogna na.

Mae Khuru 5:5

Kate nomhini igne, mae Ananias khoko soru ke ulugna mae Pita ne lehe. Aonu naikno te gnafa te nomhini igne ne mhaghu nodi fara.

Profet Isaia 52:11

Jifla mei ka namono Babilonia! Jifla mei ka namono te diꞌa tuana! Thosei haboni kaisei glepo te thona ka tathagna God. Ghotilo mae te atha te mei glepo te blahi ka sugagna Lord ra, ghotilo mala jifla mei ka namono tuana, eghuteuna ghotilo mala gae ka tathagna God.

Fapea Kronikols 30:15

Mae Pris nei mae Livaet teu te theome gae teu ka tathagna Lord na igre ne mamaja nodi fara, aonu mare tei ne fagaedi thedi ka tathagna mana na. Mare hata ne mei kmana sipu ba buluka te gahu te knoro fara ne fafara ka nogna Sugablahi Lord na. Aonu mare ne eni nodi gloku na ka Sugablahi igne leghuni nogna vetula mae Moses nogna mae gloku God. Ka botho fati narane gna fapea nhigra na, mare mei ne aknu falehe sua sipu malagna Gaghamu Ghasa-Polho na. Mae Livaet gre hata dadaradi sipu igre ne tusu lao ka mae pris. Eghuteuna mae pris gre fuafusa dadara igre fei ke maghatigna olta na.

Ululahu Kronikols 15:13

Tifeiro na ghotilo mae Livaet gre neke theome pala neke mei Bokis Blahi igne, naugna igne Lord neke para ghita tahati. Tahati neke theome ghusnani eigna thofno puhigna te mala palagna Bokis Blahi igne.”

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Eksodas 19:24

Aonu Lord ne cheke eghu ka mana, “Uve, nu iagho ke soru, atha mei mae Eron balumu agne. Nu hatimare mae pris nei keha naikno teu are thosei mei salaꞌuni nohi igne, mala mei ka iara Lord. Jame te mei mare na, iara ginauna paradi mare.”

Levitikas 21:6

Mare mala au blahi malagu iara nodi God mare, eghuteuna mare mala theome goigoni ni nanghagu iara na, naugna mare mala ei fafara mala tangomana gano re te kaisei glepo blahi na. Naugna igne mare mala blahi fara.

Naba 11:18

“Nu gognaro na, iagho na tei chekedi naiknore, mala kaikaliti nei mala gae eghu mare ka tathagu iara na, naugna nathui na mare ginauna ima nafnahi. Iara ne nomhidi nodi natanhi nei nodi cheke teu te cheke eghu mare re, kani au teku Ijep ia ghehati neke ima ghemi gano te keli gnai te au ka vido igne. Uve, iara ginauna tufa lao ghedi gano mala ima mare.