Eksodas 19:19 - Buka Blahi Ka Cheke Holo

¹⁹ Eghuteuna naoglagna khufli igne ne taitanhi fabiꞌo fara. Eghuteuna leuleghu fata na mae Moses cheke, eghuteuna God ne cheke tughu ka mana jateula fila biꞌo te poha ra neu.

Eksodas 19:19 ပူးပေါင်းရင်းမြစ်များ

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Eksodas 19:16

Hamerane ka fatilo narane na, mare ne filoni te phae nakafli biꞌo na, eghuteuna fila na ne poha, eghuteuna khoveo biꞌo ne toku tafru thogele igne. Eghuteuna naiknore jaola ne nomhini naoglagna khufli na mala laseni God te mei sighodi nogna naiknore. Eghuteuna iheire te gnafa teke au ka vido igne ne thofno mhaghu nodi fara ne fififri fara.

Hibru 12:21

Tutuani fara, kate filodi glepo igre, mare ne mhaghu nodi fara. Tulao mae Moses mhaghu ne cheke eghu, “Iara mhaghu nogu ne fififri fara.”

Nehemaea 9:13

“Iagho neke soru mei funu kligna ka Thogele Sanai neke cheke ka nou naiknore. Eghuteuna iagho neke tusu ranghidi cheke te doglo, nei Vetula te tutuani, nei famane farirhiu te keli.

Eksodas 19:13

Mare mala fada falehe mae igne ka thina ba ka jata, mala theome tangomana kaisei naikno te habo tagna na. Neubane kaisei naikno ba kaisei buluka te habo ka thogele igne na, mala lehe. Nu ke leghu kate nomhini mare kaisei naogla khufli te taitanhi te raugha na, mare ginauna tangomana te haghe ka thogele igne.”

Hibru 12:19

Mare neke nomhini naoglagna khufli nei nomhini naoglagna God te cheke mei ka mare. U cheke igne ne famhaghudi mare fara. Aonu mare ne tore faheta mala thosei ke cheke ranghidi.

Diutronomi 4:36

Ka maloa na mana snakre ghami ghotilo mala nomhini naoglagna mana na, mala tangomana mana te fadogli ghami ghotilo na. Eghuteuna ka glose na mana snakre ghami ghotilo mala filoni nogna khaꞌaghi biꞌo na, mala tangomana ghotilo te nomhini chekegna mana te jifla mei ka khaꞌaghi igne.

Naba 12:8

Tuana site mei fakakhana iara te facheke teu balugna mana grea, eghuteuna kate facheke teu iara balugna mana na, iara theome chekedi cheke te ninhigrana gaoghathodire. Nu iara facheke balugna mana ka cheke te bligi gaoghathodire. Mana la filo ghauhi iara. Ne unha site theome mhaghu ghopa te cheke faparini nogu mae gloku iara gnea?”

Diutronomi 5:22

Aonu mae Moses ne cheke eghu, “Igre unha teke chekedi Lord ka tahati re, kani teke salo fodu tahati ka pesigna thogele ia. Mana neke cheke faheta mei ka tahati ke lamna khaꞌaghi nei khoveo te thono romno fara. Vetula igre kolho teke chekedi mana ka narane tuana, aonu mana neke rioriso nogna chekere ke klignadi phei thina tataba neke tusu phei thina igre ka iara.”