Eksodas 19:18 - Buka Blahi Ka Cheke Holo

¹⁸ Aonu Lord ne soru mei ke lamna khaꞌaghi biꞌo ne phae falithui ke kligna thogele, eghuteuna gagahu biꞌo ne toku thafruni thogele na. Gagahu igne ne haghe kligna ka maloa na jateula gagahugna kaisei khaꞌaghi biꞌo, eghuteuna thogele igne ne nghali thongana.

Eksodas 19:18 ပူးပေါင်းရင်းမြစ်များ

Jajis 5:5

Thogele igre jaola ne nghali tongana ke ulugna Lord, nodi God maedi Israel, mae ihei te fakakhana nogna nolaghi na Thogele Sanai.

Nodi Khoje Hatimare Mae Jiu 144:5

Lord God, tora sagho maloa na mala soru mei. Habo sagho khamemu are ka thogele are mala jifla mei gagahu.

Thakle 15:8

Ke lamnagna Sugablahi na fodu ka gagahu. Gagahu igne ne mei funu ka God, mae ihei te au nolaghi te biꞌo fara nei nafnakno. Eghuteuna theome tangomana kaisei naikno te ruma haghe ka Sugablahi igne ghilei sala'u ari fitu papara teke hata teke mei fitu engel igre.

Eksodas 3:2

Jare engel nogna Lord na ne thakle mei ke lamnagna khaꞌaghi te deudeplu teu ka kaisei gaju ikoi. Eghuteuna Moses ne jaglo nogna fara te filoni khaꞌaghi te deudeplu ka gaju igne, nu theome gnhubra kolho khaklagna re teu igne.

Profet Jeremaea 4:24

Eghuteuna thogelere ne kafe nghali ne kheu tongana, eghuteuna gukhu te gnafare ne jaola ne thugha tafri ne theome au snoto.

Jenesis 19:28

Mae Ebraham ne filo soru ka phei namono biꞌo Sodom ghe Gomora igre nei ka sare te gnafa ka Khoꞌu biꞌo Jordan. Mana ne filoni gagahu na ne haghe ka namono na jateula gagahu khaꞌaghi biꞌo neu.

Nodi Khoje Hatimare Mae Jiu 104:32

Kate filo soru mana kau nauthoglu igne na, glose na ne nghali jateula nakheu neu. Uve, kate habo lao mana ke klignadi thogelere, gagahu na jifla mei jateula khaꞌaghi eghu.

Diutronomi 33:2

“Lord mei funugna Sanai neke mei ka ghotilo. Mana mei ka ghotilo jateula naprai te haghe ka keha phile nohi Idom ra eghu. Eghuteuna siasiglagna na phae funu ka thogele Paran mei posa ka ghotilo. Nabotho thogha engel te mei balugna mana na, eghuteuna mana louloku kaisei khaꞌaghi biꞌo fei khame nhetagna.

Diutronomi 5:22

Aonu mae Moses ne cheke eghu, “Igre unha teke chekedi Lord ka tahati re, kani teke salo fodu tahati ka pesigna thogele ia. Mana neke cheke faheta mei ka tahati ke lamna khaꞌaghi nei khoveo te thono romno fara. Vetula igre kolho teke chekedi mana ka narane tuana, aonu mana neke rioriso nogna chekere ke klignadi phei thina tataba neke tusu phei thina igre ka iara.”

Hibru 12:26

Tifa na ka u narane tuana u nauthoglu gne neke nghali ka naoglagna God. Nu ka narane gognaro gne mana nhaꞌa cheke eghu ka tahati, “Kaisei fata ginauna iara nake fakheuni nauthoglu igne, nei iara ginauna na fakheu nila balugna maloa gne.”

Profet Isaia 6:4

Eghuteuna kate khoje fabiꞌo eghu mare igne, iara ne haimini Sugablahi na ne nghali, eghuteuna iara ne filoni Sugablahi na te fodu ka gagahu.

Jenesis 15:17

Kate pluluhi naprai na tela romnohi na, phei glepo ne thakle mei, kaisei sospen te fodu ka khaꞌaghi te gagahu nei kaisei juta te deudeplu fara eghu ne tei salaꞌu fari hotedi phei thura nafnahi re.

Fapea Pita 3:10

Nu narane mala ke pulo meigna noda Lord na ginauna megei nga mei jateula kaisei mae te mala mei blau te theome laseni tahati narane meigna na ia eghu. Eghuteuna ka narane tuana kaisei naogla biꞌo na mei ka maloa na, eghuteuna maloa na ginauna luvu. Eghuteuna kaisei khaꞌaghi biꞌo ginauna ghamu fateo gobigna lepo te au ke lamnagna maloa na. Nauthoglu igne ginauna jaola dofini baludi gobigna lepo te au ke lamnagna re.

Hibru 12:18

Ghotilo theome jateula naiknodi Israel tifa teke tei ka Thogele Sanai ia eghu. Kaisei fata kate mei namo ka thogele na, mare neke filoni u khaꞌaghi biꞌo na neke dudulu kligna, eghuteuna ka vido te romno fara tuana, nuri blahi na jaola neke ghaghafa mei tagna.

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Matiu 24:7

Naiknogna kaisei namono na ginauna kegra haghe magra ka naiknogna keha namono na. Eghuteuna naiknogna kaisei nohi na ginauna kegra haghe magra ka naiknogna keha nohi na, heva heva kau nauthoglu igne. Namono te kmana ka nauthoglu na igre ginauna nghali tongana ka nakheu biꞌo. Eghuteuna naiknogna nauthoglu igne ginauna theome naba ghedi gano te mala ghamu na.

Profet Sekaraea 14:5

Ghotilo ginau rikha tei salaꞌu ka glogu igne, glogu igne ghilei tei thoke ka namono Asal. Uve, ghotilo ginauna rikha faghose jateula kuꞌemi ghotilo teke rikha ka narane gna King Iusaea, mae ihei teke king gna Juda tifa. Aonu nogu Lord God iara ginauna mei balu nogna engel blahi.

Nodi Khoje Hatimare Mae Jiu 114:7

Kate mei God, mae ihei teke pogho soruni mae Jekop na, u glose na nghali ne jifla mei khoꞌu na ka thina. Uve, kate mei Lord na, khoꞌu na jaola ne jifla mei ka thina maku na.

Nodi Khoje Hatimare Mae Jiu 77:18

Iagho neke eni fila gne mala poha fabiꞌo, eghuteuna iagho neke eni nakafli gne mala khafli ka namono te gnafa ka nauthoglu igne, eghuteuna glose gne na nghali jateula kaisei mae te mhaghura eghu.

Eksodas 20:18

Kate nomhini naiknore te poha fila nei taitanhi khufli nei filoni nakafli nei gagahu te haghe ka thogele na teuna, naiknore ne thono mhaghu nodi fara. Aonu naiknore ne theome lao namo ka thogele na ne khegra neu delei,

Eksodas 19:13

Mare mala fada falehe mae igne ka thina ba ka jata, mala theome tangomana kaisei naikno te habo tagna na. Neubane kaisei naikno ba kaisei buluka te habo ka thogele igne na, mala lehe. Nu ke leghu kate nomhini mare kaisei naogla khufli te taitanhi te raugha na, mare ginauna tangomana te haghe ka thogele igne.”

Fapea Tesalonika 1:7

Eghume te chekeni iara ka ghotilo iheire te au papara fara ra, God ginauna fagnafa ghami ghotilo balumi ghehati kate thakle meigna Lord Jisas funu kligna balu nogna tothoghei engel te nolaghi.

Thakle 9:2

Kate tothora mana glave te mamhara igne, gagahu biꞌo na ne jifla mei ka glave na jateula gagahu khaꞌaghi te biꞌo fara neu. Eghuteuna gagahu te jifla mei ka glave na igne ne toku tafruni naphaegna naprai na ne romno fara maloa na.

Jenesis 11:5

Nu Lord ne soru mei mala filoni namono biꞌo na balugna suga teke babana mare igne.

Eksodas 19:17

Ke leghu, mae Moses batudi naiknore mala tei thafoni God, nu naiknore au neu kolho ka pesigna thogele igne.

Eksodas 34:2

Iagho tarabana hamerane nathuꞌu, mala haghe thafo ghau iara kligna Thogele Sanai.

Diutronomi 5:4

Lord neke cheke fadoglo mei ka tathami ghotilo re ke kligna thogele, eghuteuna chekegna mana igne jifla mei ke lamna khaꞌaghi.

Profet Isaia 64:1

Lord ghehati magnahaghei nigho iagho te tora maloa gne mala soru mei ka nauthoglu igne! Eghuteuna kate mei iagho na, thogele te gnafa igre ginauna filo nigho nei na mhaghu nodi fififri fara ke ulumu iagho.

Diutronomi 4:36

Ka maloa na mana snakre ghami ghotilo mala nomhini naoglagna mana na, mala tangomana mana te fadogli ghami ghotilo na. Eghuteuna ka glose na mana snakre ghami ghotilo mala filoni nogna khaꞌaghi biꞌo na, mala tangomana ghotilo te nomhini chekegna mana te jifla mei ka khaꞌaghi igne.

Nehemaea 9:13

“Iagho neke soru mei funu kligna ka Thogele Sanai neke cheke ka nou naiknore. Eghuteuna iagho neke tusu ranghidi cheke te doglo, nei Vetula te tutuani, nei famane farirhiu te keli.

Nodi Khoje Hatimare Mae Jiu 18:9

Mana tothora maloa na ne soru mei. Eghuteuna kaisei gromno ne au ke paridi phei ghahegnare.

Nodi Khoje Hatimare Mae Jiu 68:9

God, iagho neke snakre meini nakhete biꞌo na mala soru ka nou glose teke diꞌa na mala ke keli fapulo.

Nodi Khoje Hatimare Mae Jiu 77:19

Iagho neke nonolo ke kligna galo, eghuteuna iagho neke kasa farihotei nhorora, nu theo kolho kaisei naikno teke filo nigho na eghu.

Nodi Khoje Hatimare Mae Jiu 114:4

U thogelere neke fififri jateula nanigot te mhaghu nodira neku. Uve, fanukhu neke jateula sipu te chari tafri ra neku naugna neke mhaghu nodi fara.

Profet Habaku 3:6

Kate kegra haghe iagho na, nauthoglu igne nghali. Kate filo iagho ka naiknore, naiknore ginauna suaraghi balu mhaghu. Thogele biꞌo nei gukhu teu teke au funu tifa igre ginauna diha soru pari. Tutuani, God na neke au funu tifa neke au nga gobigna lepo ka nauthoglu igne.