Eksodas 19:13 - Buka Blahi Ka Cheke Holo

¹³ Mare mala fada falehe mae igne ka thina ba ka jata, mala theome tangomana kaisei naikno te habo tagna na. Neubane kaisei naikno ba kaisei buluka te habo ka thogele igne na, mala lehe. Nu ke leghu kate nomhini mare kaisei naogla khufli te taitanhi te raugha na, mare ginauna tangomana te haghe ka thogele igne.”

Eksodas 19:13 ပူးပေါင်းရင်းမြစ်များ

Hibru 12:20

Naugna kate cheke God ranghidi na, mare tirodi nomhini nafnata cheke igne, “Ihei te haboni thogele igne ba kaisei buluka kolho te tapla kau thogele igne na, ghotilo fada falehe ka thina.”

Eksodas 19:19

Eghuteuna naoglagna khufli igne ne taitanhi fabiꞌo fara. Eghuteuna leuleghu fata na mae Moses cheke, eghuteuna God ne cheke tughu ka mana jateula fila biꞌo te poha ra neu.

Eksodas 19:16

Hamerane ka fatilo narane na, mare ne filoni te phae nakafli biꞌo na, eghuteuna fila na ne poha, eghuteuna khoveo biꞌo ne toku tafru thogele igne. Eghuteuna naiknore jaola ne nomhini naoglagna khufli na mala laseni God te mei sighodi nogna naiknore. Eghuteuna iheire te gnafa teke au ka vido igne ne thofno mhaghu nodi fara ne fififri fara.

Ululahu Tesalonika 4:16

Lord thegna ginauna mei funu kligna. Tahati ginauna nomhini kaisei neha biꞌo balu naoglagna kaisei mae funeidi engel nei balu naogla khufli nogna God. Eghuteuna naikno khiloau teke lehe ra ginauna kulu kegra mala thafoni Lord.

Eksodas 19:14

Kate soru mae Moses funugna ka thogele igne, mana ne fablahidi naiknore, mala tangomana mare te pogho soru ka God. Eghuteuna naiknore ne titihi nodi pohere.

Eksodas 19:17

Ke leghu, mae Moses batudi naiknore mala tei thafoni God, nu naiknore au neu kolho ka pesigna thogele igne.

Eksodas 34:3

Theo kaisei naikno te mei balumu iagho. Eghume, theome snakreni kaisei naikno te thakle aheva gna jare ke kligna thogele. Eghuteuna iagho jaola thosei snakreni kaisei sipu ba kaisei nanigot ba kaisei nomi buluka mala nolo tafri ka pesigna thogele igne.”

Jajis 20:37

Ulu lahu na, maedi Israel neke eni kaisei gaoghatho. Gaoghatho igne eghu agne, keha mae ka mare teke poru teke tei lamna namono igre, mare mala gnubra namono igne mala haghe gagahu na kligna. Kate filoni keha tothoghei teke rikha chaghi igne gagahu na, mare figri mala magra ka armigna Benjamin. Aonu, kate theome gnubra nga teu namono igne, armigna Benjamin igne ne aknu falehe tolufulu mae ka armigna Israel. Eghuteuna iagho laseni mare neke eha eghu, “Gognarona tahati uludi mare, jateula teke eni tahati uluia eghu!” Nu, mae teke poru teku igre ghosei ne kegra haghe ne tei lamna namono. Mare tei heva heva lamna ne aknu falehe naiknore eghuteuna gnubra namono igne.