Eksodas 19:11 - Buka Blahi Ka Cheke Holo

¹¹ eghuteuna tarabana mala mei pogho soru ka iara nauriha. Naugna ka narane tuana, iara Lord ginauna soru mei ke kligna Thogele Sanai eghuteuna naiknore ginauna tangomana te filo ghau iara na.

Eksodas 19:11 ပူးပေါင်းရင်းမြစ်များ

Eksodas 19:16

Hamerane ka fatilo narane na, mare ne filoni te phae nakafli biꞌo na, eghuteuna fila na ne poha, eghuteuna khoveo biꞌo ne toku tafru thogele igne. Eghuteuna naiknore jaola ne nomhini naoglagna khufli na mala laseni God te mei sighodi nogna naiknore. Eghuteuna iheire te gnafa teke au ka vido igne ne thofno mhaghu nodi fara ne fififri fara.

Diutronomi 33:2

“Lord mei funugna Sanai neke mei ka ghotilo. Mana mei ka ghotilo jateula naprai te haghe ka keha phile nohi Idom ra eghu. Eghuteuna siasiglagna na phae funu ka thogele Paran mei posa ka ghotilo. Nabotho thogha engel te mei balugna mana na, eghuteuna mana louloku kaisei khaꞌaghi biꞌo fei khame nhetagna.

Eksodas 34:5

Aonu Lord ne soru mei ke lamnagna kaisei khoveo biꞌo, ne kegra jare balugna Moses. Eghuteuna Lord ne kiloni nanghagna thegna na, Lord.

Jone 6:38

Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Jone 3:13

Theo kaisei naikno tela tei thokehi kligna na, te mala lasedi unha glepo te edi kligna re. Kaisei iara mae teke mei funu ka God na ngala te lasedi te tangomana te chekedire unha te edi kligna re.

Nodi Khoje Hatimare Mae Jiu 144:5

Lord God, tora sagho maloa na mala soru mei. Habo sagho khamemu are ka thogele are mala jifla mei gagahu.

Nodi Khoje Hatimare Mae Jiu 18:9

Mana tothora maloa na ne soru mei. Eghuteuna kaisei gromno ne au ke paridi phei ghahegnare.

Naba 11:17

Iara ginauna soru mala cheke balumu iagho jare. Eghuteuna iara ginauna atha keha nolaghi gna nogu Tharunga te Blahi ka iagho ra, mala ke tufa lao ka mare. Mala tangomana mare te togho nigho mala reireghidi naiknore, mala nu theome nanga nou iagho eghu.

Eksodas 19:20

Eghuteuna kate soru mei Lord ke kligna Thogele Sanai igne, mana ne ehani mae Moses mala haghe ka thogele igne. Aonu, mae Moses ne haghe,

Eksodas 19:18

Aonu Lord ne soru mei ke lamna khaꞌaghi biꞌo ne phae falithui ke kligna thogele, eghuteuna gagahu biꞌo ne toku thafruni thogele na. Gagahu igne ne haghe kligna ka maloa na jateula gagahugna kaisei khaꞌaghi biꞌo, eghuteuna thogele igne ne nghali thongana.

Eksodas 3:8

Eghume iara na soru mala fakarhidi ka nodi nolaghi naiknodi Ijep eghuteuna batu fajifladi ka namono igne. Iara ginauna athadi tei ka kaisei namono te krepa nei keli eghu, eghuteuna glosegna na thono keli fara, eghuteuna leuleghu fata na au kmana gano fara. Namono igne gognarona, vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus eghu te au teu tagna na.

Jenesis 11:5

Nu Lord ne soru mei mala filoni namono biꞌo na balugna suga teke babana mare igne.

Eksodas 34:2

Iagho tarabana hamerane nathuꞌu, mala haghe thafo ghau iara kligna Thogele Sanai.

Josua 3:5

Mae Josua ne cheke eghu ka naiknore, “Ghotilo mala kulu fagae ghami themi ka tathagna Lord, naugna nathuꞌu na, mana ginauna eni kaisei kofubobhoi farihoteida tahati.”

Nehemaea 9:13

“Iagho neke soru mei funu kligna ka Thogele Sanai neke cheke ka nou naiknore. Eghuteuna iagho neke tusu ranghidi cheke te doglo, nei Vetula te tutuani, nei famane farirhiu te keli.

Eksodas 24:16

Ka vido tuana naiknore ne filoni nogna nolaghi biꞌo God na ne soru mei jateula khaꞌaghi biꞌo neu ke kligna thogele. Thogele na ne thafru ka khoveo nabagna namno narane. Eghuteuna ka fafitu narane na, Lord haghe ka thogele na au neu ka khoveo na ne eha laoni mae Moses.

Diutronomi 4:10

Thosei ghatho ihoni narane teke mei kegra kuꞌemi ghotilo ka Thogele Sanai teke kegra ke ulugna Lord nomi God. Ka narane tuana, mana neke cheke eghu ka iara, ‘Chekedi naikno ra mala kafe mei rhegu iara agne. Iara magnahaghedi mare te mala nomhidi gobigna lepo nate chekedi iara ka mare. Ka puhi igne, mare tangomana te ghatho tahu ghau iara fabrahu ka nakarhadi re, eghuteuna mare tangomana nate farirhiudi thudi re mala ghatho tahu ghaula iara.’