Eksodas 18:4 - Buka Blahi Ka Cheke Holo

⁴ Eghuteuna ke leghugna igne, mae Moses neke cheke eghu, “Nogna God mae kmagu iara neke togho ghau iara neke fakarhi ghau iara ka mae king gna Ijep na.” Aonu mana ne kiloni fapea mae thugna na, mae Eliesa. Gaoghathogna Eliesa teu igne “God neke togho ghau iara.”

Eksodas 18:4 ပူးပေါင်းရင်းမြစ်များ

Hibru 13:6

Eghume tahati jaola cheke eghu ka nagnafa te nheta, “Iara ginauna theome mhaghu naugna Lord na nogu thotogho iara. Neuba naiknore na eni kaisei glepo te diꞌa ba falehe ghau iara, iara ginauna theome tangomana te figri tagruni God na.”

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Mae Khuru 12:11

Ka vido tuana mae Pita neke snagla gaoghathogna na, ne cheke eghu, “Tutuani fara, aola thofno laseni nga iara te snakre meini God nogna engel na te mala fakarhi ghau ka khamegna mae King Herod na, nei ka gobigna lepo teke mala eni ranghi ghau iara teku mae Jiura.”

Profet Daniel 6:22

Uve king, nogu God iara na neke kuru meini nogna engel na neke fofotho foflodi lion igre mala theome ghamu ghau iara, naugna iara neke theome eni kaisei najafra ka tathagna mana na. Eghuteuna iara jaola neke theome eni kaisei puhi te diꞌa ranghi nigho iagho.”

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Nodi Khoje Hatimare Mae Jiu 34:4

Iara neke toreni Lord mala togho ghau, eghuteuna mana ne nomhi ghau iara ne cheke tughuni nogu tharai iara na. Mana ne atha fadeleidi ne gnafa namhagu teke au teku ka thi'agu iara na.

Nodi Khoje Hatimare Mae Jiu 18:48

Iagho neke hata fapulo ghau iara ka khamedi nogu naokare. Tutuani fara, God, iagho neke fafnakno ghau iara ka tathadi nogu naokare. Iagho neke togho ghau iara neke theome tangomana naiknore te magra falehe ghau iara na.

Nodi Khoje Hatimare Mae Jiu 18:1

God, iara namha nigho fara. Iagho ngala nogu nolaghi iara na.

Ululahu Kronikols 23:15

Nanghadi phei thugna mae Moses re, mae Gesom ghe mae Eliesa.

Eksodas 2:15

Kate nomhini king eigna igne, mana fariuriu mala aknu faleheni mae Moses, nu mae Moses rikha ne tei ka nohi Midian. Kaisei fata, kate gnokro teu Moses rhegna kaisei seu na,

Mae Khuru 7:29

Kate nomhini mae Moses igne, mana ne rikha Ijep ne tei ne au ka namono Midian. Aonu, mana ne tolaghi jare ne au phei thugna nalhaꞌu.

Jenesis 49:25

Mana na tusu ranghi nigho iagho glepo te keli funu kligna nei funu pari ke lamna thongna nei tusu ranghi nigho kmana vike eghu.

Eksodas 2:22

Ke leghu, Sipora ne karha kaisei thugna nalhaꞌu, eghuteuna mae Moses ne ghaoghatho eghu, “Iara kaisei mae phosa ka namono igne. Eghume, iara kiloni mae sitei igne Gesom. Gaoghathogna nangha igne, ‘Mae phosa.’ ”

Eksodas 4:20

Aonu Moses atha khetogna na nei phei thugnare ne fasaghedi ka nogna dongki na neke figri Ijep. Eghuteuna mana jaola ne atha nogna khodo teke cheke God mala atha mana tekuna.

Ululahu Kronikols 23:17

Mae Eliesa neke au kaisei thugna kolho, nanghagna na mae Rehabaea, mae ihei te lida ka vikegna mae Eliesa. Nu mae Rehabaea neke au kmana thugna.

Eksodas 10:28

Mae king ne cheke eghu ka mae Moses, “Ghema, jifla tei au delei! Iara theome magnahaghei teke filo nigho agne na. Jame teke pulo mei iagho agne na, iara ginau na falehe nigho!”