Eksodas 18:21 - Buka Blahi Ka Cheke Holo

²¹ Jaola, iagho vavahi keha famane mae funei te lalase mae iheire te ghatho tahuni God nei mae iheire te tutuani nodi cheke re nei mae iheire te theome tusu lao sileni ka naiknore te mala eni u puhi te diꞌa na eghu. Mae igre keha mala batuni kaisei thogha naikno, keha mala batuni kaisei gobi, keha mala batuni glima fului nei keha mala batuni nabothoi eghu.

Eksodas 18:21 ပူးပေါင်းရင်းမြစ်များ

Mae Khuru 6:3

Eghume te keli na kheraguro, ghotilo vahidi fitu mae ka themi malagna gloku igne. Ka mae iheire te keli, lalase nei mae Tharunga te Blahi na au baludi.

Profet Esikiel 18:8

Mana theome tangomana te snakreni te tufa sileni ka keha mae na te mala hata intres biꞌo mana tagna na. Leuleghu fata na mana theome magnahaghei te eni kaisei glepo te diꞌa na. Mana tangomana te fate ka puhi te doglo na.

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Ululahu Timoti 3:3

Mana theome nafnata naikno te koꞌu fara are, ba te magnahaghei magra koba, ba te magnahaghei sileni fara. Nu mana mae mala au faleghu nei au kmu.

Profet Sekaraea 8:16

“Nu igne unha te mala eni ghotilo na: Ghotilo mala cheke tutuani fabrahu ka keha naiknore. Kate fatedi ghotilo naiknore ka kot, ghotilo mala fate ka puhi te doglo nei mala au fakeli mare.

Profet Sekaraea 7:9

“Leuleghu fata na iara Lord cheke eghu koba ka nogu naiknore: ‘Ghotilo mala fatedi naiknore ka puhi te doglo, eghuteuna ghotilo mala keli ranghidi nei kokhonidi eghu keha naiknore.

Profet Esikiel 22:12

Ka namono igne, keha ka ghotilo hata sileni ka mae iheire te magnahaghei aknu falehe naikno. Eghuteuna ghotilo hata intres biꞌo ka kaoni teke tusu lao ghotilo ka kherami are, eghume ghotilo thofno dedei fara naugna ghotilo chaghidi kolho naiknore. Ghotilo la ghatho iho ghau iarahi. Igne nogu cheke iara Lord God.

Profet Jeremaea 5:1

Lord ne cheke eghu, “Ghotilo chari tafri ka nabrou biꞌo nei ka glalaba te gnafa ka namono biꞌo Jerusalem. Jame te filoni ghotilo kaisei mae te lase cheke tutuani nei eni unha puhi te doglo teuna, iara ginauna atha fadelei nakhibomi ghotilore.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Proveb 28:2

Kate magra farithedi naikno gna kaisei kantri, ginauna au kmana mae biꞌo, nu mae te autagna gaoghatho te keli nei lalase teuna ngala te mae biꞌo kantri na, mana ginauna eni kantri igne mala kegra heta.

Nodi Khoje Hatimare Mae Jiu 15:5

Mana mala toghoni ihei te theo nogna sileni na, nu mana theome mala ke tore fapuloni unha teke toghoni kheragna na. Eghuteuna mana theome tangomana te hata sileni ka ihei nga te mala cheke fadiꞌani ihei te doglo teu kolho na. Ihei te edi koba glepo igne na, mana ginau kegra heta fabrahu.

Thoutonu Eigna Mae Job 31:13

“Jame kaisei nogu mae gloku iara ba kaisei nogu gaꞌase gloku iara khuru cheke ka iara, aonu iara fanomho fabrahu kolho tagna, eghuteuna iara fadoglini glepo igne.

Thoutonu Eigna Mae Job 29:16

Ka narane tuana, iara neke reireghi fakelidi naikno te kuma jateula kmadi eghu mare, eghuteuna kate thoke mei puhi biꞌo ka naikno phosa, iara mala cheke ranghidi ka fate.

Nehemaea 7:2

Eghuteuna iara vahini mae thabusigu Hanani, balugna mae Hananaea mae ihei te komanda ka vido te keli te mala poru ka namono igne, mala fiofiloni phiamare namono Jerusalem. Iara vahini mae Hananaea gne naugna naiknore tangomana te ronuni mana na, eghuteuna mana jaola thofno ghatho tahuni God, salaꞌudi keha kmana naiknore.

Nehemaea 5:9

Aonu iara ne cheke eghu, “Unha te eni ghotilo igne theome doglo! Te keli na ghotilo jame ghatho tahuni God, eghuteuna leghuni mana mala theome famamaja ghita naikno bongihehe te naoka ka tahati igre.

Ululahu Samuel 8:3

Nu phiamare theome leghuni puhigna mae kmadi na. Phiamare magnahaghei te hata seleni kolho. Eghume bligi ranghini ihei te famaemahedi phiamare te mala fate ka puhi te theome doglo na.

Eksodas 18:25

ne vavahi keha famane mae funei te lalase ka vike te gnafa hatimare mae Israel gre ne lilisei mae te mala batudi tothoghei nabothoi, glima fului, kaisei gobi nei kaisei thogha.

Jenesis 22:12

Engel na ne cheke eghu, “Thosei faleheni mae thumu na, ba eni kaisei glepo ka mana. Iagho kaisei mae thumu kolho, eghuteuna iagho neke theome lhotini mae thumu na ka God. Thono theo fara. Iagho neke tarabana neke snakreni ka God. Eghume gognaro na iara lase nigho iagho kaisei mae te ghatho branani God.”

Mae Khuru 20:33

Tutuani, kate au balumi ghotilo na, iara neke theome mamagnani nogna sileni ba nogna pohe ihei na.

Profet Isaia 59:4

Theo kaisei ka ghotilo te fate naikno ka puhi te doglo na. Kate tei ka fate na, ghotilo edi thua nafnata cheke chaichaghi fateote'o. Leuleghu fata na, ghotilo leghudi kolho nomi gaoghatho themi te mala goigonidi keha naiknore.

Profet Isaia 33:15

Ihei te eni puhi te doglo na, eghuteuna chekeni koba unha te tutuani na, nei ihei te tirogna huhurudi naiknore mala hata seleni tadi ka puhi te theome keli, ba theome snakredi keha naiknore mala cheke famaemahe mala hata seleni, nei tirogna gnokro baludi naikno te rogheni puhi te mala falehe poruni naikno na teuna. Mae igne ngala te theome ghathoni te mala edi nafnata puhi te diꞌa re.

Jenesis 42:18

Ka fatilo narane na mae Josep ne cheke eghu ka mare, “Iara kaisei mae mala mhaghuni God. Jame te leghudi ghotilo nogu cheke iara igre na, ghotilo ginauna na theome lehe.

Luku 18:4

“Nu mae fate igne ne tirogna toghoni naikno biꞌo na. Leghu lahu na, mae fate igne ne cheke eghu ka gaoghathogna thegna na, ‘Tore, iara babaꞌo nogu fara ka unha te chekeni koba naikno biꞌo igne. Nu neuba ngau iara ne theome ghatho tahuni God nei theome ghatho tahudi naiknore neu,

Luku 18:2

Mae Jisas ne cheke eghu, “Kaisei fata, kaisei mae fate au jare ka kaisei namono. Mae igne theome ghatho tahuni God, nei theome nanga dila naiknore eghu.

Profet Isaia 16:5

Aonu ka narane igne, kaisei mae king majaghani ginauna karha mei ka vikegna mae King Devet. Mana ginauna ghatho tahudi fabrahu nogna naiknore, eghuteuna naiknore ginauna fatutuani ni mana. Mana ginauna ghosei eni glepo te keli na, eghuteuna mana na fatedi naiknore ka puhi te doglo.

Ululahu Kings 18:12

Iara theome laseni aheva Tharunga gna Lord nate hata nigho te tei kate jifla koko nigho iara na. Jame te tei cheke iara ka King Ehab, eghuteuna theome filo nigho mana teuna, mana ginauna falehe ghau iara. Neuba, iara ghatho tahuni nei pogho soruni eghu koba Lord funu suagu.

Ululahu Kings 18:3

King Ehab ne kiloni mae Obadaea mala tei filoni mana. Mae Obadaea gne kaisei mae biꞌo te loku ka sugagna king. Eghuteuna mana mae mala tarai nei ghatho tahuni Lord.

Ululahu Samuel 8:12

Mana ginauna vavahi keha mae mala komanda ka kaisei thogha soldia, eghuteuna kehare mala komanda ka glimafulu soldia. Thumi ghotilore ginauna mala loku ka nagare manare, eghuteuna kehare ginauna mala tei hata gano ka nagare igre. Mare ginauna loku ka glepo mala magra baludi glepodi nogna chariot mana re.

Josua 22:14

Nabotho lida ka vikedi mare te au ke mosu Khoꞌu biꞌo Jordan te tei baludi mare na. Mae igre te phaꞌu mae ka vikedi mare igre.

Naba 10:4

Nu jame te ifu kolho mare kaisei na, ghotilo mae funei ka vikemi ghotilo ra kolho te ginau mei khapru ka namono te au teu iagho tagna na.

Jenesis 47:6

Eghume iagho na filoni kaisei vido te thofno keli fara uludi keha vido ka vido te gnafa ke lamnagna namono Ijep. Iagho chekedi mare mala au soru mare agne Gosen, tuana keli kolho. Eghuteuna jame glahu te lasedi iagho keha mae te lase reireghi buluka na, iara magnahaghei nigho iagho te chekedi mare mala reireghidi nogu buluka iara ra.”

Naba 1:4

Eghuteuna ghopa hata kaisei mae lida ka kokholo te gnafa ka nabotho phei vikemi ghotilo are mala togho ghami ghotilo.

Naba 1:16

Igre nabotho phei mae lida teke vahidi Lord te mala eni mare gloku igne. Mae igre mala lida ka nabotho phei vikegna Israel, nei mae funei biꞌo ka vikedi mare igre.

Diutronomi 22:18

Eghume mae lida gna namono na mala puphuri mae igne.

Esra 7:25

“Iagho ghema Esra, loku ka famane gaoghatho te keli teke tusu ranghi nigho nou God na mala vavahi mae funei nei mae mala fate mala tangomana mare te fate ka puhi te doglo. Naikno te au ka provins ke mosu Khoꞌu biꞌo Iufretis igre mare leghudi nogna Vetula nou God iagho na. Eghuteuna jame ihei te theome lasedi Vetula igre na, te keli na, iagho mala farirhiudi.

Thoutonu Eigna Mae Job 1:1

Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.

Nodi Khoje Hatimare Mae Jiu 15:1

God, ihei gne te nabagna te mala ruma ka sugamu iagho na? Ihei gne te nabagna te mala tufru soru nigho Saion ka nou thogele te blahi na?

Eksodas 17:9

Aonu mae Moses ne cheke eghu ka mae Josua, “Iagho na vavahi keha mae ka mae tahati igre mala jifla nathuꞌu mala tei magra ka hatimare mae Amalek. Nu iara ginau na kegra ka thogele ikoi igne balugu khodo mala atha iara teku God igne.”

Fapea Samuel 18:1

Mae Devet ne kilo meidi nogna mae soldiare. Mana ne tufa ka tothoghei, kehare kaisei thogha soldia, eghuteuna kehare kaisei gobi soldia. Eghuteuna mana vavahi mae komanda mala batudi tothoghei soldia igre.