Eksodas 18:14 - Buka Blahi Ka Cheke Holo

¹⁴ Mae Jetro ne filoni unha te eni mae Moses te mala toghodi naiknore igne ne cheke eghu ka mana, “Mae biꞌo, iagho edi kmana gloku fara te mala toghodi naikno igre. Naugna unha sagho te eni sopa kolho themu u gloku ignea? Naugna unha sagho te snakredi naikno gre te mei khapru faligoho nigho iagho funu hamerane te ghilei rafi gnea?”

Eksodas 18:14 ပူးပေါင်းရင်းမြစ်များ

Eksodas 18:13

Ka keha narane ke leghugna te fafara tuana, mae Moses ne gnokro ka vido te mala fadodoglo puhi na ne fanomho ka naiknore, eghuteuna naiknore ne mei khapru faligohoni mae Moses funu hamerane ne ghilei rafi.

Eksodas 18:15

Mae Moses ne cheke eghu ka mana, “Iara eni igne naugna naikno gre magnahaghei te laseni unha God te magnahaghei eni mare na.

Eksodas 18:26

Eghuteuna leuleghu fata na mae igreu ngala te mala athagna u kot na. Mareu te mala fadoglidi puhi fapholai te bligi re, nu atha lao ka mae Moses puhi fapholai te biꞌo re mala fadoglidi mana.

Naba 15:34

Mare ne lolhokuni mana, naugna mare theome laseni unha te ginau eni mare ka mana na.

Jajis 1:16

Vikegna nanghogna naꞌa Moses te vikegna Kein igne, mare ne tei baludi vikegna mae Juda. Mare ne kafe jifla ka namono Jeriko te kiloi namono thubo igne, eghuteuna mare ne tei ne au ke mata namono nagou rhegna namono Arad baludi naiknodi jare re.

Fapea Samuel 15:2

Leuleghu narane na, mana kegra haghe hamerane boibongi tei kegra rhegna grengathagna namono biꞌo na. Kate filoni ihei te magnahaghei te tei filoni king te mala fadoglidi puhignare teuna, mae Absalom ne ghusna eghu ka naikno igne, “Iagho maemu ka namono aheva?” Eghuteuna ihei te chekeni ne maegna Israel teuna?