Eksodas 18:12 - Buka Blahi Ka Cheke Holo

¹² Aonu mae Jetro ne fafara ka God glepo tautagu te thofno krono fara. Mana ne jaola ne eni keha fafara na ka God. Eghuteuna mae Eron nei hatimare mae biꞌodi Israel gre ne mei ima balugna mae Jetro ke ulugna God.

Eksodas 18:12 ပူးပေါင်းရင်းမြစ်များ

Diutronomi 12:7

Ka vido blahi tuana, ghotilo baludi tharaknami re tangomana te mei ke ulugna Lord nomi God. Jare ghotilo tangomana te ghamu gano te keli mala glealeꞌa ka gobigna lepore, naugna mana neke fablahidi nomi gloku ghotilo re.

Jenesis 31:54

Mana ne falelehe sipu ne fafara ka God ka thogele igne. Aonu mana ne kilo meidi vikegna re ne ghamu fodu u nafnahi teke fafara mana ka God na. Ke leghugna ghamu te gnafa na, mare ne thuru jare ka thogele na u bongi tuana.

Eksodas 24:11

Tutuani fara, mare neke thofno filoni tathagna God, nu mana neke theome goigonidi mare. Thono theo fara. Aonu mare ne ima fodu ka vido igne.

Eksodas 24:5

Gnafa teuna mae Moses ne kurudi keha mae majaghani mala tei fafara ka Lord. Mare jaola ne fafara keha buluka mala au ka pharikeli balugna God.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Ululahu Korin 10:21

Theome naba ghotilo te koꞌu ka nogna hinao Lord na nei jaola koꞌu ka nogna hinao naitu na. Eghuteuna ghotilo theome naba la te ima ka nogna tevo Lord na nei jaola ima ka nogna tevo naitu na.

Ululahu Korin 10:18

Ghatho laodi naiknodi Israel ra. Kate imani mare unha teke fafara ka God ka olta na, mare kaisei ngala balugna God.

Luku 14:15

Kaisei mae ka hatimare mae te ghamu balugna mae Jisas igre nomhini unha te chekeni mae Jisas igne ne cheke eghu, “Keli tagna fara mae ihei nate gnokro te ghamu kau nogna nauthoglu majaghani God na.”

Luku 14:1

Kaisei narane Sabat, mae Jisas ne tei ima ka sugagna kaisei mae biꞌodi hatimare mae Farasi. Naiknore ne fifilo fara ka mae Jisas mala filoni unha nate eni mana na.

Profet Daniel 10:3

Iara theome ghamu kaisei gano te keli, ba ghamu kaisei nafnahi, ba koꞌu kaisei waen. Eghuteuna iara jaola theome ghiha oel ka thinigu na mala famane siri keligu.

Thoutonu Eigna Mae Job 42:11

Aonu thabusigna te gnafa, greghagna te gnafa, nei iheire te gnafa teke laseni mana tifa igre mei ne sighoni mana. Eghuteuna mare ne eni kaisei gaghamu biꞌo ka sugagna mana na. Mare kokhoni nognani ne fameomegoni mala ke rheta fapulo mana gaoghathogna na eidi puhi biꞌo teke eni Lord teke thokeni mana. Eghuteuna mare te gnafa na ne kafe tusu lao kaisei silva sileni nei kaisei ring gol eghu ka mana.

Thoutonu Eigna Mae Job 42:8

Eghume ghotilo na hata tei fitu buluka nalhaꞌudi nei fitu sipu nalhaꞌudi, eghu tei ka mae Job. Eghuteuna ghotilo falelehe glepo igre mala fafara te thofno krono fara. Eghuteuna mae Job nogu mae gloku iara igne ginauna tarai mei ka iara eimi ghotilo. Eghuteuna iara ginauna nomhidi nogna tharai mana re. Neuba ghotilo ne jafrahi, nu iara ginauna na theome para ghami ghotilo. Ghotilo theome cheke fadoglo eigu iara jateula mae Job eghu.”

Thoutonu Eigna Mae Job 1:5

Hamerane boibongi ke leghudi gaghamu igre, mae Job ne gahu fafara mala klino ka tathagna God na maladi mae thugna re. Leuleghu fata na, mana eni koba igne naugna te ghathoni mana na, na glahu kaisei ka mare tapla jafra ka nakhibo ranghini God ba cheke faparini mana ka nagnafadi re.

Fapea Kronikols 30:22

Eghuteuna Hesekaea ne kelitagna fara ka mae pris nei ka mae Livaet teu gre eigna nodi gloku mare na, naugna laseni fara puhi te mala batudi naiknore te mala tufru soruni Lord. Ka fitu narane igre, mae pris nei mae Livaet teu gre mare cheke fakelini Lord nodi God kuꞌedi tifa ra, eghuteuna mare ghamu gano teke fafara mare ra mala au ka pharikeli balugna Lord.

Fapea Samuel 9:7

Aonu mae Devet ne cheke eghu ka mana, “Iagho thosei mhaghu. Iara magnahaghei te togho nigho iagho, naugna mae kmamu iagho mae Jonatan ia neke mae kheragu keli iara. Nogna vido glose te gnafa mae kuꞌemu iagho mae king Sol ra, iara ginauna nake tusu fapulo ka iagho, eghuteuna iara magnahaghei nigho iagho te mei ima balugu iara koba ka nogu tevo iara igne.”

Diutronomi 27:7

Jaola ghotilo edi fafara igre mala laseni te ghotilo au fakeli balugna Lord. Eghuteuna kate ghamu ghotilo fafara igne ke ulugna Lord na, ghotilo ginauna tangomana te thofno glealeꞌa fara tagna.

Eksodas 2:20

Kmadi na ne ghusna eghu, “Ahevau mana na? Naugna unha ne theome kilo meini si ghotilo ia mala ima baluda tahati? Cheke meini!”

Jenesis 43:25

Kate nomhini mare mae Josep gne nate mei ima naublatha baludi na, mare ne tarabana nodi namha re mala tusu lao ka mana.

Jenesis 26:25

Aonu mae Isak ne titili ka thina kaisei olta ka vido igne ne cheke fakelini nanghagna Lord na jare. Gnafa teuna mana ne hohoro haghe kaisei nogna suga tapuale ka vido tuana eghuteuna nogna mae gloku mana re ne dokha kaisei khoꞌu seu jare.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Jenesis 8:20

Aonu mae Noa ne hohoro kaisei olta mala tarai ka Lord. Eghuteuna mana ne atha keha nafnata glepo te tautagu nei keha nafnata nanghaji teu te naba mala ghamu re, aonu mana ne falelehe ne gahu ne fafara ke ulugna Lord.

Jenesis 4:4

Mae Abel jaola ne hata ne mei keha famane sipu te karha majaghani. Mae Abel falelehe sipu igre ne fafara vido nafnahi te keli fara ka Lord. Lord ne ghatho tahuni nogna fafara mae Abel na.

Eksodas 2:16

fitu gaꞌase ne mei ka vido igne. Gaꞌase igre thugna mae Jetro kaisei mae pris gna Midian. Gaꞌase igre mei balu nogna sipu nei nanigot eghu Jetro mae kmadi na mala fakoꞌudi.

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Eksodas 18:13

Ka keha narane ke leghugna te fafara tuana, mae Moses ne gnokro ka vido te mala fadodoglo puhi na ne fanomho ka naiknore, eghuteuna naiknore ne mei khapru faligohoni mae Moses funu hamerane ne ghilei rafi.

Eksodas 20:24

“Ghotilo atha keha glose mala hohoro nogu olta iara. Eghuteuna ka olta igne ghotilo mala fafara sipu, nanigot nei buluka eghu ka vido aheva teke vahini iara ranghi ghami ghotilo te mala pogho soru ranghi ghau na. Jame te eni ghotilo igne ka vido aheva teke vahini iara te mala pogho soru ranghi ghau na, iara ginau na soru mei mala fablahi ghami ghotilo.

Eksodas 33:7

Leuleghu fata na naiknodi Israel igre fakegra haghe nodi suga tapuale re ka kaisei vido, Moses atha kaisei suga tapuale neke fakegra haghe delei katha ka nodi vido naiknore. Mana kiloni suga tapuale igne, “Suga tapuale ikoi mala thafoni God,” eghuteuna ihei te magnahaghei hironi gaoghathogna Lord na, mana tei ka suga tapuale igne.

Naba 10:29

Kaisei narane mae Moses ne cheke ka mae Hobab thugna mae Ruel. Mae Ruel gne mae gna Midian, eghuteuna mae Ruel gne nanghogna mae Moses. Moses ne cheke eghu ka mae Hobab, “Ghehati ginauna tei ka vido te keli teke nhaꞌa chekeni Lord mala tufa ka ghehati teku gne. Eghume keli fara jame te mei iagho balumi ghehati na. Jame te mei iagho na, ghehati ginauna reireghi nigho iagho.”

Jenesis 26:30

Eghume mae Isak ne eni kaisei gaghamu biꞌo ranghidi thilo mare, eghuteuna mare ne kafe ghamu nei koꞌu neu fodu.