Eksodas 18:11 - Buka Blahi Ka Cheke Holo

¹¹ Gognaro na iara thofno laseni Lord na thono uludi fara keha god te pogho sorudi keha naikno re, naugna Mana ne reireghi fakeli ghami ghotilo ka narane te fakokhoana ghami ghotilo mae Ijep ra.”

Eksodas 18:11 ပူးပေါင်းရင်းမြစ်များ

Nodi Khoje Hatimare Mae Jiu 95:3

Naugna Lord na thono nolaghi fara. Uve, mana King mae ihei te au nolaghi ke klignadi god fateote'o.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Fapea Kronikols 2:5

“Iara ghaoghatho mala horo kaisei famane Sugablahi biꞌo malagna mana, naugna nomi God ghehati maemi Israel igne haghe fara salaꞌudi keha god are.

Luku 1:51

Ka nogna nolaghi na, mana ne edi glepo te biꞌo re. Mana ne nhaꞌa faparidi naikno te fahaehaghe kau gaoghathodire.

Nodi Khoje Hatimare Mae Jiu 135:5

Iara laseni eigna Lord te fnakno kligna lahu na. Uve, noda mae funei tahati na fnakno fara kligna lahu ke uludi keha god te chaichaghi are.

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Nodi Khoje Hatimare Mae Jiu 97:9

Lord God, iagho King frunidi naikno te gnafa ka nauthoglu igne, eghuteuna iagho thofno fnakno fara ke uludi keha god re.

Ululahu Kronikols 16:25

God na fnakno kligna lahu. Uve, tahati pala hagheni nanghagna mana na. Mana haghe fara tulao salaꞌudi keha god are. Tahati mala ghatho tahuni mana kolho.

Nodi Khoje Hatimare Mae Jiu 119:21

Diꞌatamu sagho ka naikno te thonu fahaehaghedi fara are, nei paradi iheire te theome leghudi teu nou cheke iaghore are.

Nehemaea 9:10

Iagho neke edi fagaglana nei kofubobhoi biꞌo neke jaglo nodi naiknore. Ka puhi igne iagho neke tapla faparini king gna Ijep, baludi nogna mae biꞌo nei keha naikno gna kantri tuana. Naugna iagho lasedi naikno igre fahaehaghe fara, eghuteuna mare paradi fara nou naikno iagho re. Ka puhi igne, iagho fakakhana nou nolaghi na ka mare. Eghuteuna nanghamu iagho na fnakno klignalahu ghilei mei posa gognarogne.

Fapea Kings 5:15

Mae Naman baludi nogna mae gloku re neke figri ka mae nogna profet God. Mae Naman tei ne kegra ke ulugna mana ne cheke eghu, “Tutuani fara, gognarona iara laseni, nomi God ghotilo maemi Israel kolho te tutuani na. Eghume, iara magnahaghei nigho iagho te hata namha ikoi igne.”

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”

Nodi Khoje Hatimare Mae Jiu 31:23

Ghotilo naikno te fatutuani ni Lord ra, ghotilo namhani mana. Mana tangomana te reireghi fakelidi iheire te ghatho foboni mana re. Nu mana tangomana te thono paradi fara iheire te fahaehaghe fara re.

Nehemaea 9:29

“Iagho neke cheke faheta ka mare mala leghudi mare nou cheke iaghore, nu mare fahaehaghe fara nei theome leghudi eghu nou cheke iagho re. Jame ihei te leghudi nou vetula iagho re, mana tangomana te hatini u nakarha te keli na. Nu neuba ngau, mare patugama fara, eghuteuna mare figri tagruni vetula igne, eghuteuna mare tirodi fanomho nei leghu nigho eghu.

Nehemaea 9:16

“Nu kuꞌemi ghehati tifa ra neke fahaehaghe fara nei patugama fara neku, eghuteuna mare theome leghudi nou cheke iagho re.

Ululahu Kings 17:24

Aonu naikno biꞌo igne ne cheke eghu ka mae Elija, “Tutuani fara, iara gognaro na lase nigho iagho kaisei nogna mae gloku God. Eghuteuna unha te chekeni iagho na thofno mei funugna ka Lord!”

Ululahu Samuel 2:3

“Ghotilo iheire te cheke fahaehaghe ra, ghotilo koko puhi tuare, ghotilo mala au kmu. Lord na kaisei God mae ihei te lasedi gobigna lepo fateote'o, eghuteuna mana fatedi puhidi naiknore.

Eksodas 14:8

Lord ne famamhaku nagnafagna mae king na mala tei mare ke leghudi mae Israel gre. Neuba, hatimare mae Israel tirodi mhaghu kolho, nu mare ne gleale'a ne tei nodi kolho.

Eksodas 12:12

“Ka bongi igne iara ginau na tei ka vido te gnafa Ijep igre mala falelehe goro mae sua nalhaꞌu teke kulu karha ka mae Ijep gre, nei nodi sua dongki, hose, kamel, buluka, sipu nei nanigot teu mare teke kulu karha are eghu. Iara ngala Lord na, iara ginau na paradi fara nodi mumuju god te pogho sorudi maedi Ijep are.

Eksodas 10:3

Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.

Eksodas 5:7

“Gognarona ghotilo thosei snakre lao buburu moja mala eꞌei brik ka naiknore. Ghotilo mala huhurudi mare mala tei hirodi thedi buburu moja igre.

Eksodas 5:2

Nu king igne ne cheke eghu, “Ihei Lord na mala leghuni iara mana? Iara theome laseni mana, eghume iara ginauna theome tangomana nate snakre ghami te tei ghotilo na!”

Eksodas 1:22

Aonu king ne cheke faheta ka nogna naiknore, ne cheke eghu, “Jame kaisei gaꞌase Hibru karha kaisei thugna nalhaꞌu, ghotilo koko lao sua tuana ka Khoꞌu biꞌo Nael mala lehe, nu snakredi sua gaꞌase te gnafa re mala karhau.”

Eksodas 1:16

Mana ne cheke eghu ka repa, “Gognarona, kate toghodi ghopa gaꞌasedi Hibru igre kate karha sua na, iara magnahaghei ghami ghopa kate fifilo ghopa te sua nalhaꞌu na, ghopa falelehe, eghuteuna kate filo ghopa te sua gaꞌase na, tuana te mala karha.”

Eksodas 1:10

Tahati na hironi kaisei puhi mala fakhusudi mare, glahu goigoni ghita mare. Jame te eghu tahati na, kate thoke mei magra na, mare ginauna loku fodu baludi noda naoka tahati gre mala magra ka tahati eghuteuna mare ginauna ulu ghita, eghuteuna mare ginauna nake khotogna noda namono tahati igne.”

Naba 33:4

Ka narane tuana, naiknodi Ijep gre ne giugilu mae thudi nalhaꞌu teke kulu karha teke falehe Lord mala paradi nodi god naiknodi Ijep ia.