Eksodas 17:9 - Buka Blahi Ka Cheke Holo

⁹ Aonu mae Moses ne cheke eghu ka mae Josua, “Iagho na vavahi keha mae ka mae tahati igre mala jifla nathuꞌu mala tei magra ka hatimare mae Amalek. Nu iara ginau na kegra ka thogele ikoi igne balugu khodo mala atha iara teku God igne.”

Eksodas 17:9 ပူးပေါင်းရင်းမြစ်များ

Diutronomi 32:44

Aonu Moses ghe mae Josua, thugna mae Nun, ne iuꞌiju chekegna khoje igne ka naiknodi Israel te mei fanomho igre.

Eksodas 24:13

Aonu mae Moses ghe mae Josua ne tarabana ne jifla ne tei, eghuteuna mae Moses ne haghe ka nogna thogele God na.

Eksodas 4:20

Aonu Moses atha khetogna na nei phei thugnare ne fasaghedi ka nogna dongki na neke figri Ijep. Eghuteuna mana jaola ne atha nogna khodo teke cheke God mala atha mana tekuna.

Eksodas 4:2

Aonu Lord ne ghusna eghu ka Moses, “Unha site loku teu iagho ana ia?” Eghuteuna Moses ne cheke eghu, “Kaisei khodo.”

Hibru 4:8

Te laseni tahati na mae Josua neke theome batudi kuꞌeda tahati re neke tei ka vido mala gnafa na, mala gnafa balugna God. Tahati laseni igne naugna ke leghugna igne God neke cheke eigna keha narane nate mei ginauna.

Mae Khuru 7:45

Ke leghu, mae Josua na neke batudi mae ku'edara neke tei magra hatini namono majaghani na ka keha vike teke kulu au jare na. God toghodi mare ne brue fadeleidi naikno bongihehe tuare mala ke ruma haghe ka namono tuana vikeda tahati ra. Kate tei vikeda tahati re ka namono majaghani igne, mare ne hata baludi suga tapuale igne. Mare neke hata ka mae kmadire suga tapuale igne, eghuteuna tathaji meu me ghilei thokeni narane gna mae King Devet.

Naba 11:28

Mae Josua thugna mae Nun mae ihei teke toghoni mae Moses kani majaghani gna teku na, mana tei ka mae Moses ne cheke eghu, “Nogu mae velepuhi ia, chekedi mare mala kmu!”

Eksodas 17:13

Aonu mae Josua nei hatimare mae Israel gre eghu ne falehedi mae Amalek gre, mare thono theome kokhonidi fara kolho maedi Amalek.

Naba 13:16

Igre nabotho phei mae teke kuru tei mae Moses mala tei filoni vido Kenan na. Eghuteuna mana neke tughu nanghagna Hosea thugna mae Nun na, ne kiloni mana Josua.

Eksodas 4:17

Eghuteuna iagho atha nou khodo na mala ei kofubobhoi.”

Josua 8:18

Aonu Lord ne cheke eghu ka mae Josua, “Iagho hata nou grojo na tusu tei Ai. Iara ginauna lisa ari namono tuana ka khamemu iagho.” Mae Josua ne leghuni unha te chekeni Lord igne,

Ululahu Kronikols 7:27

Mae Nun ne karha ka mae Elisama. Eghuteuna mae Josua neke karha ka mae Nun.

Eksodas 18:21

Jaola, iagho vavahi keha famane mae funei te lalase mae iheire te ghatho tahuni God nei mae iheire te tutuani nodi cheke re nei mae iheire te theome tusu lao sileni ka naiknore te mala eni u puhi te diꞌa na eghu. Mae igre keha mala batuni kaisei thogha naikno, keha mala batuni kaisei gobi, keha mala batuni glima fului nei keha mala batuni nabothoi eghu.

Eksodas 33:11

Lord ne cheke balugna Moses jateula kaisei mae te cheke teu balugna mae kheragna ra neu. Leuleghu fata kate cheke te gnafa phia mare na, Moses figri ke pulo ka nodi vidore. Nu Josua mae majaghani thugna Nun igne, mana tangomana te toghoni Moses, mana au fabrahu kolho lamna ka suga tapuale ikoi igne.

Naba 13:8

Ka vikegna mae Efrem na, mana ne vahini mae Hosea, thugna mae Nun.

Naba 27:18

Aonu Lord ne cheke eghu ka mana, “Mae Josua, thugna mae Nun, nolaghi gna nogu Tharunga te Blahi iara na te au balugna mana na. Iagho ginauna tathalei teini mana ka tathadi naiknore nei ka mae pris Eleasa, eghuteuna habo lao khamemu na ka phaꞌu mana na mala taraini. Eghuteuna iagho ginauna cheke ka tathadi naiknore eigna mana teke tughu nigho iagho na.

Josua 8:3

Aonu mae Josua balu nogna soldia tarabana ne tei Ai. Mana ne vavahi tolufulu thogha mae nheta ne jifla bongiro.