Eksodas 17:6 - Buka Blahi Ka Cheke Holo

⁶ Kate ari te posa iagho ka thina te au ka Thogele Sanai ia na, iara ginau na au jare balumu iagho. Eghuteuna iagho mala atha nou khodo ana mala puphuri ka thina na, eghuteuna khoꞌu na ginau na jifla mei ka thina tuana mala koꞌu naikno are.” Mae Moses ne eni igne ne jifla mei khoꞌu na ka thina na kate filo teu goro mae biꞌodi Israel re.

Eksodas 17:6 ပူးပေါင်းရင်းမြစ်များ

Ululahu Korin 10:4

Eghuteuna mare kafe koꞌu ka khoꞌu teke fafura mei God ranghidi ka thina teke tei baludi na. Thina igne Kraes thegna ngala.

Nehemaea 9:15

Kate rofo naiknore, iagho neke tusu ranghidi gano teke soru mei funugna kligna. Eghuteuna kate roi koꞌu naiknore, iagho neke tusu ranghidi khoꞌu teke jifla mei funu ke lamna thina. Eghuteuna iagho neke cheke ranghidi mala tei hata kasa glose mala khotogna mare glose teke kulu nhaꞌa chekehi iagho ka mare na.

Diutronomi 8:15

Thosei ghatho ihoni teke batu ghami mana ke lamnagna namono nagou te krepa nei biꞌo fara nei diꞌa fara. Ka namono nagou aheva te au kmana mogo faghughumhu nei thafrasege, nei theo khoꞌu. Nu Lord neke chekeni khoꞌu na neke jifla mei ka kaisei thina biꞌo mala koꞌu ghotilo.

Nodi Khoje Hatimare Mae Jiu 105:41

Mana neke eni khoꞌu na neke jifla mei ka thina biꞌo na. Khoꞌu na jateula khoꞌu biꞌo neu ne tei posa ka namono nagou te khapra fara na.

Jone 4:10

Aonu mae Jisas ne cheke eghu ka gaꞌase na, “Naikno biꞌo, iagho theome laseni nogna khokofakasai God ranghini naikno na, nu iagho theome laseni mae ihei te tore khoꞌu teu ka iagho gne. Jame laseni iagho na, iagho tangomana te tore ghau iara na, eghuteuna iara tangomana te tusu ari ka iagho u khoꞌu karha na.”

Nodi Khoje Hatimare Mae Jiu 46:4

Jare ka namonogna God, mae ihei te blahi fara na au kaisei khoꞌu biꞌo te mala faglealeꞌadi naikno te tufru soruni mana ka namono tuana.

Nodi Khoje Hatimare Mae Jiu 78:20

Uve, tutuani fara, God na neke piphike thina re ne loloro mei fabiꞌo khoꞌu na, nu mana theome tangomana te tusu mei gano ka tahati na eghu.”

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Jone 4:14

Nu ihei te koꞌu ka khoꞌu te tusu ranghini iara na, mana ginauna nake theome roi koꞌu. U khoꞌu nate tusu mei iara igne na jateula ngau glokha eghu na fura mei fabrahu ke lamnagna mana. U khoꞌu igne ginauna na tusu ranghini mana u karha fei tifa na.”

Profet Isaia 48:21

Kani teke batudi teke mei mana kuꞌeda tahati ra ka namono nagou te brana fara na tifa ra, mare neke theome lehe ka khoꞌu. Theo. Mana neke tothora thina na neke jifla mei khoꞌu na neke koꞌu mare.

Eksodas 16:10

Aonu kate cheke teu mae Eron ka naiknore na, naiknore ne figri lao neu fei namono nagou, eghuteuna siasigla gna Lord na ne megei nga ne thakle mei ka khoveo na.

Eksodas 14:16

Eghuteuna atha nou khodo ana mala tusu lao ke kligna thongna, eghuteuna thongna gne ginau na fnota pea mala tei kasa mae Israel gre kate khapra fari hoteidi phei gringni khoꞌu te au ka phei philedi are.

Naba 20:8

“Ghopa atha khodo te au ke ulugna bokis blahi te nhaꞌa cheke ana, aonu ghopa ginauna kilo meidi naikno te gnafa re. Eghuteuna ghopa ginauna cheke lao ka thina biꞌo are kate filo teu naiknore, eghuteuna khoꞌu na ginauna loloro mei ka thina biꞌo tuana. Iagho ginauna fajifla khoꞌu ka thina na mala koꞌu naikno te gnafa baludi nodi buluka.”

Nodi Khoje Hatimare Mae Jiu 74:15

Glokha nei khoꞌu biꞌo eghu teke kafe khaprahi re iagho neke fafuafura haghedi, eghuteuna khoꞌu biꞌo teke theome khapra funu tifare, iagho neke fakhapradi.

Nodi Khoje Hatimare Mae Jiu 78:18

Mare magnahaghei te fariuriuni God mala tusu ranghidi mana u gano te magnahagheni mare na.

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.