Eksodas 17:2 - Buka Blahi Ka Cheke Holo

² Aonu naiknore ne diꞌa tadi fara ka mae Moses, ne cheke eghu ka mana, “Tusu mei ka ghemi khoꞌu mala koꞌu ghehati!” Mae Moses ne cheke eghu ka naiknore, “Naugna unha site diꞌatami ghotilo ka iara gnea? Ba, ghotilo magnahaghei te fariu riuni nogna nolaghi Lord na sia?”

Eksodas 17:2 ပူးပေါင်းရင်းမြစ်များ

Ululahu Korin 10:9

Eghuteuna tahati mala thosei fariuriuni Lord jateula mare eghu, eigna mogo na neke falehedi mare.

Nodi Khoje Hatimare Mae Jiu 78:41

Kmana fata mare magnahaghei te fariuriuni noda God tahati naiknoda Israel. Uve, mare tirodini mae ihei te blahi fara na.

Nodi Khoje Hatimare Mae Jiu 78:18

Mare magnahaghei te fariuriuni God mala tusu ranghidi mana u gano te magnahagheni mare na.

Diutronomi 6:16

Ghotilo thosei fariuriuni Lord, nomi God jateula teke eni ghotilo tifa kani au teku ghotilo ka namono Masa ia eghu.

Hibru 3:9

God ne cheke eghu, ‘Iara neke au baludi mae ku'emi ghotilo ra ke lamnagna namono nagou phiatutu finogha. Jare hatimare neke fariuriu ghau iara neuba mare filodi kmana kofubobhoi nei fagaglana eghu teke edi iara re.’

Profet Isaia 7:12

Nu mae Ehas tirogna ne cheke eghu, “Theo, iara ginauna theome fariuriuni Lord jateula tuana teuna.”

Matiu 4:7

Mae Jisas ne cheke eghu ka mana, “Nu te chekeni la ka grioriso te blahi ia, ‘Thosei fariuriuni Lord nou God!’ ”

Nodi Khoje Hatimare Mae Jiu 95:9

Neuba mare ne filodi unha teke edi iara tadire, mare fariuriu mala laseni glaula me namhadi iara ba theo.”

Naba 21:5

Aonu mare ne cheke eghu ka Lord nei ka mae Moses, “Ba, iagho atha fajifla ghami ghehati Ijep mala lehe ka namono nagou igne sia? Vido igne theo gano nei khoꞌu eghu tagna na. Ghehati theome gleꞌa kolho te au agne na, nei ghehati tiromidi kolho gano te diꞌa fara igre.”

Mae Khuru 15:10

Eghume gognaro na ghotilo magnahaghei te fariuriuni God ka puhi te nhaꞌa lao kaisei vetula te mala leghuni iheire te theome Jiu te ruma mei ka khiloau gre. Nu u vetula tuana mae kuꞌeda tifa ra ba tahati na theome tangomana te leghuni.

Mae Khuru 5:9

Mae Pita ne cheke eghu ka naꞌa, “Faꞌunha ne ghatho deni si ghopa puhi te mala fariuriu chaghini mae Tharunga te Blahi gnea? Filo sagho! Mae majaghani teke tei giugiluni khetomu iagho ia tela mei kegra teu ka grengatha na are. Mare ginauna nake pala fajifla nigho la iagho!”

Luku 4:12

Mae Jisas ne cheke eghu ka mae Satan, “Nu te chekeni la ka grioriso te blahi ia, ‘Thosei fariuriuni Lord nou God!’ ”

Profet Malakai 3:15

Tahati filodi naikno te fahaehaghe igre mare au fakeli nodi nei glealeꞌa nodi eghu koba. Eghuteuna naikno te tapla jafra koba ka nakhibo igre mare au nodi kmana glepo te keli fara. Eghuteuna God na theome paradi kolho unha puhi te diꞌa te edi mare re eghu. Thono theo fara!’ ”

Nodi Khoje Hatimare Mae Jiu 106:14

Kate au teu mare ka namono nagou na, mare neke rofo fara, aonu mare neke tore gano ka God mala fariuriuni mana.

Nodi Khoje Hatimare Mae Jiu 78:56

Neubane eghu ngau, mare heta ghedi te figri tagruni God mae ihei te thofno fnakno fara na. Uve, mare magnahaghei fara te fariuriuni mana na. Eghuteuna mare jaola theome tajini nogna vetula mana na.

Naba 14:22

Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.

Eksodas 17:7

Naiknore ne diꞌa tadi ne fariu riuni Lord ne ghusna eghu, “Lord na au baluda tahati ba theo?” Aonu mae Moses ne kiloni vido igne Masa, gaoghathogna na “Fariu riu” nei Meriba, gaoghathogna na “Diꞌa tadi.”

Luku 15:12

Mae ke iko na ne cheke eghu ka mae kmagna na, ‘Mama, famei gognaro nogu vido glepo mala famei ka iara thogheiro teku iagho ia.’ Aonu mae kmadi na ne tufa ka phia mae thugnare.

Eksodas 15:24

Naiknore ne diꞌa tadi fara ka mae Moses ne nguru ngau ka mana ne ghusna eghu ka mana, “Ba? Na koꞌu unha si tahati ia?”

Ululahu Samuel 8:6

Mae Samuel ne theome gleꞌani nodi cheke mare igne, aonu mana ne tarai ka Lord.

Naba 14:2

Aonu mare ne cheke balu diꞌatadi ka mae Moses ghe mae pris Eron, “Jame keli kolho teke lehe ghehati Ijep, ba ka namono nagou na!

Eksodas 5:21

Aonu mae greireghi igre ne cheke eghu ka Moses ghe Eron, “Snakreni Lord mala para ghami ghopa eidi glepo te edi ghopa igre. Ghopa eni king nei nogna funei mana igre mala theome magnahaghei ghami ghehati jateula mae ihei te theome magnahagheni glepo te siri diꞌagna fara ia neu. Ghopa ei puhi ranghidi mare mala falehe ghami ghehati!”

Eksodas 16:8

Eghuteuna mae Moses neke cheke eghui, “Tutuani, leuleghu grafi na Lord ginau na tusu mei nafnahi mala ima ghotilo. Eghuteuna leuleghu hamerane na Mana ginau na jaola tusu mei bret te magnahagheni ghotilo na. Naugna Mana la nomhidihi te nguru ngau ghotilo ka Mana ra. Ghotilo theome nguru ngau ka ghepa mae Eron, naugna ghepa naikno kolho, nu ghotilo nguru ngau ka Lord.”

Nodi Khoje Hatimare Mae Jiu 95:8

“Ghotilo thosei maumaku jateula teke edi ku'emi tifa ka namono nagou Meriba te kiloi Masah.

Nodi Khoje Hatimare Mae Jiu 106:13

Nu theome raugha kolho mare neke ghatho ihodi kolho unha teke edi God re. Eghuteuna mare tirodi ofoni te mala laseni unha te magnahagheni God te mala eni mare na.

Diutronomi 9:22

“Ka keha thilo narane re ghotilo neke eni puhi te diꞌatagna fara Lord jare ka namono Tabera, nei Masa, nei namono Kibrot-Hatava.