Eksodas 17:14 - Buka Blahi Ka Cheke Holo

¹⁴ Ke leghugna igne Lord ne cheke eghu ka mae Moses, “Rioriso eigna magra igne nei unha cheke igne eghu, eigna iara ginau na dalu koko fahui naiknodi Amalek gre mala theo kaisei naikno ka nauthoglu igne nate ghathodi re. Eghuteuna iagho iu'iju fabiꞌo ranghini mae Josua mala nomhini la ngau mana eghu.”

Eksodas 17:14 ပူးပေါင်းရင်းမြစ်များ

Eksodas 34:27

Aonu Lord ne cheke eghu ka Moses, “Iagho rioriso soru cheke igre, naugna ka cheke igre teke eni iara Nhaꞌa Cheke igne balumu iagho nei naiknodi Israel.”

Ululahu Samuel 30:17

Hamerane boibongi ka keha narane na, mae Devet balugna fati gobi mae igre mare tei ne magra ka mare. Eghuteuna mare magra ne ghilei rafi ka narane igne. Eghuteuna mae Devet balugna nogna mae soldia igre magra heta ne ghilei aknu falehedi ne hui maedi Amalek igre, nu fati gobi mae majaghani teke saghe ka kamel ra ngala te rikha na.

Ululahu Samuel 30:1

Kate tei teu delei mae Devet baludi nogna mae soldia igre balugna mae funei Akis igne, maedi Amalek igre mei ne snura ka nohi ke mata Juda nei Siklag. Mare ne theome aknu falehe naiknore. Nu mare ne kafe atha ne tei goro gaꞌase, sua nei mae biꞌo teu gna namono Siklag. Aonu mare ne faghamu khaꞌaghi nodi namono mare na. Kate posa mei mae Devet baludi nogna mae soldiare Siklag ka fatilo narane na,

Fapea Samuel 8:12

Mana hata gol nei silva teu igre ka namono Idom, Moab, Amon, Filistia, nei Amalek. Mana jaola neke tusu ranghi Lord glepo teke hata mana ka king Hadadesa, thugna mae Rehob, king gna Soba.

Naba 24:20

Aonu mae Balam ne filodi vikegna mae Amalek gre ka nogna mifi na ne cheke eghu, “Mae Amalek gre neke uludi fara kmana kantri tifa na, nu kaisei narane na ghotilo ginauna groꞌehi!”

Thoutonu Eigna Mae Job 18:17

Theo kaisei naikno nate ghathoni mana na, eghuteuna theo kaisei naikno ka kantri igne na teke chekeni nanghagna mana na.

Eksodas 24:4

Mae Moses ne rioriso soru ka kaisei buka nogna vetula Lord igre. Hamerane boibongi ka keha narane na, mae Moses neke soru ka naikno te au teu ka pesigna thogele na ne babana kaisei olta mala fafara. Mana ne fakegra haghe nabotho phei thina rhegna olta na ranghidi nabotho phei vikegna Israel.

Eksodas 13:9

U gaghamu igne jateula kaisei tuthuana te lilisei ghotilo ka khamemi nei ka greremi teura eghu mala nu iju poloni nei toutonuni eghu ghotilo ka goro suare unha teke eni Lord ranghi ghami ghotilo kani teke jifla ghotilo Ijep ia.

Eksodas 12:14

“Ghotilo mala ghathoni fabrahu narane tuthuana igne leuleghu finogha. Ghotilo mala gleale'a balu gaghamu biꞌo eigna unha teke eni iara ranghi ghami ghotilo na. Eghuteuna iheire nate karha mei ke leghumi ghotilo ginau re mala jaola eni gaghamu biꞌo igne.”

Proveb 10:7

Kate lehe kaisei naikno te doglo na, naiknore na ghathoni fabrahu nei gleꞌani eghu mana. Nu te lehe kaisei naikno te diꞌa na, naiknore na ghosei ghatho ihoni kolho mana.

Nodi Khoje Hatimare Mae Jiu 9:6

Nomi naoka ghehati ra la hui ari nodi hila si ra. Iagho neke paꞌe soruhi namonodire, eghuteuna naiknore teuna la thofno ghatho ihodihi eghu mare.

Thoutonu Eigna Mae Job 19:23

“Iara magnahaghedi keha mae mala ghathoni nogu cheke iara igne, mala rioriso soru ka kaisei buka.

Esra 9:14

Ba, keli kolho te theome leghudi ghehati nou cheke iagho re te tolaghi ka naikno bongihehe te thono diꞌa fara puhidi igre? Theo! Jame te eghu ghehati na, iagho ginauna diꞌatamu fara ka ghehati, aonu iagho ginauna aknu falehe ghami ghehati hui, eghuteuna theo kaisei ka ghehati nate karha na.

Ululahu Kronikols 4:43

Eghuteuna mae igre ne aknu falehe naikno te gnafa ka vikegna mae Amalek teke au teku ka vido igne. Aonu funu ka narane tuana, vikedi fati mae igre ne au sukha jare.

Fapea Samuel 1:1

Ka narane te lehe King Sol igne, mae Devet neke tei magra ka maedi Amalek. Kate magra te uludi mare na, mana neke pulo mei Siklag ne au jare phei narane.

Ululahu Samuel 15:18

Eghuteuna kate kuru nigho mana teke tei magra ka naiknodi Amalek ra, mana neke cheke eghu, ‘Iagho tei ka naiknodi Amalek ra mala goigoni fahui naikno te diꞌa tuare. Nei iagho mala magra heta mala ghilei kafe lehe fahui mare.’

Josua 4:7

Tahati ginauna cheke eghu ranghidi, ‘Igne tuthuana eigna narane teke pala mae pris nogna Bokis Blahi Nhaꞌa Cheke Lord na teke kasa ka Khoꞌu biꞌo Jordan igne, eghuteuna khoꞌu biꞌo igne neke krango. Thina igre ginauna au fabrahu ka vido igne, eghuteuna iheire nate karha mei ke leghuda tahati re ginauna ghathoni fabrahu unha teke eni ka tahati ka vido igne.’ ”

Diutronomi 31:9

Aonu mae Moses ne rioriso nogna Buka vetula Lord na ne tusu lao ka hatimare mae pris nei mae iheire te baubatu ka naiknodi Israel. Mae pris igre ka vikegna mae Livae, eghuteuna mare tangomana te pala nogna Bokis Blahi Nhaꞌa cheke Lord.

Naba 33:2

Lord ne cheke ka mae Moses mala riso soru nanghadi namono teke au te tei mare re.

Eksodas 17:13

Aonu mae Josua nei hatimare mae Israel gre eghu ne falehedi mae Amalek gre, mare thono theome kokhonidi fara kolho maedi Amalek.

Eksodas 32:33

Nu Lord ne cheke eghu, “Iheire teke eni nakhibo igne ranghi ghau iara na, iara ginauna ghiha koko nanghadire ka nogu buka na.

Profet Jeremaea 36:2

“Jeremaea, funu ka narane gna King Josaea te mei posa gognarogne, iara neke cheke ka iagho eidi phei kantri Israel ghe Juda baludi keha kantri igre. Gognarona iara magnahaghei nigho iagho te atha kaisei pepa brahu mala rioriso soru cheke te gnafa igre.

Ululahu Kronikols 4:42

Ke leghugna igne, fati thugna nalhaꞌu mae Isi igre: mae Pelataea, mae Nearaea, mae Refaea, nei mae Usiel teu igre ne batudi glima gobi mae ka vikegna mae Simion igre ne tei magra ka kantri Idom ke maghati.

Profet Jeremaea 30:2

“Iara Lord, nodi God mae Israel. Iagho rioriso sukha ka buka unha te chekedi iara ka iagho igre.