Eksodas 17:12 - Buka Blahi Ka Cheke Holo

¹² Leghu lahu na mae Moses ne ghilei babaꞌo khamegna re, mana theome tangomana teke tusu haghe khamegna re. Aonu mae Eron ghe mae Huri ne atha kaisei thina ne lilisei soru pari ka glose na ne gnokro mae Moses tagna. Phiamare ne kegra ka phei philegna mae Moses re ne loku haghe phia khamegna mana re kligna. Phiamare loku haghe neu khamegna mae Moses gre ne ghilei plulu naprai na.

Eksodas 17:12 ပူးပေါင်းရင်းမြစ်များ

Profet Isaia 35:3

Jame te theome nheta khamemi ghotilo are, eghuteuna ghahemi ghotilo re glaꞌe teuna, ghotilo ke farerheta fapulo.

Filipae 1:19

Iara jaola gleale'a naugna te laseni iara na ka nomi tharai ghotilo na God ginauna togho ghau iara ka nogna nolaghi mae Tharunga te Blahi te mala atha fajifla ghau iara ka u suga sosolo na.

Hibru 12:12

Thosei babaꞌo te leghuni u thofno nakarha te keli na! Te theome nheta khamemire nei nigra ghahemire teuna ke farerheta fapulo!

Ululahu Tesalonika 5:25

Kheraguro, tarai mei ghami.

Efesus 6:18

Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Fapea Korin 1:11

naugna ghotilo togho ghami koba ka nomi tharaire. God ginauna nomhidi nodi tharai naikno te kmanare malami ghehati eghuteuna mana ginauna togho ghami ghehati. Aonu kmana naikno ginauna cheke fakelini God kate togho ghami ghehati mana na!

Jemes 1:6

Nu kate tore ka God na, ghotilo fatutuani ni God nei thosei ghatho peapea. Naugna mae ihei te ghatho peapea na, mana khogla jateula galo te haghe nei ke soru teu ka nuri na ia eghu kolho.

Nodi Khoje Hatimare Mae Jiu 35:3

Atha sagho nou goru nei nhirama teu are mala mei magra ka mae te kegra faligoho ghau iara igre. Chekeni sagho ka iara nate mei iagho te togho ghau iara na.

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.

Eksodas 17:11

Kate tusu haghe mae Moses khamegna re, hatimare mae Israel gre ne heta ghedi fara ne uluni u magra na. Nu kate lisei soru mae Moses khamegna re, hatimare mae Amalek gre neke funu uludi mae Israel gre.

Eksodas 17:13

Aonu mae Josua nei hatimare mae Israel gre eghu ne falehedi mae Amalek gre, mare thono theome kokhonidi fara kolho maedi Amalek.

Eksodas 24:14

Ulu lahu na mae Moses ne cheke eghu ka nodi mae funei hatimare mae Israel, “Ghotilo ofou ka vido igne mala ke ghilei pulo mei ghepa. Eron ghe mae Huri igre nate au teu balumi ghotilo agne na. Ihei ka ghotilo te au nogna cheke fadiꞌa diꞌa ranghini kheragna fofodu na, ghotilo tei filodi phiamare mala fadoglini phiamare puhi tuana.”

Josua 8:26

Mae Josua loku famaku ne tusu lao fabrahu neu nogna grojo na ka namono Ai ne ghilei lehe fahui naiknogna namono igne.