Eksodas 17:11 - Buka Blahi Ka Cheke Holo

¹¹ Kate tusu haghe mae Moses khamegna re, hatimare mae Israel gre ne heta ghedi fara ne uluni u magra na. Nu kate lisei soru mae Moses khamegna re, hatimare mae Amalek gre neke funu uludi mae Israel gre.

Eksodas 17:11 ပူးပေါင်းရင်းမြစ်များ

Ululahu Timoti 2:8

Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Nodi Khoje Hatimare Mae Jiu 56:9

Tutuani, ka narane nate kilo nigho iara na, iagho ginauna na bruedi nogu naoka iara gre mala rikha tei mare delei. Kate filoni iara te rikha mare na iara na laseni iagho togho ghau iara na.

Luku 18:1

Kaisei narane ke leghugna igne, mae Jisas ne toutonu ka nogna mae fanomhore kaisei cheke naba mala theome babaꞌo mare nu mala tarai fabrahu eghu.

Eksodas 17:10

Aonu mae Josua ne leghuni unha teke chekeni mae Moses na ne atha keha mae ne tei magra ka hatimare mae Amalek. Mae Moses ghe mae Eron nei mae Huri eghu ne haghe ka thogele ikoi na.

Eksodas 17:12

Leghu lahu na mae Moses ne ghilei babaꞌo khamegna re, mana theome tangomana teke tusu haghe khamegna re. Aonu mae Eron ghe mae Huri ne atha kaisei thina ne lilisei soru pari ka glose na ne gnokro mae Moses tagna. Phiamare ne kegra ka phei philegna mae Moses re ne loku haghe phia khamegna mana re kligna. Phiamare loku haghe neu khamegna mae Moses gre ne ghilei plulu naprai na.

Josua 8:26

Mae Josua loku famaku ne tusu lao fabrahu neu nogna grojo na ka namono Ai ne ghilei lehe fahui naiknogna namono igne.

Nodi Khoje Hatimare Mae Jiu 44:6

Iara theome rouronudi nogu phaloho nei nogu naflahi teu igre nate fakarhi ghau iara kau magra na.