Eksodas 17:10 - Buka Blahi Ka Cheke Holo

¹⁰ Aonu mae Josua ne leghuni unha teke chekeni mae Moses na ne atha keha mae ne tei magra ka hatimare mae Amalek. Mae Moses ghe mae Eron nei mae Huri eghu ne haghe ka thogele ikoi na.

Eksodas 17:10 ပူးပေါင်းရင်းမြစ်များ

Eksodas 24:14

Ulu lahu na mae Moses ne cheke eghu ka nodi mae funei hatimare mae Israel, “Ghotilo ofou ka vido igne mala ke ghilei pulo mei ghepa. Eron ghe mae Huri igre nate au teu balumi ghotilo agne na. Ihei ka ghotilo te au nogna cheke fadiꞌa diꞌa ranghini kheragna fofodu na, ghotilo tei filodi phiamare mala fadoglini phiamare puhi tuana.”

Josua 11:15

Tifa na Lord neke cheke ka mae Moses nogna mae gloku na. Eghuteuna mae Moses neke tusu lao nogna cheke Lord igre ka mae Josua. Eghume mae Josua ne leghudi nogna cheke mana igre ne edi gobigna lepore jateula teke chekedi Lord ka mae Moses igre neu.

Eksodas 31:2

“Iara la vahinihi mae Besalel, thugna mae Uri thugna mae Hua ka vikegna Juda.

Eksodas 17:12

Leghu lahu na mae Moses ne ghilei babaꞌo khamegna re, mana theome tangomana teke tusu haghe khamegna re. Aonu mae Eron ghe mae Huri ne atha kaisei thina ne lilisei soru pari ka glose na ne gnokro mae Moses tagna. Phiamare ne kegra ka phei philegna mae Moses re ne loku haghe phia khamegna mana re kligna. Phiamare loku haghe neu khamegna mae Moses gre ne ghilei plulu naprai na.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Jone 2:5

Aonu, idogna mae Jisas na tei ne cheke eghu ka mae glokure, “Eni unha te chekeni mana ka ghotilo na.”

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Eksodas 17:11

Kate tusu haghe mae Moses khamegna re, hatimare mae Israel gre ne heta ghedi fara ne uluni u magra na. Nu kate lisei soru mae Moses khamegna re, hatimare mae Amalek gre neke funu uludi mae Israel gre.

Ululahu Kronikols 2:19

Kate lehe Asuba na, mae Kaleb neke tolaghi ka Efrat, eghuteuna repa ne au kaisei thudi nalhaꞌu, nanghagna na mae Hua.