Eksodas 16:8 - Buka Blahi Ka Cheke Holo

⁸ Eghuteuna mae Moses neke cheke eghui, “Tutuani, leuleghu grafi na Lord ginau na tusu mei nafnahi mala ima ghotilo. Eghuteuna leuleghu hamerane na Mana ginau na jaola tusu mei bret te magnahagheni ghotilo na. Naugna Mana la nomhidihi te nguru ngau ghotilo ka Mana ra. Ghotilo theome nguru ngau ka ghepa mae Eron, naugna ghepa naikno kolho, nu ghotilo nguru ngau ka Lord.”

Eksodas 16:8 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 13:2

Eghume ihei te huhughuni mae biꞌo ka gavman na, mana huhughuni unha teke eni haghe God na. Eghuteuna ihei te eni igne na, mare ginauna fateni mana.

Ululahu Samuel 8:7

Nu Lord ne cheke eghu ka mana, “Iagho leghuni kolho unha te ghathoni mare na. Mare theome thodo nigho iagho, nu mare thodo ghau iara. Mare theome magnahaghei ghau iara te mala nodi king mare na.

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.

Luku 10:16

“Mae ihei te nomhidi nomi cheke ghotilo re, mana ginauna na nomhidi la nogu cheke iara re. Eghuteuna mae ihei te tirogna ghami ghotilo na, mana tirogna ghau la iara. Eghuteuna mae ihei te tirogna ghau iara na, mana ginauna na tirogna nila mae ihei teke kuru mei ghau iara na.”

Naba 14:27

“Niha fata buiburi ghau iara si naikno te diꞌa igrea? Tutuani, iara nomhidi nodi cheke mare te buiburi ghau iara igre.

Naba 21:7

Aonu mare mei ka mae Moses, ne cheke eghu ka mana, “Ghehati la jafrahi naugna ghehati neke cheke faparini Lord nei iagho eghu. Eghume ghehati tore nigho iagho mala tarai ka Lord mala atha fadelei mana mogo phanaga igre ka ghehati!” Aonu mae Moses ne tarai ranghidi naiknore.

Ululahu Korin 10:10

Eghuteuna tahati mala thosei buiburini nogna gloku God ka nakarhadare jateula mare eghu, eigna engel gna glehe na neke falehedi mare.

Jone 13:20

Tutuani fara te chekeni iara ka ghotilo na. Mae ihei te taji fakelini kaisei nogu naikno gloku teke kuru meini iara na, mana taji fakeli ghau la iara. Nu ihei te taji fakeli ghau iara na, mana mala jaola taji fakelini mae Mama, mae teke kuru mei ghau iara na.”

Matiu 10:40

Mae Jisas ne cheke eghu, “Ihei te taji fakeli ghami ghotilo na, mana taji fakeli ghau iara. Nu ihei te taji fakeli ghau iara na, mana jaola taji fakelini God mae ihei teke kuru mei ghau iara na.

Matiu 9:4

Aonu, mae Jisas ne lasedi nagnafadi mare re ne cheke eghu, “Naugna unha site au mei ka nagnafami ghotilo re nafnata gaoghatho te diꞌa tuana ia?

Profet Isaia 37:29

Naugna iara laseni te fahaehaghe fara iagho na, nei iara laseni te cheke diꞌatamu fara iagho ka iara ra, iara ginauna lilisei kaisei thagho ka foflomu iagho na, nei kaisei vido aean ka foflomu iagho na, mala ke korho fapulo nigho ka nabrou aheva teke meimu iagho na.

Profet Isaia 32:6

Leuleghu fata na naikno te fameomekro na cheke fajiflani kolho cheke te fameomekro na, eghuteuna ghathoni kolho te mala eni puhi te diꞌa na. Mana leghuni fabrahu puhi te diꞌa na, eghuteuna toutonu tafri cheke te chaichaghi eigna Lord. Mana theome faghamudi ihei te rofo, ba theome fakoꞌudi iheire te roi koꞌu.

Eksodas 16:12

“Iara la nomhidihi te nguru ngau nogu naikno iara ra. Eghume iagho na cheke ka naikno are, fei grafi na naiknore ginau na ima nafnahi, eghuteuna fei hamerane na naiknore ginau na ima bret leghuni nihai te magnahagheni mare na. Kate ima te boho na naiknore ginau na laseni te Iara gne ngala te nodi Lord nei God teu mare na.”

Eksodas 16:9

Aonu mae Moses ne cheke eghu ka mae Eron, “Iagho tei chekedi naikno ra mala mei kegra rhegna Lord, naugna Mana la nomhidihi te nguru ngau naikno ra.”

Eksodas 17:2

Aonu naiknore ne diꞌa tadi fara ka mae Moses, ne cheke eghu ka mana, “Tusu mei ka ghemi khoꞌu mala koꞌu ghehati!” Mae Moses ne cheke eghu ka naiknore, “Naugna unha site diꞌatami ghotilo ka iara gnea? Ba, ghotilo magnahaghei te fariu riuni nogna nolaghi Lord na sia?”

Naba 11:18

“Nu gognaro na, iagho na tei chekedi naiknore, mala kaikaliti nei mala gae eghu mare ka tathagu iara na, naugna nathui na mare ginauna ima nafnahi. Iara ne nomhidi nodi natanhi nei nodi cheke teu te cheke eghu mare re, kani au teku Ijep ia ghehati neke ima ghemi gano te keli gnai te au ka vido igne. Uve, iara ginauna tufa lao ghedi gano mala ima mare.