Eksodas 16:7 - Buka Blahi Ka Cheke Holo

⁷ Hamerane nathuꞌu na ghotilo ginau na filoni nogna nolaghi nei siasigla teu Lord na, naugna Mana la nomhidihi te diꞌatami nei nguru ngau teu ghotilo ka Mana ra. Ghepa naikno kolho jateula ghotilo eghu, eghume ghotilo theome diꞌatami ka ghepa, nu ghotilo diꞌatami ka Lord.”

Eksodas 16:7 ပူးပေါင်းရင်းမြစ်များ

Profet Isaia 40:5

Eghuteuna ka narane tuana, nogna nolaghi biꞌo Lord na ginauna agha soru mei, eghuteuna naikno te gnafa ka nauthoglu igne ginauna filoni. Naugna thegna Lord neke nhaꞌa cheke eigna igne.”

Naba 16:11

Iagho baludi keha kheramu teu are, ne cheke faparini hila mae pris Eron eghu si ghotilo gaoghathomi na ia. Theo fara! Tutuani, ghotilo cheke faparini kolho Lord!”

Jone 11:40

Mae Jisas ne cheke eghu ka naꞌa, “Mafa, kela ghatho ihoni sagho teke cheke ranghi nigho iara ia? Te fatutuani ghau iara iagho na, iagho tangomana te filoni fagaglana gna nogna nolaghi biꞌo God na.”

Jone 11:4

Kate nomhini mae Jisas nonomho igne mana ne cheke eghu, “U fogra tuana theome mala lehe mae Lasaros, nu mala filoni naiknore nogna nolaghi biꞌo God na. Eghuteuna mala laseni naiknore iara mae Thugna mana na jaola au nolaghi biꞌo jateula mana eghu.”

Profet Isaia 35:2

Namono nagou igre ginauna famane keli fara, eghuteuna reꞌe ginauna glealeꞌa na eha fabiꞌo. Naiknore ginauna cheke fahaehagheni namono igne jateula teke cheke fahaehagheni mare kantri Lebanon ia eghu, eghuteuna mare ginauna na jaola ghatho tahuni namono igne, jateula mare teke ghatho tahudi phei namono Kamel ghe Saron. Naikno te gnafare ginauna filoni nogna nolaghi biꞌo Lord na. Nogna nolaghi biꞌo God igne ginauna agha soru ka mare.

Eksodas 40:34

Aonu nogna grokho biꞌo Lord na ne mei toku tafruni Suga Tapuale te Blahi te mala mei thafoni God, eghuteuna siasigla gna nogna nolaghi biꞌo Lord na ne fodu ka Suga Tapuale te Blahi igne.

Eksodas 16:10

Aonu kate cheke teu mae Eron ka naiknore na, naiknore ne figri lao neu fei namono nagou, eghuteuna siasigla gna Lord na ne megei nga ne thakle mei ka khoveo na.

Naba 14:10

Aonu naiknore kegra ne rodi fadi falehedi mae Moses ghe mae Eron ka thina. Nu siasigla gna nogna nolaghi Lord na ne soru mei ka Suga Thapuale te blahi na, ne sigla tongana ka naiknore.

Naba 14:27

“Niha fata buiburi ghau iara si naikno te diꞌa igrea? Tutuani, iara nomhidi nodi cheke mare te buiburi ghau iara igre.

Eksodas 24:16

Ka vido tuana naiknore ne filoni nogna nolaghi biꞌo God na ne soru mei jateula khaꞌaghi biꞌo neu ke kligna thogele. Thogele na ne thafru ka khoveo nabagna namno narane. Eghuteuna ka fafitu narane na, Lord haghe ka thogele na au neu ka khoveo na ne eha laoni mae Moses.

Levitikas 9:6

Aonu mae Moses ne cheke eghu ka naiknore, “Lord neke cheke ka ghotilo mala edi glepo igre, mala ghotilo ginauna filoni siasiglagna nogna nolaghi mana na.”

Eksodas 16:12

“Iara la nomhidihi te nguru ngau nogu naikno iara ra. Eghume iagho na cheke ka naikno are, fei grafi na naiknore ginau na ima nafnahi, eghuteuna fei hamerane na naiknore ginau na ima bret leghuni nihai te magnahagheni mare na. Kate ima te boho na naiknore ginau na laseni te Iara gne ngala te nodi Lord nei God teu mare na.”

Eksodas 16:8

Eghuteuna mae Moses neke cheke eghui, “Tutuani, leuleghu grafi na Lord ginau na tusu mei nafnahi mala ima ghotilo. Eghuteuna leuleghu hamerane na Mana ginau na jaola tusu mei bret te magnahagheni ghotilo na. Naugna Mana la nomhidihi te nguru ngau ghotilo ka Mana ra. Ghotilo theome nguru ngau ka ghepa mae Eron, naugna ghepa naikno kolho, nu ghotilo nguru ngau ka Lord.”

Naba 17:5

Eghuteuna mae ihei te vahini iara mala edi nogu gloku iara na, nogna khodo mana na ginauna kotu. Ka puhi igne, iara ginauna au baludi naiknore mala theome khuru cheke fabrahu mare.”