Eksodas 16:35 - Buka Blahi Ka Cheke Holo

^35-36 Naiknodi Israel gre ne ima u “manna” igne nabagna phia tutu finogha neke tei nga neke au soru jare ka nohi Kenan. Mare fananaba “manna” igne malagna kaisei naikno teuna leuleghu narane. Igne namo thokeni phei kilo nabagna kaisei khara'o ikoi, mare kiloni igne oma. Nabotho oma na nabagna kaisei efa.

Eksodas 16:35 ပူးပေါင်းရင်းမြစ်များ

Josua 5:12

Eghuteuna gano te kiloi “manna” te sughu ghamu koba mare igne neke theome soru mei. Funu ka narane igne, mare ne ghamu fabrahu gano te joꞌu mare ka kantri igne.

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Nehemaea 9:15

Kate rofo naiknore, iagho neke tusu ranghidi gano teke soru mei funugna kligna. Eghuteuna kate roi koꞌu naiknore, iagho neke tusu ranghidi khoꞌu teke jifla mei funu ke lamna thina. Eghuteuna iagho neke cheke ranghidi mala tei hata kasa glose mala khotogna mare glose teke kulu nhaꞌa chekehi iagho ka mare na.

Naba 33:38

Aonu Lord ne chekeni mae pris Eron mala haghe ka thogele Hoa. Kate tei thoke mana ka thogele na, mana ne lehe jare, ka narane ululahu gna faglima nhigra ka faphiatutu finogha ke leghugna teke jifla mare Ijep na.

Mae Khuru 7:36

Aonu mae Moses ne batu fajifladi naiknore Ijep. Mana neke edi kofubobhoi nei fagaglana eghu jare, nei jaola ka Nhorora Ukru na, nei jaola ka namono nagou na phiatutu finogha.

Ululahu Korin 10:3

Mare neke kafe ima gano teke tusu ranghidi God na.

Naba 32:13

Lord ne diꞌatagna fara ka naiknodi Israel ne fanolo tafridi mare ka namono nagou na nabagna phiatutu finogha ghilei lehe thudi, nei gradi teu mae iheire teke edi puhi te diꞌa tifara.

Diutronomi 2:7

“Ghotilo thosei ghatho ihoni Lord, nomi God, mana fablahi ghami ghotilo ka gobigna lepo te edi ghotilo re. Phiatutu finogha te nolo tafri tahati ka namono nagou igne, mana neke reireghi fakeli ghami ghotilo, eghuteuna ghotilo neke theome kmoꞌe ka kaisei glepo.”

Diutronomi 8:4

Ka phiatutu finogha igre ghotilo nolo neke tei eghuteuna nomi pohere neke theome breku, eghuteuna ghahemi re neke theome huge ba thubu.

Diutronomi 29:4

Nu mei te posa gognarogne, Lord theome tothora gaoghathomi ghotilo re mala lasedi ghotilo glepo teke edi mana re. Mana neke theome tothora tathami ghotilo re mala filo glanidi ghotilo glepo igre, eghuteuna mana jaola neke theome tothora khulimi ghotilo re mala nomhi glanidi ghotilo glepo tuare.