Eksodas 16:31 - Buka Blahi Ka Cheke Holo

³¹ Naiknodi Israel re ne kiloni gano igne “Manna”, gaoghathogna na, “Tore, unha glepo si ignea?” U Mana igne e vegha nu ikoi jateula kaisei sisi gaju eghu. Eghuteuna famane mamahe jateula bisket teke eni ka jujurukuli eghu.

Eksodas 16:31 ပူးပေါင်းရင်းမြစ်များ

Famane Khoje 2:3

Kate au iagho farihoteidi keha mae majaghani re, iagho thofno jateula kaisei gaju te ure sisi farihoteidi keha gaju mata ra eghu. Iara magnahaghei fara te mala gnokro ka naungogna gaju igne, eghuteuna maimani gna sisi igne thofno mamahe fara.

Eksodas 16:15

Kate filoni naiknore glepo igne na, mare ne cheke eghu fari thedi, “Tore, unha glepo si ignea?” Mae Moses ne cheke eghu, “Igne ngala u bret teke tusu mei Lord mala ima ghotilo teku mana na.

Eksodas 16:14

Kate moja nabubla igne na, naiknore ne filodi kmana glepo te ikodi te jateula wefa teu te iko tongana namono nagou na.

Eksodas 16:30

Eghume naiknore mala theome loku ka fafitu narane na, nu mala gnafa kolho.

Eksodas 16:32

Mae Moses ne cheke eghu ka naiknore unha teke chekeni Lord ka mana na, “Igne unha teke chekeni Lord ranghi ghita tahati na, tahati mala atha kaisei suspen ikoi mala fafofodu ‘manna’ tagna, mala athahi au maladi vikeda nate karha mei ke leghuda thogheiro re. Mare ginau na tangomana te filoni gano teke tusu ranghi ghita Lord ka vido teke au tahati ke lamnagna namono nagou igne. Ke leghugna teke atha fajifla ghita Ijep teke mei au agne na.”

Diutronomi 8:3

Uve, mana neke magnahaghei te fariuriu ghami ghotilo neke rofo eghuteuna faghamu ghami ka ‘manna’, kaisei gano te theome laseni ghotilo nei kuꞌemi ghotilo tifa ra. Mana neke eni igne mala farirhiu ghami ghotilo te naikno na theome tangomana te karha ka gano kolho, nu tahati karha ka cheke te gnafa te mei ka foflogna Lord.

Diutronomi 8:16

Eghuteuna mana neke tusu mei ka ghotilo ‘manna’ igne mala ghamu boho ghotilo. Nu gano igne, ghotilo baludi kuꞌemi ghotilo tifara neke theome laseni gano igne. Lord neke eni igne mala thoke ghami ghotilo narane te ninhigrana mala fariuriu ghami ghotilo, nei mala gaoghathomi ghotilo na, eghuteuna ke leghu na Lord neke fablahi ghami ghotilo ka kmana nafnata glepo te keli.