Eksodas 16:22 - Buka Blahi Ka Cheke Holo

²² Ka fafamno narane gna wik na, naikno te gnafa re mala salo gano te mala nabagna phei narane. Eghuteuna hatimare mae biꞌodi Israel gre mei ne cheke ka mae Moses eigna puhi igne.

Eksodas 16:22 ပူးပေါင်းရင်းမြစ်များ

Eksodas 16:5

Eghuteuna ka fafamno narane na, naiknore atha gano ne kuki naba phei narane.”

Levitikas 25:22

Gano gna fafamno finogha na, ghotilo ginauna tangomana te ghamu te ghilei gnafa ka fahana finogha na. Eghuteuna ka fahana finogha na ghotilo ginauna tangomana teke joꞌu gano majaghani. Eghuteuna ghotilo ginauna ghamu au ngala gano igre ghilei thokeni faheva finogha na teke hata gano ghotilo ka nomi nagare are.”

Levitikas 25:12

Finogha igne blahi, ghotilo mala ghamu kolho kaisei gano teke karha thegna.

Eksodas 34:31

Nu Moses ne kilodi mare mala mei ka mana. Aonu Eron baludi mae lida igre ne mei namo ka mana, eghuteuna mana ne cheke ka mare.

Eksodas 16:16

Eghuteuna igne unha teke chekeni Lord ka iara mala cheke iara ka ghotilo teku na, ‘Kaisei naikno teu ke lamnagna tharakna na ghotilo tangomana te salo naba phei khara'o ikodi te mala ima na. Igne naba hila te fodu kaisei suspen te mala ima te boho ghotilo na.’ ”

Eksodas 16:21

Leuleghu hamerane na naikno te gnafa re ne salo ghedi naba gano te mala ima na. Nu kate haghe te brana naprai na, gano teke theome salo mare teke au teku ka glose na ne blalho ne vuhai khoꞌu kolho.