Eksodas 15:7 - Buka Blahi Ka Cheke Holo

⁷ “Ka nou nolaghi iagho te biꞌo igne, iagho tapla faparidi nou naoka re. Diꞌa tamu iagho na brana fara jateula khaꞌaghi eghu, eghuteuna nou mae naoka iagho re ne ghamu khaꞌaghi jateula buburu moja neu.

Eksodas 15:7 ပူးပေါင်းရင်းမြစ်များ

Profet Isaia 5:24

Naugna igne, Lord ginauna thono para ghami ghotilo, jateula khaꞌaghi te ghamu buburu te brango ra eghu. Uve, Lord ginauna goigoni ghami ghotilo jateula gaju te boto glathigna na, eghuteuna chechenge gna na brango eghuteuna pala me tei nuri delei teura eghu. Mana eni igne, naugna ghotilo ne tiromi fanomho ka nogna farirhiu noda God tahati maeda Israel mae ihei te au nolaghi fateote'o igne.

Profet Malakai 4:1

Lord ne cheke eghu, “Nogu narane iara te mala fatedi naiknore ginauna mei jateula khaꞌaghi eghu. Naikno te cheke fahaehaghe, nei naikno te diꞌa puhidire teu igre ginauna jateula gaju te gnagha te brusu khaklagnare ra eghu. Eghuteuna ka narane tuana naikno igre ginauna nhako fahui ka khaꞌaghi.

Profet Isaia 47:14

Nou mae glalase iagho igre ginauna na jateula buburu te gnhagha te nhako lao ka khaꞌaghi ra eghu kolho. Mare ginauna na theome fakarhidi thedi ka khaꞌaghi! Khaꞌaghi igne theome mala peha mare ka vido te rifu, nu mala nako lao fahuidi kolho mare.

Profet Isaia 37:29

Naugna iara laseni te fahaehaghe fara iagho na, nei iara laseni te cheke diꞌatamu fara iagho ka iara ra, iara ginauna lilisei kaisei thagho ka foflomu iagho na, nei kaisei vido aean ka foflomu iagho na, mala ke korho fapulo nigho ka nabrou aheva teke meimu iagho na.

Profet Isaia 5:16

Nu mare ginauna na fafnaknoni Nanghagna Lord mae ihei te au nolaghi fateote'o igne. Naiknore ginauna filoni puhigna noda God te blahi fara igne thofno doglo fara. Naugna Mana fatedi naiknore ka puhi te doglo.

Nodi Khoje Hatimare Mae Jiu 148:13

Tutuani fara, tahati te gnafa mala kafe kilo fnaknoni nanghagna Lord! Nanghagna mana biꞌo fara tei salaꞌudi keha nanghare, eghuteuna nogna nolaghi mana na thofno nheta salaꞌudi fara gobigna lepo te au kligna ba te au ka nauthoglu igne.

Nodi Khoje Hatimare Mae Jiu 83:13

God, eghume ifu faflalodi sagho mala jateula nakrofu khaꞌaghi ba jateula khakla gaju te lehera eghu mare mala flalo tei dofidi.

Diutronomi 33:26

Aonu mae Moses neke cheke eghu ka naikno te gnafadi Israel, “Theo kaisei god te jateula nomi God ghotilo naiknomi Israel te doglo ra. Mana tangomana te kasa ka maloa na te togho ghami ghotilo, eghuteuna mana tei ke lamna khoveo ka nogna nolaghi biꞌo.

Mae Khuru 9:4

Mae Sol ne khoko soru pari ne nomhini kaisei naogla ne cheke eghu ka mana, “Sol, Sol! Naugna unha sagho te para ghau iara gnea?”

Matiu 3:12

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fofota gano te kelire ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Profet Sekaraea 14:8

Kate mei narane tuana, khoꞌu te tusu mei karha na ginauna loloro mei funu Jerusalem. Kaisei vido gna na ginauna loloro sukha fei Thongna Lehe, eghuteuna keha vido na loloro tei fei Thongna Mediterenian. Neubane nakhete ba theome nakhete, khoꞌu igne ginauna loloro fabrahu. Ginauna na theome tangomana te krango na.

Profet Sekaraea 14:3

Aonu Lord ginauna jifla tei mala magra ka kantri igre jateula puhi te sughu eni fabrahu mana tifa kate magra na.

Profet Sekaraea 2:8

Ke leghu na, Lord mae ihei te au nolaghi fateote'o igne neke vahi ghau iara mala tei toutonu eigna nonomho igne ka kantri te goigonidi nogu naikno iara igre. Mana neke cheke eghu, “Iheire te goigoni ghami ghotilo nogu naikno iara igre, mare jateula te goigoni ni thofno famane nogu glepo iara ra eghu.

Profet Maeka 4:11

Gognarona, kmana naikno ka keha kantri igre khapru mei mala magri nigho. Mare cheke eghu, “Tahati mala goigonini Jerusalem, mala filo nodani! Tahati ginauna keli tada fara kate filoni namono biꞌo igne nate thofno diꞌa fara na!”

Profet Jeremaea 10:6

Lord, theo kaisei god te jateula iagho teuna! Nanghamu iagho na fnakno fara kligna lahu, eghuteuna iagho au nolaghi fateote'o.

Profet Isaia 37:38

Kaisei narane ke leghudi igre, King Senakerib tei ne tarai ka nogna Sugablahi nogna god Nistrok, eghuteuna phei mae thugna mana, mae Adramelek ghe mae Saresa, phia mare ne aknu faleheni mana ka naflahi. Aonu phei mae igre rikha ne tei au Ararat ka nohi te khaba fara. Eghuteuna kaisei thugna mana, mae Esahadon neke king gna Asiria.

Profet Isaia 37:36

Aonu ka bongi igne kaisei engel nogna Lord ne mei ka vido te au teu mae soldiadi Asiria igre ne aknu falehe kaisei gobi nhana salei glima thogha ka mare. Kate dofra haghe mare hamerane boibongi na, mare ne filodi thinidi mae soldia te lehere.

Profet Isaia 37:23

Ihei gne te cheke faparini iagho na? Ihei gne te eha fabiꞌoni nei cheke faparini teu iagho na? Iara nodi God maedi Israel te blahi fara, nu iagho cheke fapari ghau iara!

Profet Isaia 37:17

Lord! Filo sagho ka unha te thoke ghami ghehati igre. Fanomho sagho ka gobigna lepo te cheke fadiꞌa nigho King Senakerib igre, iagho God mae ihei te karha te tifa.

Nodi Khoje Hatimare Mae Jiu 68:33

Ghotilo koje ranghini mae ihei te nolo tafri teu ka maloa kligna, maloa igne neke au vuha tifa. Fanomho si ghotilo, mana eha fabiꞌo jateula fila eghu.

Nodi Khoje Hatimare Mae Jiu 59:13

Eghume te keli na iagho diꞌatamudi nei falehedi eghu. Fahui aridi sagho naikno te diꞌa tuare. Te eghu iagho na, naiknore ginauna laseni te iagho ngala God na, mae ihei te funei fruni ni Israel, nei nou nolaghi iagho na tei posa ka namono te gnafa ka nauthoglu igne.

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Eksodas 14:27

Aonu hamerane boibongi, mae Moses ne tusu lao khame na ke kligna thongna, eghuteuna thongna na neke pulo mei ka mala augna na jateula teke tifa ia neu. Hatimare mae Ijep ra ne fariuriu rikha, nu faꞌiho theome tangomana, naugna Lord ne haglu laodi mare lamna thongna.

Diutronomi 4:24

Blahi naugna Lord, nomi God ghotilo na tangomana te diꞌatagna fara ka ghotilo na. Diꞌatagna mana igne jateula kaisei khaꞌaghi eghu, eghuteuna mana theome magnahaghei ghami ghotilo te tarai ka kaisei god ngau.”

Eksodas 5:12

Aonu mare tei ne hiro buburu moja ka vido te gnafa ka kantri Ijep.

Thoutonu Eigna Mae Job 9:4

God na thofno lalase fara, eghuteuna mana nolaghi fara. Eghuteuna theo kaisei naikno te tangomana te kegra haghe te uluni mana na.