Eksodas 15:6 - Buka Blahi Ka Cheke Holo

⁶ Lord, iagho khame nhetamu na thono nolaghi fara, ne puri nguja noudi hatimare mae naoka gre.

Eksodas 15:6 ပူးပေါင်းရင်းမြစ်များ

Profet Isaia 51:9

Lord, dofra sagho mala mei balu nou nolaghi biꞌo mala togho ghami ghehati, jateula teke eni iagho tifa ia eghu. Iagho neke vuri kusi mogo biꞌo Rehab te au ke lamna nhorora igne.

Thakle 2:27

Mare ginauna heta fara kate funei frunidi naiknore, nei mare ginauna thofno roꞌe sorudi nogna naoka God re jateula tahati tangomana te rurhuja kapura eghu kolho.

Nodi Khoje Hatimare Mae Jiu 60:5

Iara tore nigho mala fakarhi ghami ka nou nolaghi. Cheke tughudi nomi tharai ghehati naikno te namhadi fara iagho gre mala au fakeli ghehati.

Nodi Khoje Hatimare Mae Jiu 2:9

Iagho ginauna na falehedi naikno te gnafa igre ka aean, eghuteuna iagho ginauna na puri nguangujadi jateula suspen thina eghu.’ ”

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Profet Isaia 52:10

Lord ginauna fakakhana nogna nolaghi te blahi na. Eghuteuna naikno te gnafa ka nauthoglu igne ginauna filoni mana te fakarhidi nogna naiknore.

Profet Jeremaea 13:14

Eghuteuna iara ginauna goigonidi naikno igre jateula mae ihei te goigoni phei botol igre eghu. Iara ginauna kafe goigonidi hui, idodi kmadi balu thudire. Ka narane igne, iara ginauna theome kokhonidi naikno igre. Thono theo fara. Iara ginauna kafe goigonidi hui.’ ” Igne chekegna Lord.

Nodi Khoje Hatimare Mae Jiu 98:1

Tahati kojeni kaisei khoje majaghani mala koje kilo fnaknoni Lord, naugna mana edi glepo te biꞌo. Mana la uludihi nogna naokare kau magra. Uve, mana ulu ka nogna nolaghi te blahi nei nheta fara.

Nodi Khoje Hatimare Mae Jiu 77:10

Aonu iara ne cheke eghu ka gaoghathogu na, “Tore, God mae ihei te fnakno fara igne, tirogna ghauhila iara gognaro na. Glepo igne la thofno fadiꞌani gaoghathogu iara na.”

Nodi Khoje Hatimare Mae Jiu 74:11

Iara tore nigho iagho mala goigonidi nou mae naoka gre!

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Nodi Khoje Hatimare Mae Jiu 17:7

Falalase meini ka iara nou namha biꞌo na mala fakarha ghau iara. Eghuteuna nogu naoka iara re ginauna na theome goigoni ghau iara naugna iagho ne bara fothi ghau iara.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Profet Isaia 30:14

Uve, puhimi ghotilo te diꞌa igne ginauna theome togho ghami ghotilo jateula suspen te phosa te theo kaisei naikno te lilisei kaisei glepo tagna ra eghu.”

Eksodas 3:20

Iara ginauna loku ka nogu nolaghi mala edi kmana nafnata kofubobhoi ka tathadi naiknodi Ijep, mala mhaghu nei paradi eghu mare. Eghuteuna ke leghugna igne, king ginauna snakre ghami mala jifla ghotilo.

Eksodas 6:1

Aonu Lord ne cheke eghu ka Moses, “Theome raugha iagho ginauna filoni unha nate eni iara ka king gna Ijep. Iara ginauna loku ka nogu nolaghi biꞌo na ranghini mana, mala snakredi mana nogu naikno iara gre mala jifla tei mare. Uve, mana ginauna huhurudi mala jifla mare ka nogna kantri na.”

Eksodas 15:12

“Kate fadodoglo iagho khame nhetamu na, nauthoglu gne neke thora neke kafe tomno soru nou naoka iagho re.

Eksodas 15:16

Lord, kate filoni naiknore nou nolaghi biꞌo iagho na, naiknore ginau na mhaghu nodi fara na theome eni kaisei unha nga. Mare ginau na kegrau jare jateula kaisei gaju eghu mala ghilei tei salaꞌui ghehati naikno teke atha fajifla ghami iagho ka sosolo ia.

Eksodas 18:8

Mae Moses ne toutonu ka mae Jetro gobigna lepo te edi Lord ranghini king, nei naiknodi Ijep. Eigna Lord neke fakarhadi naiknodi Israel. Mana neke jaola neke toutonu ka mae Jetro eigna Lord te toghodi mare ka thua hoholo fateote'o te mei thafodi mare ka nabrou na.

Ululahu Samuel 2:10

Lord ginauna fatedi naikno te au ka namono te gnafa ka nauthoglu igne. Mana ginauna goigonidi nogna naoka re. Mana ginauna au kligna, mala fapoha mei fila ka mare. “Eghuteuna mana ginauna tusu lao nolaghi ka king teke vavahi mana na. Uve, mana ginauna pala hagheni nei toghoni eghu mana mala ulu fabrahu.”

Nodi Khoje Hatimare Mae Jiu 24:8

Mae ihei te mae king biꞌo na? God ngala mae te nheta nei nolaghi teu ka magra na ngala te mae king biꞌo na.

Nodi Khoje Hatimare Mae Jiu 44:4

Iagho nogu Lord nei nogu God eghu iara, iagho gognaro na toghodi nou naiknore mala nheta frunidi nodi naokare ka magra na.

Nodi Khoje Hatimare Mae Jiu 89:14

Iaghou ngala King na eghuteuna puhimu iaghore kafe doglo fara. Iagho fatedi koba naiknore ka puhi te doglo fara. Gobigna lepo te edi iagho re falaseni nou namha biꞌo iagho na ka naiknore, eghuteuna iagho tajini fabrahu nou nhaꞌa cheke na.

Profet Isaia 63:12

Mana neke tusu lao nolaghi biꞌo ka mae Moses. Eghuteuna mana neke fofota thongna na ka phei vido neke kasa nogna naiknore ka keha phile na, eghuteuna ka puhi igne mana ne atha nafnakno biꞌo te theo ka huigna.